PEMUYAN 5:14 - Kenyah New Testament

¹⁴ Keno ketai kadoʹ dulu nai ngepit Mpun nte. Kadoʹ lan ne laki, pekina pe leto diaʹ ngelan Tuhan.

PEMUYAN 5:14 Iomraidhean Croise

PEMUYAN 11:24

Moʹ Barnabas ne ca laki iaʹ atek tiga saheʹ, iaʹ sangan kuʹun Berua Buheʹ ngan pengelan. Nai un pit kadoʹ dulu diaʹ pupa nai bayaʹ Tuhan.

PEMUYAN 2:41

Kadoʹ de kina diaʹ ngelan dau katuk ke, sulo re alaʹ batis nuʹo. Tegoʹ tau ina, kadoʹ de, kihoʹ kihoʹ telu ibu usa, iaʹ nai ngepit neng mpun nte.

PEMUYAN 2:47

mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

PEMUYAN 22:4

Akeʹ nyakit pe dulu diaʹ bayaʹ Janan Yesus ne pa palai matai. Ngan tai pe akeʹ dakep laki, pekina pe leto, penco meput ida kedalem amin sepin.

PEMUYAN 4:4

Un sepuʹo kadoʹ ne dulu iaʹ lepa kenahan tiraʹ ina ngan ngelan ne. Toʹ kadoʹ laki dina kihoʹ kihoʹ lema ibu usa diaʹ ngelan.

PEMUYAN 6:7

Tai libut kuʹo ne denga tiraʹ Allah, ngan nai un pit un pit ne kadoʹ de diaʹ bayaʹ katuk Tuhan kaʹ lepoʹ Yerusalim. Kadoʹ pe ida diaʹ detaʹu nai ngelan bayaʹ Yesus.

PEMUYAN 8:12

Dalau re kenahan dau kenai Pilipus iaʹ badaʹ Denga Injil neng puyan pengaren Allah ngaren kelunan, ngan neng puyan ngadan Yesus Keristus ina, mung nte ngelan, peging ngan laki ngan leto. Sulo toʹ de sihoʹ ngebatis.

PEMUYAN 8:3

Un Saul ne ubaʹ ke ngasing Mpun diaʹ ngelan Tuhan. Tai ie kaʹ dalem singket amin, mentung nge mihit dulu kawang, toʹ de diaʹ ngelan, inu pia laki, pekina pe leto, penco naʹ ida dalem amin sepin.

PEMUYAN 9:2

Saul ke ngkin surat ina kaʹ lepoʹ Damsik, me mpun sebayang Yahudi kina, idi buk ke taʹan aheʹ dulu diaʹ bayaʹ Janan Tuhan Yesus kina, inu pia laki ngan leto, ia ke dakep de ngan magang ida kaʹ Yerusalim.

PEMUYAN 9:31

Ina ukoʹ o un tadan neng Mpun diaʹ ngelan Tuhan pa tipo tanaʹ Yudia, ngan Galilia, ngan Samaria. Un Mpun diaʹ ngelan Tuhan kina tai tangen kuʹun katuk ngan tai un pit kadoʹ de, mentung mudip ngan tunuk seʹ puyan nte palaʹ Tuhan, uban kuʹun Berua Tuhan iaʹ mepo ida.

PEMUYAN 9:35

Mung dulu diaʹ kaʹ lepoʹ Lida ngan kaʹ tanaʹ Sarun ina taʹan seʹ aget Inias, penco re mayo bayaʹ Tuhan.

PEMUYAN 9:42

Tai denga ne puyan ina pa tipo Yupe, ina ukoʹ kadoʹ dulu nai ngelan Tuhan.

2 KURINTUS 6:15

Kumpin seʹ Keristus ngan bali Sitan ke kuaʹ kimet tupe? Inu kelunan iaʹ ngelan Tuhan ke ngalai un ngan kelunan iaʹ abeʹ un ngelan tupe?

GALATIA 3:28

Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus.