PEMUYAN 6:4 - Kenyah New Testament

⁴ Tuman ina ameʹ dini diaʹ ke pekutat ke lemameʹ Tuhan ngan ke menco gayeng pedenga tiraʹ a.”

PEMUYAN 6:4 Iomraidhean Croise

LUKAS 1:23

Uʹo ho pesukung toʹ majan ne neng gayeng nge dalem Umaʹ Palan ina, tai kun Sakaria uleʹ ne kaʹ amin nte nuʹo.

PEMUYAN 1:14

Mung nte lemuto pempun ke lemameʹ neng ca le penawai re. Un pe kudaʹ usa leto ngan nte. Un pe Mariam ueʹ Yesus, ngan diaʹ sadin laki neng Yesus.

PEMUYAN 2:42

Ida dina tudep tai pekalai ngan diaʹ lawa Injil dina, ngan kenahum neng udip iaʹ pebeka penawai, pekina pe dalem puyan nte pemung uman ngan lemameʹ palaʹ Tuhan.

RUM 1:9

Allah iaʹ senteng nugen isiu heʹ. Palaʹ ia le akeʹ pegayeng ngan keluʹung kimet ceʹ, iaʹ ina puyan pedenga Denga Injil neng puyan Anak ke. Allah iaʹ tisen, abeʹ keʹ beto petawai ikem.

1 KURINTUS 9:16

Puyan nceʹ pedenga Denga Injil, abeʹ e nuyan ukoʹ keʹ ke bangen tekaʹ. Abeʹ keʹ senteng muau dau iaʹ cuk akeʹ. Siʹau pe akeʹ buk keʹ abeʹ un pedenga Denga Injil ini.

PILIPI 1:4

Singket ceʹ lemameʹ mikem, akeʹ ti ngan bangen tekaʹ tawai heʹ,

KULUSE 2:1

Talan ne akeʹ badaʹ mikem kumpin ban nceʹ lepa muhat pegayeng mikem are, ngan me kelunan diaʹ kaʹ lepoʹ Ludikia, ngan pekina pe me mung nte diaʹ abeʹ un taʹan akeʹ lepe.

KULUSE 4:12

Pekina pe Ipapras, ca usa diaʹ anun ncem, ngan iaʹ ulaʹ Yesus Keristus, badaʹ tiga saheʹ e palaʹ ikem. Ngan sanget seʹ e lemuto lemameʹ palaʹ Allah apan ncem ke salet dalem pengelan ncem, ngan dengkep puyan ncem, ngan penisen ncem ke sukung, mentung ngkem ke tunuk palaʹ Allah ngan toʹ tekaʹ libaʹ tawai hem bayaʹ pengubaʹ a.

KULUSE 4:17

Ngan tiga hem kuma dau neng Arkipus: “Nawai hoʹ ke pelepek tulat gayeng iaʹ Tuhan lepa naʹ mikoʹ are.”

2 TIMUTIUS 4:2

Pedenga ne tiraʹ Tuhan, ngan lemuto tenup tekaʹ koʹ ke penco tiraʹ ina, mele dalau kumpin kumpin pe. Tiga hoʹ peluhaʹ pemuyan dulu, ngan negun dau neng diaʹ salaʹ. Petangen ida, ngan pekatuk ida man toʹ pengedenaʹ tawai hoʹ.