PEMUYAN 5:36 - Kenyah New Testament

³⁶ Moʹ cen naʹaʹ nai beteʹ ca laki iaʹ ngadan ne Tidas. Ia badaʹ ia paren bioʹ. Un pe tai dulu mayo ia, kihoʹ kihoʹ pat ato laki pengekadoʹ de. Kun dulu lematai ia, ngan kudaʹ kadoʹ dulu diaʹ bayaʹ ia tai pasi. Abeʹun ca inu inu ue laʹa.

PEMUYAN 5:36 Iomraidhean Croise

MATIUS 24:24

Moʹ kudaʹ kudaʹ Keristus palo, ngan pegawa palo diaʹ kenai luhaʹ ʹo. Ida ke uyan tedanaʹ bulen bioʹ ngan puyan iaʹ ke pesalam dulu tuman ke pelingu kelunan diaʹ Tuhan Allah lepa lemileʹ dini. Seʹ de ten pekina mele re sukat pelingu ida ʹo.

MATIUS 24:26

“Laʹa masaʹ ca naʹan dau dulu ke pisiu neng ikem: ‘Naʹat kaʹ tanaʹ lenga. Un te ia kina.’ Ayen ncem puke bayaʹ dau ina. Mele kun nte pe: ‘Naʹat ukoʹ o pekelem kini.’ Ayen ngelan dau ina.

MATIUS 24:5

Moʹ kadoʹ kelunan diaʹ ke nai man ngadan nceʹ, ngan un dau re: ‘Akeʹ ini Keristus.’ Kadoʹ kelunan iaʹ ida ke pelingu.

PEMUYAN 21:38

Buk ke pekina, abeʹ koʹ lepoʹ Masir iaʹ ban cen naʹaʹ ke ten ke ngasing dalem lepoʹ, ngan iaʹ ngkin pat ibu usa diaʹ bekelau kaʹ tanaʹ lenga are tupe?”

PEMUYAN 5:35

Penco dau ue neng Mpun diaʹ Lataʹ kina: “Ahaʹ lepoʹ Israil, pekimet tiga tiga le ikem kena hem ti ca inu neng ida dini.

PEMUYAN 8:9

Un ca laki dalem lepoʹ ina, ngadan ne Simun. Majan ne ia pelingu mata neng lepoʹ Samaria ne, pa tai dulu salam neng ia. Mentung nge badaʹ ia ca kelunan bioʹ.

GALATIA 2:6

Un sepuʹo kelunan diaʹ dulu tisen, koʹ baʹan diaʹ lataʹ dina, abeʹ keʹ nyingo ngadan nte, moʹ abeʹ Allah selepeʹ neng kelunan bayaʹ seʹ ngadan usa re. Moʹ kelunan dina are, ca katuk iaʹ mading pe, abeʹ de un badaʹ makeʹ.

GALATIA 6:3

Buk ca usa ke kuma ha ia un ngadan petem pe abeʹ un inu inu ngadan ne, seʹ e pelingu usa ha tengen lete ina.

2 PETERUS 2:18

Mpau dau re pisiu, ngan abeʹ un semantet dau tiraʹ de. Ida kanan puyan asam pengubaʹ usa man nte ngepan dulu diaʹ laho laho ban kelap cen dulu diaʹ mudip dalem iaʹ salaʹ.

2 PETERUS 2:2

Naʹ pe pekina, kadoʹ dulu ke bayaʹ diseʹ puyan nte selabu ngan pemung nyelem. Kuʹun puyan nte dulu ke pejaʹat dau neng Janan Udip iaʹ lan.

YAHUDA 1:16

Guru palo dini lemuto nguheng ngan pesalaʹ kelunan diaʹ ca. Ida bayaʹ sam pengubaʹ kimet de tengen. Mpau pe dau re neng puyan peniraʹ de, mentung nte pancau kelunan apan nte ke un bang mida tengen.

PUYAN LUHA’ 17:3

Nai kun Berua Tuhan mesun neng akeʹ, ngan melikat idai tai ngkin akeʹ neng ca tanaʹ lenga. Kina heʹ taʹan ca leto madung neng usun ca pun bala. Kadoʹ ngadan jaʹat senurat tipo usa pun ina. Pun ina un ulu ue tujoʹ de, uhung nge puloʹ de.

PUYAN LUHA’ 17:5

Neng anang nge un senurat ngadan ne iaʹ suhuk sen, pekini dau ue: “Babil iaʹ Bioʹ, ina iaʹ tuʹa mung leto pedayang, ngan mung diaʹ ngelan uyat kusun tanaʹ.”