PEMUYAN 4:36 - Kenyah New Testament

³⁶ Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

PEMUYAN 4:36 Iomraidhean Croise

MARKUS 3:17

Yakup ngan iaʹ cenganak ke Yaya, diaʹ ban anak Sapdi, (Yesus naʹ pit ngadan Buanigis mida dua. Un sen ngadan ina: “Kelunan baloʹ koʹ baʹan puyan dau langit are”);

PEMUYAN 11:30

Pekina pe ida pempun inu re, sulo re katu ligit de tugung Barnabas ngan Saul me diaʹ tuʹa Mpun diaʹ ngelan Tuhan kaʹ tanaʹ Yudia.

PEMUYAN 12:25

Nai ngeliwet ne Barnabas ngan Saul cen Yerusalim, moʹ sukung ne gayeng nte kina. Mentung nte ngkin Yaya Markus tugung ida.

PEMUYAN 13:1

Neng Mpun diaʹ ngelan Tuhan kaʹ lepoʹ Antiukia, un pe kudaʹ kadoʹ pegawa Tuhan ngan guru, iaʹ ina Barnabas, ngan Simiun (iaʹ dulu naʹ Saleng), ngan Lukius (lepoʹ Kirini), ngan Menahem (cenganak ca ueʹ ngan Laja Herudis iaʹ ngkang ca tulat neng iaʹ kepat dale ina), ngan Saul.

PEMUYAN 13:15

Uʹo lepa dulu baca Kitap Katuk Adet Musa ngan Kitap Pegawa Tuhan, kun diaʹ tuʹa neng amin sebayang Yahudi ina cuk ca usa tai kata ida dua, kedau re: “Amai, buk un ca katuk ikem dua ke petangen dau neng lepoʹ ini, badaʹ ne mameʹ.”

PEMUYAN 13:2

Dalau re pat lemameʹ Tuhan ngan lemalan abeʹ un uman, un dau Berua Buheʹ neng ida: “Nengen ne Barnabas ngan Saul makeʹ, idi re tai mejo gayeng ngkeʹ neng iaʹ ukoʹ keʹ mengin ida.”

PEMUYAN 13:4

Ban Berua Buheʹ iaʹ cuk ida dua, ina ukoʹ de dua tai kaʹ bahi kaʹ lepoʹ Selukia. Cen ina tai re ngedung neng kapen ia tai kaʹ tanaʹ Siperus.

PEMUYAN 15:12

Mung nte dina beringa tuaʹ ne ida, sulo re ngeringa dau Barnabas ngan Paulus badaʹ neng mung tedanaʹ bulen ngan puyan nyingan iaʹ ban Allah uyan neng ahang dulu diaʹ tahaʹ awang Yahudi kuʹun nte dua.

PEMUYAN 15:2

Nai luhaʹ ne tekajaʹ tiraʹ neng puyan ini. Tai paseʹ ngan pesakat dau re ngan Paulus de dua Barnabas dalau ina. Ina ukoʹ dulu mung tai payo cuk Paulus de dua Barnabas, pemung ngan palai dulu diaʹ cen lepoʹ Antiukia ne, tai kaʹ Yerusalim, tai palaʹ diaʹ lawa Injil ngan diaʹ tuʹa Mpun kina, lemutu neng puyan ina.

PEMUYAN 15:37

Barnabas pekimet ubaʹ ke ngkin Yaya Markus pemung ngan nte.

PEMUYAN 15:39

Pali laleʹ dau re paseʹ, ina ukoʹ de dua tai petat. Barnabas iaʹ ngkin Markus tugung ia, sulo re dua ngedung neng ca kapen iaʹ tai kaʹ Siperus.

PEMUYAN 21:16

Un palai diaʹ bayaʹ katuk Tuhan cen lepoʹ Kaisaria nai tugung ameʹ, penco ketai re ngkin ameʹ pejakaʹ kaʹ amin Manasun, moʹ kina meʹ pekimet ke ngelineʹ. Laki ina cen tanaʹ Siperus, iaʹ serengan ngan diaʹ ading ban bayaʹ katuk Tuhan are.

PEMUYAN 21:3

Ameʹ taʹan tanaʹ Siperus tahaʹ kabing ameʹ, penco tai meʹ kaʹ tanaʹ Siria, pejakaʹ kaʹ lepoʹ tirus. Moʹ kina kapen ina ke muai galen ne.

PEMUYAN 27:4

Puke pe ameʹ cen ina laʹa, pebing pebing tai meʹ moʹ kasa bahiu, ina ukoʹ penco tai meʹ nyebahi alaʹ lidung tanaʹ Siperus.

PEMUYAN 9:27

Sulo Barnabas mepo ia, ngan tai ngkin ia palaʹ diaʹ lawa Injil dina. Barnabas badaʹ diseʹ Saul lepa taʹan Tuhan kaʹ janan Damsik, ngan badaʹ diseʹ puyan Tuhan pisiu ia. Kun Barnabas badaʹ diseʹ Saul pedenga ngadan Yesus kaʹ lepoʹ Damsik ngan tempa lan pe dau ue.

1 KURINTUS 14:3

Un sepuʹo kelunan iaʹ badaʹ seluhan isiu cen Allah ina menco isiu ue me kelunan. Kun ne pedengkep udip de ngan petangen kimet de ngan pedenaʹ tawai re.

1 KURINTUS 9:6

Bang ameʹ dua Barnabas tuaʹ le iaʹ tekep ke mita penguman mameʹ tengen tupe?

GALATIA 2:1

Puloʹ pat uman ʹo ina, tai heʹ ngan Barnabas ngeliwet kaʹ Yerusalim. Pekina pe Titus un pemung ngan meʹ.

GALATIA 2:13

Pekina pe cenganak le diaʹ lepoʹ Yahudi tai pubut kimet pemung ngan Peterus, pa Barnabas tai pihit kuʹun pemuyan nte ina.

GALATIA 2:9

Yakup, Peterus, ngan Yaya, iaʹ dulu kuma ha diaʹ lataʹ, ida lepa nugen moʹ Allah lepa naʹ tulat gayeng ini makeʹ kuʹun ban pengelesau ue. Ina tuman nte alaʹ ameʹ dua Barnabas ngan selama dau. Mentung kuaʹ dau ayo meʹ pemung pegayeng ngan nte, iaʹ ina akeʹ ngan Barnabas tai mejo gayeng ina neng ahang lepoʹ dulu diaʹ ca, ngan ida tai palaʹ kelunan lepoʹ Yahudi.

KULUSE 4:10

Aristakus iaʹ pemung ngan nceʹ dalem amin sepin, badaʹ tiga saheʹ e palaʹ ikem, ngan pekina pe Markus iaʹ pepadeʹ pesak ngan Barnabas. (Ameʹ lepa badaʹ mikem apan ncem alaʹ ia ngan selama dau, buk ke nai palaʹ ikem.)