PEMUYAN 5:17 - Kenyah New Testament

¹⁷ Kenai Pengebioʹ Detaʹu ina pemung ngan diaʹ ngan ne iaʹ cen mpun kelunan Seduki, moʹ miʹet laleʹ tekaʹ kimet de.

PEMUYAN 5:17 Iomraidhean Croise

MATIUS 27:18

Tisen te Gebenur ina puyan kelunan kadoʹ dina mencai Yesus me ia moʹ de miʹet neng ia.

MATIUS 3:7

Dalau ina kun Yaya taʹan kadoʹ kenai kelunan Perisi ngan kelunan Seduki nai palaʹ ia, ke cuk ia ke ngebatis ida. Un dau Yaya neng ida: “Ikem diaʹ kimet ncung ulai, aheʹ iaʹ badaʹ mikem iaʹ un janan ncem senteng ke takau cen kenca Tuhan Allah iaʹ ke nai ʹo?

YAYA 12:10

Ina ukoʹ detaʹu lataʹ dina peseket mita janan ke lematai Lasarus lete.

YAYA 12:19

Penco dau diaʹ Perisi dina pisiu neng ida semaheʹ: “Ikem ngina, pabeʹ ca inu pe ilu abeʹ un senteng ke un usun. Ikem naʹat tuaʹ ne, mung dulu kusun tanaʹ ini ne diseʹ tai bayaʹ ia.”

PEMUYAN 13:45

Kun palai lepoʹ Yahudi dina taʹan ban kadoʹ kenai dulu, miʹet laleʹ le ida. Seʹ de nyakat tiraʹ Paulus ngan pejaʹat dau neng ia.

PEMUYAN 15:5

Un palai diaʹ Perisi diaʹ lepa ngelan, nai beteʹ. Un dau re: “Abeʹ senteng are ke nyunat ida dina, ngan cuk ida bayaʹ Katuk Adet Musa.”

PEMUYAN 17:5

Un sepuʹo, miʹi tekaʹ lepoʹ Yahudi. Kun nte mengin palai dulu diaʹ jaʹat diaʹ mukoʹ bareng ngalang pasen dina, sulo re pepeng ida nuʹo. Kun nte pebingaʹ lepoʹ ina, mentung nte nyudup amin Yasun ke mita Paulus ngan Silas, moʹ de ubaʹ ke ngkin ida kawang palaʹ mpun lepoʹ.

PEMUYAN 4:26

Diaʹ laja kusun tanaʹ kuaʹ nai beteʹ, pemung ngan diaʹ paren lepoʹ. Moʹ de ubaʹ ke nyudup Tuhan Allah, ngan Keristus iaʹ ia naʹ milu.’

PEMUYAN 4:6

Un pe Hanas, Pengebioʹ Detaʹu kina, ngan Kayapas, ngan Yaya, ngan Alik-sandar, pemung ngan mung diaʹ pemanak Pengebioʹ Detaʹu ina.

PEMUYAN 5:16

Kadoʹ dulu diaʹ teliling lepoʹ Yerusalim nai ngkin diaʹ sakit, ngan dulu diaʹ bali nelasek. Mung nte dina maget pelaʹa.

PEMUYAN 7:9

“Un tepun le are, miʹi re neng Yusup. Ida matu ue, ketai ie ulaʹ kaʹ lepoʹ Masir. Naʹ pe ia pekina, Allah iaʹ un ngan ne, ina ukoʹ o lebau neng mung penaru ue.

GALATIA 5:21

Pekina pe ida miʹi, mabuk, tutun, ngan naʹan naʹan diaʹ pekina. Akeʹ ke pejagaʹ dau mikem naʹkini, koʹ baʹan nceʹ lepa pejagaʹ dau mikem cen naʹaʹ are, iaʹ ina: mung kelunan diaʹ uyan puyan dini, abeʹ de ke kahum neng puyan pengaren Allah.

YAKUP 4:5

Ayen kuma nyiʹan le dau jo Kitap iaʹ kuma ha: “Berua iaʹ tenahung kedalem usa le kuʹun Allah un miʹet tekaʹ ke ngedemun ilu.”

1 PETERUS 2:1

Tuman ina pet ne mung puyan jaʹat, palo, ngan ngaloʹ, ngan ngetiʹet, ngan pejaʹat dulu.