PEMUYAN 5:31 - Kenyah New Testament

³¹ Ia lete Allah ban ngayang cuk ia tai tahaʹ taʹu ue, moʹ o cuk ia ketai Tuʹa le, ngan Keniga Udip le, iaʹ ke mawang ukoʹ lepoʹ Israil ke nesen, alaʹ nyepuleʹ kimet de, ngan ke sau penyalaʹ de.

PEMUYAN 5:31 Iomraidhean Croise

MATIUS 1:21

Mariam ke nganak ca anak laki, ngan tiga hoʹ uyan ngadan ne Yesus, uban ia ne kenai nakau diaʹ anun ne cen penyalaʹ de.”

MATIUS 28:18

Nai Yesus ngenyeng ida, penco dau ue neng ida: “Mung penyukat lepa un ne neng akeʹ, koʹ baʹan kaʹ surga, pekina pe kusun tanaʹ.

MARKUS 2:10

Iaʹ akeʹ ubaʹ ke nugen badaʹ mikem, apan ncem tisen uban Anak Sio ini iaʹ atek un pengaren kusun tanaʹ ini iaʹ senteng ke sau penyalaʹ kelunan.”

MARKUS 4:12

apan tai nuyan bayaʹ isiu pegawa iaʹ kuma ha: ‘Naʹat, naʹat te ida, abeʹ pe ida taʹan. Ngeringa, ngeringa te ida, ia iaʹ abeʹ pe ida tisen. Buk are pekina, masaʹ de nyepuleʹ kimet de cen penyalaʹ de, ngan penco nai palaʹ Allah, ina le Allah ke sau penyalaʹ de.’ ”

LUKAS 2:11

Alem ini ne, kenai Laki iaʹ Keniga Udip kem. Lepa un ia nai pempet kaʹ dalem lepoʹ Daut. Ia lete Keristus, Tuhan.

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

YAYA 4:42

Un dau re neng leto idai: “Naʹ kini ameʹ ngelan neng Yesus, abeʹ e kuʹun dau hoʹ badaʹ mameʹ le, un sepuʹo ameʹ tengen lepa kenahan dau ue, ngan tisen lan ban ia iaʹ atek Laki iaʹ keniga udip kelunan kusun tanaʹ ini.”

PEMUYAN 11:18

Uʹo re kenahan dau Peterus pekina, tai benaʹa ne ida, penco tai re pempau Allah, mentung dau re: “Buk pekina, seʹ Allah mawang ca janan me dulu diaʹ tahaʹ awang Yahudi, ukoʹ de nesen ngan nyepuleʹ kimet de, iaʹ tai palaʹ udip dalem Tuhan.”

PEMUYAN 13:23

Cen mela Daut ne kenai Yesus, ca usa ia atek ban Allah cuk Keniga Udip lepoʹ Israil, bayaʹ ban dau tuket Allah cen naʹaʹ are.

PEMUYAN 2:33

Lepa ne Yesus tai pejung kaʹ ukoʹ tahaʹ taʹu Allah, sulo Allah naʹ Berua Buheʹ mia, koʹ baʹan dau Amai ie lepa ban petuket mia are. Ngan puyan ini iaʹ ikem taʹan ngan kenahan naʹkini, ini pengencai ie, iaʹ ia mubeʹ neng ameʹ.

PEMUYAN 2:36

Un dau Peterus metuk isiu ue: “Ban atek Yesus lete ini, iaʹ ikem lepa napek neng kayu tecek are. Yesus lete iaʹ Allah lepa uyan Tuhan, Laki iaʹ ngkang pungu udip. Awaʹ ne mung diaʹ lepoʹ Israil ke tisen lan.”

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 3:15

Pekina puyan ncem lematai Yesus iaʹ atek puʹun udip. Un sepuʹo ban Allah iaʹ pudip ia cen patai. Neng puyan ne ina, ameʹ dini ne diaʹ badaʹ tugen kidi.

PEMUYAN 3:19

Moʹ ina, nesen ne, ngan nyepuleʹ kimet cem palaʹ Allah, idi ie ke musoʹ sau penyalaʹ kem. Laʹa idi hem ke un ca iaʹ ke nyengim udip kem, iaʹ ban nai cen juma Tuhan.

PEMUYAN 3:26

Pekina ban Allah pudip anak ke Yesus ina neng ca udip iaʹ tumpak, ngan cuk ia nai palaʹ ikem ading, apan ne ke naʹ peniga mikem, iaʹ ukoʹ kem mung ke nyepuleʹ kimet cen pemuyan jaʹat cem.”

PEMUYAN 4:11

Ban neng Yesus ne lete Kitap Tuhan le badaʹ pekini dau: ‘Sukaʹ iaʹ tukang amin ban sau are, ia iaʹ ban tai nuyan sukaʹ tekedeng penyalet amin.’

2 KURINTUS 2:10

Buk kem sau penyalaʹ ca kelunan, mele ban kuʹun inu pemuyan ne, akeʹ pe iaʹ sau penyalaʹ a lete. Moʹ midan puyan iaʹ pekina ke kahum neng akeʹ, seʹ keʹ sau penyalaʹ ina moʹ kuʹun ncem neng juma Keristus.

IPESUS 1:7

Kuʹun musa dahaʹ Keristus, ia pawang ilu tai pesau cen iaʹ jaʹat, moʹ un pebeka tawai le dalem me. Pekina pe penyalaʹ le pesau kuʹun patai ie.

