PEMUYAN 6:11 - Kenyah New Testament

¹¹ Penco re peseket naʹ ligit penyeluk me dulu, cuk ida pisiu pekini dau: “Lepa ne ameʹ kenahan dau ue badaʹ tiraʹ iaʹ ngejaʹat dau neng Musa ngan Allah.”

PEMUYAN 6:11 Iomraidhean Croise

YAYA 1:17

Cen Musa, Allah lepa naʹ Katuk Adet milu. Un sepuʹo cen Yesus Keristus kenai pengelesau ngan isiu iaʹ telit.

YAYA 16:3

Atek de ke ti puyan ini neng ikem, uban nte abeʹ un tisen Amai Bioʹ, pekina pe akeʹ.

YAYA 9:29

ban meʹ tisen Allah lepa pisiu ngan Musa. Ukoʹ baʹan puyan laki ina re, pabeʹ meʹ abeʹ un tisen cen mpi kenai ie pe.”

PEMUYAN 15:21

Moʹ un cen naʹaʹ laleʹ tare, un dulu diaʹ ngalai baca Katuk Adet Musa kedalem amin sebayang Yahudi singket Tau Kelineʹ, ngan un pe diaʹ ban tai badaʹ tiraʹ Musa singket lepoʹ.”

PEMUYAN 18:6

Kun lepoʹ Yahudi miʹa ngan pejaʹat dau neng Paulus. Kun Paulus nepap abu sapai ie, mentung dau ue neng ida: “Buk kem lingu ngan ke durat berua hem nuʹo, tiwet neng ikem tengen pesuʹun kidi. Abeʹ penyalaʹ ini kesihoʹ ake. Naʹkini ketai heʹ pala lepoʹ tahaʹ awang Yahudi ne ini.”

PEMUYAN 21:28

mentung nte lemikaʹ kuma ha: “E mung lepoʹ Israil, baka, mepo meʹ ading. Ini ie iaʹ pekatuk mung dulu kempi kempi, iaʹ pejaʹat lepoʹ Israil ini peging ngan Katuk Adet Musa, pekina pe Umaʹ Palan Allah ini. Un naʹkni, un pe ia ngkin palai lepoʹ Gerika kedalem Umaʹ Palan ini, nai ngederam kukoʹ iaʹ buheʹ ini.”

PEMUYAN 25:3

Kun nte nyat lesau neng Pistus apan ne cuk Paulus tai kaʹ Yerusalim, moʹ lepa ne ida peseket ke mabang ia kaʹ janan, ubaʹ ke lematai ia.

PEMUYAN 25:7

Uʹo kenai Paulus abeʹ, un lepoʹ Yahudi diaʹ ban nai puno cen Yerusalim dina are, muʹo re nekejeng teliling ia ne. Kun nte badaʹ kadoʹ penyalaʹ a diaʹ bioʹ, iaʹ abeʹ de mencam ke nugen badaʹ a lan puʹo.

PEMUYAN 26:11

Kudaʹ liwai ne akeʹ nyakit ida kedalem singket amin sebayang Yahudi. Naten kun nceʹ cuk ida pejaʹat pengelan nte neng Keristus. Akeʹ iaʹ pasak buseʹ neng ida, ina ukoʹ o pa abeʹ lepoʹ diaʹ ca te ketai heʹ pabat ida, moʹ keʹ ke nyakit ida.”

PEMUYAN 6:10

Un Stipanus ina, Berua Tuhan iaʹ naʹ tudi penisen mia, ina ukoʹ de supeʹ nyakat ia.

PEMUYAN 6:12

Ngan puyan iaʹ pekini ida pebingaʹ dulu, ngan diaʹ lataʹ, ngan diaʹ guru Katuk Adet Musa, penco re nyudup Stipanus, meseng ia, penco re ngkin ia palaʹ Mpun diaʹ Lataʹ dina.

PEMUYAN 6:13

Kun nte cuk kudaʹ usa diaʹ lemalo nugen kidi, diaʹ kuma ha: “Laki ini abeʹ e pekenaʹ pisiu tiraʹ iaʹ ngejaʹat dau neng Umaʹ Palan iaʹ buheʹ ini, pekina pe neng Katuk Adet Musa.

RUM 3:8

Buk le bayaʹ dau kimet ini, masaʹ pekini dau katuk le: “Talan pe ilu uyan jaʹat apan nai te peniga ʹo.” Pekina dau palai kelunan pejaʹat dau neng akeʹ, diaʹ badaʹ akeʹ ban pekatuk pekina dau me dulu. Atek tekep lete kelunan dina ke sihoʹ ukum ʹo.

1 TIMUTIUS 1:13

Iaʹ lan ne, naʹ pe cen naʹaʹ are akeʹ iaʹ ban pejaʹat ngadan ne, ngan nyakit ia, ngan miʹi neng ia, un sepuʹo lesau ban Allah neng akeʹ, naʹ pe akeʹ ban uyan pekina, moʹ dalau heʹ turan are, abeʹ keʹ un pengelan lepe.