PEMUYAN 5:33 - Kenyah New Testament

³³ Kun Mpun diaʹ Lataʹ diaʹ pempun kina kenahan dau tiraʹ ina, buseʹ laleʹ ne tekaʹ kimet de, mentung nte ubaʹ ke lematai diaʹ lawa Injil dina.

PEMUYAN 5:33 Iomraidhean Croise

MATIUS 1:19

Yusup iaʹ matep Mariam ina, ca kelunan iaʹ lemuto ti puyan iaʹ teneng. Moʹ Yusup malap Mariam ke saʹe dulu, ina tuman ne ubaʹ ke peteto ia ngan puyan iaʹ selem.

MATIUS 10:21

“Kelunan pepadeʹ ke mencai cenganak de loʹ, apan dulu ke lematai ida. Pekina pe dulu diaʹ tamen ke cuk dulu lematai anak de loʹ. Ngan anak ke nyakat amai ngan ueʹ de ngan lematai ida.

MATIUS 10:25

Tekep ne anak sekula un teto tekaʹ kimet te ʹo pemuyan ne lepa pekuaʹ ngan guru ue. Ngan pekina pe tekep ulaʹ teto tekaʹ kimet buk ke tai pekuaʹ mpau ngan tuʹa ha. Buk dulu ke pisiu laki iaʹ tuʹa amin ini Bali Balsibul, nco pe laʹa dulu ke pisiu diaʹ anak amin ini jaʹat.”

MATIUS 24:9

“Uʹo ina dulu ke dakep ikem, ngan petuyen ikem, ngan lematai ikem. Ketoʹ kelunan ke miʹa neng ikem uban tuman akeʹ.

LUKAS 20:19

Un dalau ina lete diaʹ guru Adet Yahudi ngan diaʹ detaʹu lataʹ kina ten ke dakep Yesus, moʹ de tisen ban man kata katuk ina Yesus alaʹ kata neng ida. Un sepuʹo takut de dulu kina.

LUKAS 6:11

Ina ukoʹ buseʹ laleʹ ne ida. Ketai re ngedudun ida selepeʹ, ngan peseket inu iaʹ senteng ida keti neng Yesus ʹo.

YAYA 15:20

Petawai dau iaʹ akeʹ lepa badaʹ mikem: ‘Abeʹ ca ulaʹ tai pelapa bioʹ cen diaʹ tuʹa ha.’ Buk de ke nyakit akeʹ, atek de ke nyakit ikem lete. Buk de bayaʹ dau katuk keʹ, atek de bayaʹ dau katuk kem lete.

YAYA 16:2

Dulu ke mesau ikem cen amin sebayang ʹo. Ngan un te kenai jakaʹ dulu diaʹ ke lematai ikem, ke pekimet ban kuʹun puyan ini re kuma ida ke penco gayeng Allah.

PEMUYAN 2:37

Tegoʹ mung kelunan dina kenahan dau Peterus ne, tai kesuk ne tekaʹ kimet de, penco dau re neng Peterus ngan lawa Injil diaʹ ca dina: “Kumpin ne cenganak, inu iaʹ ameʹ ke uyan tupe?”

PEMUYAN 22:22

Bang pa dau isiu ina le dulu dina ngeringa dau Paulus. Penco re ngelengap-lengap, kun dau re: “Pet ne laki ini. Lematai ne ia. Abeʹ e tekep ke mudip laʹa.”

PEMUYAN 7:54

Dalau Mpun diaʹ Lataʹ dina kenahan dau Stipanus pekina dau, buseʹ laleʹ ne tekaʹ de ngan ngetaret dau jipen nte miʹa ia.

PEMUYAN 9:23

Majan ne uʹo ina, un lepoʹ Yahudi, kun nte peseket ubaʹ ke lematai Saul.