PEMUYAN 5:42 - Kenyah New Testament

⁴² Sulo tai re pekatuk singket tau kedalem Umaʹ Palan, pekina pe ngalang amin dulu. Abeʹ de beto tai pedengan ban Yesus iaʹ atek ngkang pungu udip.

PEMUYAN 5:42 Iomraidhean Croise

LUKAS 21:37

Dalau ina Yesus pekatuk dalem Umaʹ Palan Allah bang naʹ tau le. Ngan tai tahup tai ie kawang lepoʹ, tudo kusun Mudung Ampang.

LUKAS 22:53

Singket tau ne akeʹ pemung ngan ncem kaʹ Umaʹ Palan Allah. Abeʹ pe ikem nai dakep akeʹ dalau ina. Un sepuʹo ketai sihoʹ tulat cem ngan penyukat ntem ne dalau ini.”

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 13:32

Ameʹ dini iaʹ nai ke pedenga Denga Injil mikem. Ina puyan iaʹ Allah ban petuket ngan tepun le cen naʹa are.

PEMUYAN 17:18

Un palai diaʹ guru katuk Ipikuri ngan diaʹ guru katuk Stuiki nai paseʹ ngan Paulus, kun dau re: “Inu baʹan dau laki iaʹ tipan petiraʹ ini nuran nuran dau pisiu tupe?” Un dau diaʹ ca pelaʹa: “Masaʹ kenai ie pelibut denga bali uyat dulu diaʹ cen coʹ taʹin.” Ida pekina dau moʹ Paulus pedenga Yesus ngan puyan kelunan diaʹ matai nai numpak mudip.

PEMUYAN 17:3

Kun Paulus peluhaʹ sen ngan peluhaʹ katuk cen Kitap ina iaʹ badaʹ kumpin ban Laki iaʹ ngkang pungu udip tekep ke sihoʹ tuyen, ngan numpak mudip cen patai. Un dau ue laʹa: “Yesus ia akeʹ badaʹ mikem ne, ia lete Laki iaʹ ngkang pungu udip.”

PEMUYAN 2:46

Singket tau ne, tudep seʹ de tai pempun kaʹ Umaʹ Palan Allah, ngan ca le penawai re. Kun nte pemung uman kedalem amin nte, mentung nte uman ngan bangen saheʹ ngan libaʹ seʹ kimet de,

PEMUYAN 20:20

Tisen ne ikem abeʹ un ca suhuk katuk keʹ neng ikem. Ban mung tiraʹ iaʹ ngkin bang mikem, mung nge akeʹ badaʹ lete mikem, dalau heʹ pekatuk ikem neng Mpun ncem, ngan pekina pe singket lubang amin ncem.

PEMUYAN 4:20

Moʹ un meʹ dini, abeʹ meʹ senteng are ke badaʹ a inu iaʹ ameʹ lepa taʹan, ngan iaʹ ameʹ lepa kenahan ina.”

PEMUYAN 4:29

Naʹkini Tuhan, diseʹ de ngeretaʹ ameʹ. Tiga hoʹ naʹ tempa mameʹ diaʹ ulaʹ koʹ ne, idi meʹ senteng penco tiraʹ koʹ ʹo.

PEMUYAN 8:35

Sulo Pilipus badaʹ mia cen tading jo isiu dalem Kitap ina are, kun ne badaʹ Denga Injil neng puyan Yesus.

PEMUYAN 8:5

Un Pilipus, tai ie puno kaʹ dale Samaria, penco ho badaʹ neng puyan Keristus iaʹ ngkang pungu udip me dulu kina.

PEMUYAN 9:20

Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

1 KURINTUS 2:2

Dalau heʹ ngelineʹ ngan ncem are, tangen tekaʹ keʹ badaʹ puyan Yesus Keristus, iaʹ ina puyan ne matai neng usun kayu tecek. Abeʹ keʹ un kimet ubaʹ ke nawai puyan diaʹ ca dalau ina.

GALATIA 1:16

Tegoʹ Allah lepa metep kimet te ubaʹ ke peluhaʹ Anak ke palaʹ akeʹ, apan nceʹ tai pedenga Denga Injil neng puyan Anak ke ina palaʹ lepoʹ dulu diaʹ ca, abeʹ keʹ nyat dulu, mele aheʹ aheʹ pe iaʹ nai pekatuk akeʹ.

GALATIA 6:14

Telit akeʹ, bang ca le iaʹ akeʹ ke pincung, iaʹ ina tecek Tuhan le Yesus Keristus. Moʹ kuʹun tecek Yesus ina akeʹ ngerada puyan usun tanaʹ, seleket te matai neng akeʹ. Pekina pe puyan usun tanaʹ ngerada akeʹ, seleket ceʹ matai neng ia.

2 TIMUTIUS 4:2

Pedenga ne tiraʹ Tuhan, ngan lemuto tenup tekaʹ koʹ ke penco tiraʹ ina, mele dalau kumpin kumpin pe. Tiga hoʹ peluhaʹ pemuyan dulu, ngan negun dau neng diaʹ salaʹ. Petangen ida, ngan pekatuk ida man toʹ pengedenaʹ tawai hoʹ.