PEMUYAN 5:3 - Kenyah New Testament

³ Un dau Peterus: “Ahaʹ Ananias, moʹ inu hoʹ pedayo Sitan iaʹ tuʹa bali ngkang kimet coʹ, pa hoʹ lemalo Berua Buheʹ? Inu hoʹ mapo palai beli tanaʹ kelimeng ina tupe?

PEMUYAN 5:3 Iomraidhean Croise

MATIUS 13:19

Kelunan diaʹ kenahan dau katuk neng puyan pengaren Allah ke ngaren ilu kelunan, ngan abeʹ un tisen sen ne, ida dina ne diaʹ koʹ baʹan beneʹ diaʹ ban laboʹ kaʹ sada janan are. Nai ne kun Bali Jaʹat ʹo, magang katuk iaʹ Tuhan lepa mula dalem kimet de.

LUKAS 22:3

Kenai Sitan, iaʹ tuʹa bali, nelasek Yudas iaʹ ipa ngadan ne Iskariut, ina ca mida diaʹ puloʹ dua usa didai are.

YAYA 13:2

Yesus pemung uman ngan diaʹ bayaʹ katuk ke. Lepa ne Bali Sitan metep kimet te neng Yudas, anak Simun Iskariut, ke cuk ia mencai Yesus me diaʹ bunoʹ o.

YAYA 13:27

Selaho uʹo Yudas lepa alaʹ ruti ina, tai kun Sitan nesun neng ia. Dau Yesus neng ia: “Nyelarai ne ti iaʹ ikoʹ ke uyan.”

PEMUYAN 5:2

Kun ne mapo palai ban ligit beli tanaʹ ina, ngan ida dua peto le tisen kidi. Kun ne ngkin palai le, naʹ a me diaʹ lawa Injil dina.

PEMUYAN 5:4

Moʹ kena hoʹ ke pebeli ie, anun ncoʹ tengen lete. Lepa ne ikoʹ pebeli ie ʹo, ina beli ie dalem ikoʹ lepe. Moʹ inu hoʹ ban metep kimet ini kedalem penawai hoʹ tupe? Abeʹ seʹ koʹ lemalo neng kelunan, un sepuʹo seʹ koʹ lemalo Allah.”

PEMUYAN 5:9

Un dau Peterus neng ia: “Ban inu adeʹ kem dua mung peseket uyan pengeten me Berua Tuhan tupe? Naʹat, ina dulu diaʹ lepa tai nanem laki hoʹ, ina re kaʹ lung pamen ne, ida iaʹ ke tai nekalang ikoʹ kawang ʹo.”

YAKUP 4:7

Tuman ina, tiga hem petunuk usa hem palaʹ Allah. Nyekang ne Bali Jaʹat, ngan ia ke kelap cen ikem.

1 PETERUS 5:8

Jagaʹ ne kimet cem, ngan tiga hem lemuto tenup tekaʹ, moʹ un bunoʹ kem Bali Jaʹat ina, koʹ baʹan ca lencau iaʹ lemuto nyanam ngan ngahang mita aheʹ iaʹ senteng ia ke nyeloʹ.