PEMUYAN 7:25 - Kenyah New Testament

²⁵ Un tekaʹ kimet Musa kuma ha, apan tai te cenganak keʹ dina ke tisen ban akeʹ iaʹ Allah ke kanan, man ke sau ida neng udip iaʹ taru, ke paso ida palaʹ udip iaʹ pejo. Un sepuʹo abeʹ de tai tisen ia ʹo.

PEMUYAN 7:25 Iomraidhean Croise

MARKUS 9:32

Abeʹ de tisen pekimet sen katuk ina. Ngan laʹa takut pe ida lemutu ia neng idi.

LUKAS 18:34

Un nte diaʹ bayaʹ katuk ke dina, peletoʹ de are tisen sen tiraʹ ina. Sen tiraʹ ina suhuk neng ida. Nyahut de tisen dau Yesus ne.

LUKAS 9:45

Abeʹ ne ida tisen sen tiraʹ ina, moʹ o linget neng ida, idi re are mencam pekimet sen tiraʹ ina. Ngan takut pe ida ke lemutu ia neng idi.

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

PEMUYAN 15:4

Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 15:7

Majan nte pata dau isiu re. Uʹo ina kenai Peterus beteʹ. Un dau ue: “Ahaʹ cenganak keʹ mung, tisen te ikem, cen kena ne Allah lemileʹ akeʹ neng ahang ikem apan nceʹ ke pedenga katuk Injil me dulu diaʹ tahaʹ awang Yahudi, idi re kenahan ngan ngelan ne pe.

PEMUYAN 21:19

Kun Paulus badaʹ saheʹ tawai ie palaʹ ida, penco ho nepuʹun badaʹ tahaʹ ca tahaʹ ca, mung puyan iaʹ Allah uyan cen ban gayeng nge neng ahang dulu diaʹ tahaʹ awang Yahudi.

PEMUYAN 7:24

Kun ne taʹan ca usa Masir nyakit ca usa Israil, penco ho mepo laki iaʹ ia nyakit ina, ti laki Masir ina pa ha matai.

PEMUYAN 7:26

Tegoʹ neng kenempam me laʹa, kun Musa petegoʹ ngan dua usa Israil pekenca. Kun ne mulen ida dua pekenca, ten ke uyan tiga saheʹ mida, kun dau ue: ‘Ahaʹ cenganak, pecenganak kem dua. Inu adeʹ kem pesakit tupe?’

RUM 15:18

Abeʹ keʹ tempa ke pisiu neng inu puyan diaʹ ca, buk are neng puyan iaʹ ban Keristus uyan kanan akeʹ, iaʹ ina ke payo dulu diaʹ tahaʹ awang Yahudi tunuk bayaʹ Allah.

1 KURINTUS 15:10

Un sepuʹo puyan iaʹ nuyan neng akeʹ naʹkini un nuyan kuʹun pengelesau Allah iaʹ ia lebang naʹ milu. Ngan pengelesau iaʹ ia naʹ makeʹ, abeʹ e tai bura tuaʹ le, di lareʹ akeʹ iaʹ tangen pegayeng lapa neng ʹo puyan lawa Injil diaʹ ca. Iaʹ lan ne, abeʹ e puyan pemuyan nceʹ tengen, di lareʹ pengelesau Allah iaʹ ia lebang naʹ milu iaʹ pegayeng ngan nceʹ.

1 KURINTUS 3:9

Ban ne ameʹ dini iaʹ pemung pegayeng me Allah. Allah iaʹ un pula ina, ngan ikem iaʹ pula ha ina. Pekina pe buk le pekata ha laʹa, ikem ne iaʹ koʹ baʹan ca amin are, ngan Allah iaʹ un amin ina.

2 KURINTUS 6:1

Ina ukoʹ ameʹ diaʹ pemung pegayeng ngan Allah taten dau nyat ikem: alaʹ ne pengelesau Tuhan Allah, iaʹ ia lebang naʹ ina, ngan ayen peterai ie pelo-lo.

KULUSE 1:29

Tuman ina, jengan ngan nengayet tekaʹ keʹ ke kanan penyukat pali, iaʹ Keristus naʹ makeʹ, iaʹ pegayeng dalem usa heʹ.