PEMUYAN 5:11 - Kenyah New Testament

¹¹ Mung Mpun diaʹ ngelan Tuhan dina takut laleʹ ne tekaʹ de, pekina pe mung dulu diaʹ kenahan denga puyan ina.

PEMUYAN 5:11 Iomraidhean Croise

PEMUYAN 19:17

Tai pasi ne denga ina neng ahang mung lepoʹ Yahudi ngan lepoʹ Gerika diaʹ mudip kaʹ lepoʹ Ipesus. Tai takut ne tekaʹ de mung. Tai un pit kuʹo ke dulu diaʹ pempau ngadan Tuhan Yesus.

PEMUYAN 2:43

Kadoʹ puyan nyingan ngan tedanaʹ bulen diaʹ ban nuyan kuʹun lawa Injil dina, ina iaʹ uyan dulu kina mung tai salam tekaʹ.

PEMUYAN 5:5

Dalau Ananias kenahan dau tiraʹ ina, belekaʹ tai ie pengkup, penco berua ha pesau cen ia. Bioʹ laleʹ le takut neng dulu mung diaʹ kenahan dau puyan ina.

PEMUYAN 9:31

Ina ukoʹ o un tadan neng Mpun diaʹ ngelan Tuhan pa tipo tanaʹ Yudia, ngan Galilia, ngan Samaria. Un Mpun diaʹ ngelan Tuhan kina tai tangen kuʹun katuk ngan tai un pit kadoʹ de, mentung mudip ngan tunuk seʹ puyan nte palaʹ Tuhan, uban kuʹun Berua Tuhan iaʹ mepo ida.

PILIPI 2:12

Ahaʹ cenganak diaʹ pengemalaʹ keʹ, moʹ pekina ban puyan Yesus, tiga hem tudep lemuto koʹ baʹan seʹ kem tudep bayaʹ akeʹ dalau heʹ un ngan ncem are. Menco ho pelaʹa naʹkini, tekep laleʹ kem tudep bayaʹ dau katuk ina, naʹ pe ilu pe coʹ. Sanget sanget cem ke pegayeng ke pedengkep puyan udip kem dalem Tuhan, mentung ngkem takut ngan jaya.

IBERANI 11:7

Kuʹun pengelan ne Nuh kenahan dau pulen Allah neng puyan iaʹ ke nuyan bayaʹ, iaʹ ia abeʹ un taʹan lepe. Nuh bayaʹ dau Allah, penco uyan ca kapen sungai iaʹ ukoʹ diaʹ pemanak ke pemung ngan ne ke mudip ʹo. Man puyan ne pekina Nuh mekun salaʹ neng kelunan kusun tanaʹ, kun ne alaʹ cen Tuhan Allah puyan peneneng iaʹ nai kuʹun pengelan.

IBERANI 12:15

Pekimet tiga tiga malap ca usa neng ahang ikem ke tepa neng pengelesau Allah. Pekimet tiga tiga malap ca usa neng ahang ikem ketai nuyan koʹ baʹan ca inan pula iaʹ paʹit, iaʹ kenai bioʹ ngan ngeratang kadoʹ kelunan kuʹun laʹit te.

IBERANI 12:28

Ina ukoʹ tekep le nyuaʹ tiga saheʹ uban le lepa alaʹ ca puyan iaʹ ngaren ilu, iaʹ abeʹ senteng ke liung. Tekep le nyuaʹ tiga saheʹ ngan lemameʹ palaʹ Allah ngan puyan iaʹ sihoʹ pengubaʹ a iaʹ ina ngan puyan temek ngan tunuk.

IBERANI 4:1

Naʹkini, lepa ne Allah petuket neng ilu, badaʹ ilu senteng tai kedalem iaʹ kukoʹ kelineʹ pemung ngan ne. Tuman ina tekep le alaʹ kimet takut, apan ca usa neng ahang ilu abeʹ un tapa, idi mung le tai kaʹ dalem iaʹ kukoʹ kelineʹ ina.

1 PETERUS 1:17

Dalau hem lemameʹ neng Allah, ikem ngamai ie, ngan ia iaʹ pebetep ukum iaʹ abeʹ un selepeʹ neng mung kelunan, telit bayaʹ ban puyan singket usa le. Buk pekina, tiga hem takut neng ia ngajan ncem mudip kusun tanaʹ ini.

PUYAN LUHA’ 15:4

Ahaʹ Tuhan, aheʹ diaʹ abeʹ un nyelumuk ikoʹ? Aheʹ diaʹ leko ke badaʹ pengebioʹ puyan ncoʹ tupe? Uban ikoʹ tengen iaʹ buheʹ. Mung lepoʹ kelunan kenai lemameʹ palaʹ ikoʹ, uban pemuyan ncoʹ iaʹ teneng lepa luhaʹ kata kelunan mung.”