PEMUYAN 6:7 - Kenyah New Testament

⁷ Tai libut kuʹo ne denga tiraʹ Allah, ngan nai un pit un pit ne kadoʹ de diaʹ bayaʹ katuk Tuhan kaʹ lepoʹ Yerusalim. Kadoʹ pe ida diaʹ detaʹu nai ngelan bayaʹ Yesus.

PEMUYAN 6:7 Iomraidhean Croise

MATIUS 19:30

Un sepuʹo kadoʹ kelunan naʹkini diaʹ tahaʹ tena ke tai tahaʹ bayaʹ, ngan pekina pe kadoʹ kelunan naʹkini diaʹ tahaʹ bayaʹ ke tai tahaʹ tena.”

LUKAS 2:34

Penco Simiun naʹ peniga mida dua. Un dau ue neng Mariam ueʹ anak ina: “Allah iaʹ ban nengangan naʹ anak ini, apan ne ke nasaʹ palai lepoʹ Israil, ngan kadoʹ pe diaʹ ia ke pudip puʹo. Ngan ia ca tedanaʹ cen Allah. Kadoʹ dulu ke nyakat dau ue ʹo,

YAYA 12:42

Tegoʹ ina lete kadoʹ diaʹ lataʹ Yahudi ngelan neng Yesus, un sepuʹo kuʹun diaʹ Perisi dina, ina iaʹ ukoʹ de abeʹ un luhaʹ dau pisiu puyan ne, malap ida pesau cen amin sebayang.

PEMUYAN 12:24

Tira Allah tai denga kuʹo ke, ngan un pit un pit ne dulu diaʹ ngelan ne.

PEMUYAN 13:8

Un laki iaʹ mencam pucau ina, Bar-yesus ne, (Ilimas ngadan ne neng isiu Gerika,) ia nyakat Barnabas ngan Saul, moʹ o ubaʹ ke nyalaʹ laki bioʹ gebenur ne tai coʹ neng pengelan ne neng Tuhan.

PEMUYAN 14:22

Mentung nte nyalet penawai dulu diaʹ lepa bayaʹ katuk Tuhan, ngan petagen ida ke tudep dalem pengelan nte. Pekini dau katuk de dua: “Ilu diaʹ tisen puyan pengaren Allah ngaren ilu, abeʹ senteng le are ke bayaʹ janan iaʹ un kadoʹ penaru lete.”

PEMUYAN 19:20

Pekina ban luhaʹ penyukat tiraʹ Tuhan iaʹ tai denga kuʹo ke, ngan tai un pit un pit pengali ie.

PEMUYAN 2:47

mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

PEMUYAN 21:20

Lepa re kenahan dau puyan ina, penco re pempau Allah. Kun dau re neng Paulus: “Ahaʹ cenganak, tisen ne ikoʹ ban kudaʹ ibu diaʹ lepoʹ Yahudi diaʹ lepa ngelan Tuhan Yesus di lareʹ mung nte caʹ tudep lepe ida kanan Katuk Adet Musa.

PEMUYAN 6:1

Kudaʹ majan uʹo ina, nai un pit un pit ne pengekadoʹ de diaʹ bayaʹ katuk Tuhan dina. Tai paseʹ ne dau lepoʹ Yahudi diaʹ pisiu Gerika neng lepoʹ Yahudi diaʹ puʹun. Un lepoʹ Yahudi diaʹ pisiu Gerika dina badaʹ abeʹ un aheʹ iaʹ pesingo leto balu re dalau re petulat balun singket tau are.

RUM 1:5

Moʹ kuʹun Yesus, bioʹ ban pengelesau Allah naʹ gayeng makeʹ ketai ca diaʹ lawa Injil ban tuman Keristus ne. Ina ukoʹ keʹ ke payo kelunan singket lepoʹ ne, ke ngelan Tuhan ngan tudep bayaʹ a.

RUM 16:26

Luhaʹ ne katuk iaʹ telit ina naʹkini kuʹun ban Kitap Pegawa Tuhan, ngan kuʹun pengecuk Allah iaʹ ngeriman mudip, iaʹ peluhaʹ a me mung lepoʹ, apan mung kelunan sukat ke ngelan ngan tunuk bayaʹ a.

GALATIA 1:23

Un sepuʹo ida tai tisen akeʹ kuʹun dulu diaʹ ca tuaʹ le iaʹ kuma ha: “Ini ne kelunan iaʹ nyakit ameʹ are, naʹkini ia ne iaʹ pedenga pengelan iaʹ ia ten ke nasaʹ cen naʹaʹ are.”

GALATIA 6:10

Moʹ ina, lemuto ilu alaʹ pengebiʹen ke uyan tiga me mung kelunan, diaʹ ading nge me diaʹ pemanak le dalem pengelan.

KULUSE 1:6

Denga Injil, iaʹ tai libut pa tipo usun tanaʹ ini, ngkin ca peniga palaʹ kelunan, koʹ baʹan puyan ne nai libut neng ahang ikem cen tau tading ngkem kenahan puyan pengelesau Allah iaʹ ia lebang naʹ ina, ngan mentung ngkem tisen lan neng peniga ina.

2 TESALUNIKA 1:8

Kenai ie peging ngan luten iaʹ bangoʹ. Man dina ne ia ke ngukum kelunan diaʹ abeʹ un tisen Allah, peging ngan kelunan diaʹ abeʹ un bayaʹ dau Denga Injil Tuhan le Yesus ina.

2 TIMUTIUS 2:9

Suaʹ keʹ ban pedenga Denga Injil ini, koʹ keʹ sihoʹ tuyen pa heʹ sihoʹ beka ampit malat, koʹ baʹan ca usa diaʹ ban pepuk kuʹun penyalaʹ are. Un sepuʹo tiraʹ Tuhan, abeʹ e tisen beka ampit malat.

IBERANI 11:8

Kuʹun pengelan ne Ibrahim bayaʹ dau tegoʹ Allah mengin ia are. Penco Ibrahim tai palaʹ ca tanaʹ iaʹ Allah petuket ke naʹ mia. Kun ne mecin tanaʹ a tengen, mentung nge abeʹ un tisen kempi ia ukoʹ o ketai.

IBERANI 5:9

Tegoʹ Yesus lepa nuyan daʹam are, ia penco nuyan atek puʹun puyan iaʹ pudip kelunan neng udip saheʹ kelineʹ iaʹ ngeriman, iaʹ ina me kelunan diaʹ tudep bayaʹ dau ue.

YAHUDA 1:20

Un sepuʹo ikem diaʹ cenganak keʹ, nemek ne nekedeng pengudip kem pebesun ne neng pengelan ncem iaʹ atek buheʹ. Lemameʹ ne ikem dalem pengali Berua Tuhan,

YAHUDA 1:3

Ahaʹ cenganak keʹ diaʹ akeʹ malaʹ, tekaʹ sedep keʹ are, ubaʹ ke pemuʹo tekaʹ penyanget ceʹ ke nyurat palaʹ ikem neng puyan iaʹ ke pudip ilu dalem Tuhan, iaʹ ilu ban pemung un. Un kaʹ kenai kimet ceʹ laʹa ke nyurat ca naʹan iaʹ ke petangen ikem ke pali ngkang katuk pengelan ini, iaʹ Allah lepa naʹ me ilu diaʹ anun ne ca liwai lan lan le.