PEMUYAN 7:2 - Kenyah New Testament

² Kun Stipanus mipa ia: “Ahaʹ pui, ngan cenganak cenganak keʹ mung, tiga hem ngeringa dau heʹ. Ban Allah iaʹ un serema peniga lepa nai luhaʹ palaʹ tepun le Ibrahim dalau ue caʹ un kaʹ tanaʹ Mesuputami, kena ha ke tai paso kaʹ tanaʹ Haran cen naʹaʹ te are.

PEMUYAN 7:2 Iomraidhean Croise

MATIUS 6:13

Ayen ngkin ameʹ tai sihoʹ pengeten, di lareʹ menting ameʹ cen Bali Jaʹat.’

LUKAS 2:14

“Serema peniga me Allah kedalem surga iaʹ atek mpau, ngan udip tadan kusun tanaʹ ini me kelunan diaʹ alaʹ peniga cen Tuhan Allah.”

YAYA 1:14

Tiraʹ idai are, lepa nai pekaliu ca usa kelunan, penco mudip neng ahang ilu. Ameʹ diaʹ taʹan serema peniga ha sangan pengelesau ngan isiu iaʹ telit. Bang ca ia le iaʹ Anak Amai Bio, ina ukoʹ un pekina uban puyan serema peniga ha.

YAYA 12:41

Yesaya pisiu pekini dau uban ne lepa taʹan serema peniga Yesus, ngan penco badaʹ puyan ne.

PEMUYAN 22:1

“Ahaʹ pui, amai, ngan cenganak, ngan tepat mung, ngeringa hem dau heʹ ke mipa ikem ading.”

PEMUYAN 23:7

Uʹo Paulus pekina dua, tai paseʹ ne dau re diaʹ Perisi ngan nte diaʹ Seduki dina. Un mpun dina tai bese dua re.

PEMUYAN 7:1

Un dau Pengebioʹ Detaʹu kuma: “Lan pekina tupe?”

1 KURINTUS 2:8

Neng ahang diaʹ ngaren dulu kusun tanaʹ ini, ca usa pe abeʹ un tisen puyan penudi ini. Buk de ke tisen ia, atek abeʹ de ke ngediding Tuhan iaʹ puʹun serema peniga ina neng usun kayu tecek.

IPESUS 1:17

Kun nceʹ nyat neng Allah, iaʹ Allah Tuhan le Yesus Keristus, Amai iaʹ atek puʹun serema peniga, cuk ia naʹ Berua Buheʹ iaʹ ke naʹ penudi mikem, iaʹ ke peluhaʹ Allah, idi hem tai tisen ia.

TITUS 2:13

Naʹkini ilu pengaʹ kenai Tau Bioʹ, iaʹ ilu nebelum kenai o. Tegoʹ ina ne, serema peniga Allah iaʹ atek bioʹ, iaʹ Keniga Udip le, kenai luhaʹ, iaʹ ina ne Yesus Keristus.

IBERANI 1:3

Ia iaʹ nyerema serema peniga Allah lete. Ia iaʹ seleket uban peluhaʹ layen Allah lan, ngan ia lete iaʹ ngkang mung inu kusun langit ngan tanaʹ man isiu nyingan ne. Lepa ha uyan puheʹ man muheʹ penyalaʹ kelunan, sulo ho madung kaʹ surga tahaʹ taʹu Allah iaʹ atek Bioʹ Nyingan.

IBERANI 11:8

Kuʹun pengelan ne Ibrahim bayaʹ dau tegoʹ Allah mengin ia are. Penco Ibrahim tai palaʹ ca tanaʹ iaʹ Allah petuket ke naʹ mia. Kun ne mecin tanaʹ a tengen, mentung nge abeʹ un tisen kempi ia ukoʹ o ketai.

YAKUP 2:1

Ahaʹ cenganak cenganak keʹ, koʹ baʹan ikem diaʹ ngelan Tuhan le Yesus Keristus, Tuhan iaʹ serema peniga, ayen ncem peletoʹ selepeʹ seʹ puyan neng kelunan bayaʹ seʹ puyan nte cen awang tuaʹ.

PUYAN LUHA’ 4:11

“Ahaʹ Allah, Tuhan meʹ, bang ikoʹ iaʹ tekep alaʹ serema peniga, ngan selama, ngan penyukat, moʹ bang ikoʹ le iaʹ ban uyan mung inu ne. Moʹ kuʹun pengubaʹ kimet coʹ mung inu lepa nuyan ngan mudip.”