PEMUYAN 5:41 - Kenyah New Testament

⁴¹ Kenai diaʹ lawa Injil dina mecin kukoʹ Mpun diaʹ Lataʹ dina ngan bangen tawai re, moʹ Tuhan kuma ha tekep de sihoʹ saʹe kuʹun ngadan Yesus ne.

PEMUYAN 5:41 Iomraidhean Croise

LUKAS 6:22

“Bangen ne ikem buk dulu miʹi neng ikem, ngan nyekang ikem, ngan pejaʹat dau neng ikem, ngan kuma ikem jaʹat suaʹ ban ncem temek bayaʹ dau Anak Sio ini.

YAYA 15:21

Mung puyan ini ida uyan neng ikem uban ncem anun nceʹ, uban abeʹ de tisen ia iaʹ cuk akeʹ nai.

PEMUYAN 21:13

Un dau Paulus: “Inu hem nange ngan ngelemaʹ tekaʹ penawai heʹ tupe? Lepa tenup ne akeʹ talan ne dulu lemeka akeʹ kaʹ Yerusalim. Naʹ pe akeʹ matai, tenup ne akeʹ moʹ tuman ban Tuhan Yesus.”

PEMUYAN 5:21

Lepa re kenahan pekina dau, tai re kedalem Umaʹ Palan dalau kenai kedema neng kenempam, penco re pekatuk kidi. Kenai Pengebioʹ Detaʹu ina, peging dulu diaʹ ngan ne, mengin mung pengelataʹ lepoʹ Israil, moʹ de ke pempun mung diaʹ lataʹ. Uʹo ina kun nte cuk dulu tai kaʹ amin sepin, alaʹ mung lawa Injil dina.

RUM 5:3

Ca ukoʹ le bangen laʹa, neng penaru le, moʹ le tisen penaru ina ke cuk ilu nengayet.

2 KURINTUS 12:10

Ina ukoʹ denaʹ saheʹ keʹ dalau un puyan lemaʹ, pekina pe dalau dulu pejaʹat akeʹ, pekina pe dalau keta, ngan dalau dulu nyakit akeʹ, ngan dalau taru tuman Keristus. Moʹ dalau heʹ lemaʹ, dalau ina lete akeʹ un pali.

PILIPI 1:29

Bioʹ lesau Allah iaʹ ban pebeka ikem dalem Keristus. Abeʹ e bang ngelan tuaʹ le, un sepuʹo ke sihoʹ tuyen pe ikem moʹ kuʹun Keristus ina.

IBERANI 10:34

Ikem kuaʹ tuyen ngan kelunan diaʹ sihoʹ sepin. Tegoʹ dulu magang mung inu hem, bangen seʹ kem neng puyan pengebura hem are. Moʹ ikem tisen petem un ca puyan iaʹ pelapa tiga, iaʹ ke un pa majan.

IBERANI 12:2

Tiga le nyalet taʹat le palaʹ Yesus, moʹ ia iaʹ ukoʹ tapi pengelan le cen tading nge pa ketai kelepa ha. Abeʹ Yesus luʹap kuʹun puyan tecek are, un sepuʹo penyaʹe puyan ne matai neng usun kayu tecek abeʹ un inu tekaʹ a pekimet puyan ina, uban kuʹun pengebangen iaʹ ngena ia, ngan naʹkini ia madung tahaʹ taʹu padung pengaren Allah.

YAKUP 1:2

Cenganak cenganak keʹ, tegoʹ kenai naʹan naʹan puyan iaʹ ke ten ikem, tekep kem ke kuma tiga ukun,

3 YAYA 1:7

Uban kuʹun gayeng Keristus de tai masat. Abeʹ de dayo kelunan diaʹ abeʹ un ngelan ke mepo ida.