PEMUYAN 6:3 - Kenyah New Testament

³ Moʹ ina cenganak cenganak, tiga hem lemileʹ neng ahang ikem, tujoʹ usa diaʹ ban ilu nugen luhaʹ diseʹ un sangan kuʹun Berua Buheʹ, ngan diaʹ tudi diseʹ penisen pe, iaʹ ilu nebelum ke ngkang gayeng ini.

PEMUYAN 6:3 Iomraidhean Croise

MATIUS 23:8

Ayen ncem ubaʹ dulu ke pisiu ikem ‘Guru,’ uban ne ketoʹ kem pecenganak, ngan bang ca le Guru hem.

YAYA 21:23

Ina ukoʹ denga ina tai purat ne kahang ida diaʹ bayaʹ Yesus ne kuma laki ini abeʹ un ke matai. Un sepuʹo abeʹ Yesus un kuma ia abeʹ un ke matai. Dau ue: “Buk keʹ ubaʹ ia mudip pa kenai heʹ laʹa ʹo, mele inu pe ia pekina neng ikoʹ?”

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 1:21

“Moʹ ina, tekep ca usa nai pit ameʹ ke badaʹ tugen neng Tuhan Yesus nai numpak mudip cen patai. Tekep lete ia causa iaʹ ban pemung ngan meʹ dalem ngajan Yesus masat ngan meʹ are,

PEMUYAN 10:22

Un dau re: “Un Kurnilius, kaptin sedadu, ia iaʹ cuk ameʹ nai. Kurnilius ne, ia ca laki iaʹ telit lan, iaʹ tunuk palaʹ Tuhan Allah, ngan mung lepoʹ Yahudi pada ia. Ban ca melikat Allah iaʹ cuk ia mengin ikoʹ tai kaʹ amin ne, moʹ o ubaʹ ke ngeringa dau tiraʹ koʹ.”

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 16:2

Mung diaʹ cenganak dalem Tuhan kaʹ lepoʹ Ikunium ngan lepoʹ Listera pada Timutius.

PEMUYAN 2:4

Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

PEMUYAN 22:12

“Un ca laki ngadan ne Ananias, iaʹ sanget lemameʹ palaʹ Allah, ngan tudep bayaʹ Katuk Adet le. Mung lepoʹ Yahudi diaʹ mudip kaʹ lepoʹ Damsik pada Ananias ne.

PEMUYAN 28:14

Kaʹ ina meʹ petegoʹ ngan palai diaʹ ngelan Tuhan. Ida iaʹ cuk ameʹ ngelineʹ tujoʹ tau majan meʹ pemung ngan nte. Uʹo ina le tai meʹ kaʹ lepoʹ Rum.

PEMUYAN 6:2

Tai puloʹ dua usa lawa Injil dina pempun mung diaʹ bayaʹ katuk Tuhan dina. Un dau re: “Abeʹ meʹ dini tekep tekaʹ ke lepo gayeng pedenga tiraʹ Allah apan ketai ngkang gayeng petubo ligit.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 6:6

Mung nte dina, ida ngkin palaʹ diaʹ lawa Injil dina. Penco diaʹ lawa dina lemameʹ, ngan napoʹ ujoʹ de neng ida.

PEMUYAN 9:30

Un diaʹ cenganak ke dalem Tuhan dina, tai re tisen neng puyan ina, penco re ngkin Saul kaʹ Kaisaria, kun nte cuk ia tai kaʹ lepoʹ Tarsus.

1 KURINTUS 12:8

Moʹ neng ca usa un Berua Tuhan iaʹ naʹ ca isiu iaʹ tudi. Ngan neng diaʹ ca Berua Tuhan ina loʹ lete iaʹ naʹ ca isiu penisen.

1 KURINTUS 16:3

Dalau lepa heʹ abeʹ ʹo, kimet ceʹ ubaʹ ke cuk kelunan, diaʹ ikem lepa ngelan ke ngkang gayeng ini, ketai ngkin pencai hem ina peging surat iaʹ ke badaʹ ngadan nte kaʹ Yerusalim.

IPESUS 5:18

Ayen ncem mabuk telang jakan iaʹ ke ngejaʹat ikem, di lareʹ tiga hem tai sangan kuʹun Berua Tuhan.

1 TIMUTIUS 5:10

Ngan tiga ban baloʹ saheʹ e, ngan mencam ban petubo anak ke, ngan selama alaʹ sakai nyabeʹ amin ne, ngan ban muheʹ taket diaʹ anun Tuhan, ngan mepo dulu dalem taru, ngan tangen neng kadoʹ naʹan puyan tiga.

YAKUP 1:17

Cen surga kenai mung puyan iaʹ mencai tiga, pekina pe singket pencai iaʹ daʹam. Atek nai cen Allah puyan dina, iaʹ ban nyelung uyan mung naʹan dema kaʹ langit. Ia tengen abeʹ un tali pekaliu. Abeʹ e uyan ntem kuʹun puyan ne ketai paso.

3 YAYA 1:12

Dulu mung badaʹ tugen iaʹ tiga neng Dimitrius. Katuk iaʹ telit un luhaʹ neng usa ha mentung badaʹ tugen iaʹ tiga neng ia. Pit laʹa ameʹ badaʹ tugen iaʹ tiga mia, ngan ikoʹ pe tisen ban tugen meʹ ne lan.