PEMUYAN 5:21 - Kenyah New Testament

²¹ Lepa re kenahan pekina dau, tai re kedalem Umaʹ Palan dalau kenai kedema neng kenempam, penco re pekatuk kidi. Kenai Pengebioʹ Detaʹu ina, peging dulu diaʹ ngan ne, mengin mung pengelataʹ lepoʹ Israil, moʹ de ke pempun mung diaʹ lataʹ. Uʹo ina kun nte cuk dulu tai kaʹ amin sepin, alaʹ mung lawa Injil dina.

PEMUYAN 5:21 Iomraidhean Croise

MATIUS 5:22

Naʹkini akeʹ badaʹ mikem, aheʹ iaʹ buseʹ neng cenganak ke, dulu ke ngkin ia tai palaʹ diaʹ pebetep ukum. Ngan pekina pe iaʹ kuma cenganak ke apaʹ seʹ, dulu ke ngkin ia tai palaʹ Mpun diaʹ Lataʹ diaʹ ke pebetep ukum. Ngan pekina pe iaʹ kuma cenganak ke untau, abeʹ pesau ia iaʹ un kuʹo ho dalem ukum luten.

LUKAS 22:66

Dalau kenai dema, pempun ne diaʹ lataʹ lepoʹ Yahudi kina, peging diaʹ detaʹu lataʹ ngan diaʹ guru Adet Yahudi. Penco re ngkin Yesus tai nyeripa Mpun diaʹ Lataʹ.

YAYA 18:35

Dau Pilatus mipa: “Ban ncoʹ kuma akeʹ ca Yahudi mo? Lepoʹ koʹ loʹ lete ngan diaʹ detaʹu lataʹ de, ida iaʹ mencaʹ ikoʹ palaʹ akeʹ. Inu pemuyan ikoʹ lepa ti tupe?”

YAYA 8:2

Mempam neng ke nempam me, tai Yesus uleʹ palaʹ Umaʹ Palan Allah. Mung dulu diaʹ kadoʹ dina nai pempun teliling ia. Penco ho madung ngan pekatuk ida.

PEMUYAN 22:15

Moʹ ikoʹ iaʹ ke badaʹ tugen neng Allah. Ikoʹ lete ke badaʹ mung puyan iaʹ ikoʹ ban taʹan ngan kenahan me dulu mung ʹo.

PEMUYAN 22:5

Un Pengebioʹ Detaʹu, ia iaʹ atek tugen neng puyan nceʹ, peging ngan mung Mpun diaʹ Lataʹ. Cen ida pe akeʹ alaʹ surat iaʹ ida ke naʹ katu me diaʹ cenganak Yahudi kaʹ lepoʹ Damsik te. Penco tai heʹ kaʹ lepoʹ ina, ubaʹ ketai dakep ngan lemeka ida diaʹ kina, sulo ke ngkin ida kaʹ Yerusalim, moʹ ke ngukum ida.”

PEMUYAN 5:17

Kenai Pengebioʹ Detaʹu ina pemung ngan diaʹ ngan ne iaʹ cen mpun kelunan Seduki, moʹ miʹet laleʹ tekaʹ kimet de.

PEMUYAN 5:27

Kun nte ngkin diaʹ lawa Injil dina tai nyeripa Mpun diaʹ Lataʹ. Sulo Pengebioʹ Detaʹu ina nugen lemutu ida,

PEMUYAN 5:34

Un ca usa diaʹ lataʹ kina, ca kelunan Perisi, ngadan ne Gamalil, ca guru Katuk Adet Musa iaʹ paren neng lepoʹ ina. Nai kun ne beteʹ nekejeng neng ahang mpun ina. Kun ne cuk ida tai ngkin diaʹ lawa Injil dina kawang nuat le.

PEMUYAN 5:41

Kenai diaʹ lawa Injil dina mecin kukoʹ Mpun diaʹ Lataʹ dina ngan bangen tawai re, moʹ Tuhan kuma ha tekep de sihoʹ saʹe kuʹun ngadan Yesus ne.