PILIPI 3:20

Un sepuʹo ilu dini, tanaʹ usang le un kaʹ surga. Cen ina te ilu pekena kenai Laki iaʹ Keniga Udip le, iaʹ ina Tuhan le Yesus Keristus.

KULUSE 1:14

Ngan kuʹun ne ia pawang ilu tai kelap cen iaʹ jaʹat, ngan mung penyalaʹ le tai pesau.

TITUS 1:4

Akeʹ nyurat ini palaʹ Titus, iaʹ atek anak keʹ ban tuman ca le pengelan le. Awaʹ pe Allah iaʹ Amai Bioʹ, ngan Keristus Yesus iaʹ Keniga Udip le, ke naʹ pengelesau ue ngan udip iaʹ tadan mikoʹ.

TITUS 2:10

ngan ayen ngelau inu re. Di lareʹ tekep diaʹ ulaʹ lemuto peluhaʹ puyan nte iaʹ tiga ngan pejo kimet, apan ne pemuyan nte ke ngkin ca ngadan iaʹ tiga neng katuk Allah iaʹ Keniga Udip le.

TITUS 2:13

Naʹkini ilu pengaʹ kenai Tau Bioʹ, iaʹ ilu nebelum kenai o. Tegoʹ ina ne, serema peniga Allah iaʹ atek bioʹ, iaʹ Keniga Udip le, kenai luhaʹ, iaʹ ina ne Yesus Keristus.

IBERANI 12:2

Tiga le nyalet taʹat le palaʹ Yesus, moʹ ia iaʹ ukoʹ tapi pengelan le cen tading nge pa ketai kelepa ha. Abeʹ Yesus luʹap kuʹun puyan tecek are, un sepuʹo penyaʹe puyan ne matai neng usun kayu tecek abeʹ un inu tekaʹ a pekimet puyan ina, uban kuʹun pengebangen iaʹ ngena ia, ngan naʹkini ia madung tahaʹ taʹu padung pengaren Allah.

IBERANI 2:10

Allah iaʹ lepa nyelung uyan mung inu, ngan ia iaʹ ngkang mung inu. Tekep lete ia pedaʹam Yesus kuʹun puyan tuyen, apan ne senteng ngkin kadoʹ diaʹ anak ke ke kahum pemung ngan Yesus dalem serema peniga ha. Moʹ Yesus tengen iaʹ ngkin ida palaʹ udip iaʹ pudip ida dalem Tuhan.

1 PETERUS 3:22

iaʹ lepa tai kaʹ surga tahaʹ taʹu Allah. Cen ina ha ngkang perinta neng mung melikat, mung diaʹ paren, ngan mung penyukat surga.

2 PETERUS 1:1

Cen Simun Peterus, ulaʹ ngan lawa Yesus Keristus: Palaʹ ikem diaʹ lepa un pengelan iaʹ kuaʹ tiga ngan pengelan meʹ, iaʹ kuʹun peneneng Allah le, ngan Laki iaʹ Keniga Udip le Yesus Keristus, iaʹ ban naʹ pengelan ina milu.

2 PETERUS 1:11

Moʹ neng janan iaʹ pekina, bioʹ ukoʹ kem ke tai kedalem puyan pengaren Tuhan iaʹ ke ngeriman ngaren ilu, iaʹ ina Tuhan le Yesus Keristus, Laki iaʹ Keniga Udip.

2 PETERUS 2:20

Moʹ buk aheʹ iaʹ lepa pesau cen puyan usun tanaʹ iaʹ jameng ini, moʹ de tai tisen ban Tuhan iaʹ Keniga Udip le, Yesus Keristus ina, buk de dina numpak tai pasek kidi laʹa, ngan supeʹ kuʹun ne, ida diaʹ pekina tai jaʹat kuʹo ke ida neng ke bayaʹ a cen ʹo iaʹ ading are.

2 PETERUS 3:18

Di lareʹ tiga hem tudep le, ngan nai un pit un pit dalem pengelesau ngan penisen neng Tuhan le, Laki iaʹ Keniga Udip le, Yesus Keristus. Palaʹ ia ne ketai mung serema peniga cen naʹkini pa pa majan. Amin. 8

1 YAYA 4:14

Ngan ilu pe badaʹ me dulu uban le lepa taʹan seʹ Amai Bioʹ cuk Anak ke nai nuyan ia Laki iaʹ Keniga Udip Kelunan kusun tanaʹ ini.

YAHUDA 1:25

Tuhan Allah iaʹ bang ca le, ia iaʹ Keniga Udip le kuʹun Yesus Keristus, Tuhan le ina. Palaʹ ia ketai serema peniga, ngan pengaren, ngan pengali, ngan penyukat iaʹ un cen kena, ngan iaʹ un naʹkini pe, ngan pekina pe pabeʹ pabeʹ bayaʹ ʹo. Amin. 4

PUYAN LUHA’ 1:5

Pekina pe cen Yesus Keristus iaʹ semamet badaʹ tugen ne. Ia iaʹ Anak ading iaʹ lepa nai numpak mudip cen ahang diaʹ matai. Ia pe iaʹ paren neng usun diaʹ laja kusun tanaʹ ini. Yesus iaʹ ban malaʹ ilu, ngan ia nakau ilu cen penyalaʹ le ban kuʹun musa dahaʹ a.