PEMUYAN 4:32 - Kenyah New Testament

³² Un nte diaʹ lepa ngelan Tuhan dina, mudip ngan ca le penawai ngan ca le kimet de. Abeʹ un ca mida iaʹ kuma un inu ue iaʹ atek anun ne tengen. Mung inu re anun nte mung.

PEMUYAN 4:32 Iomraidhean Croise

YAYA 17:11

Naʹkini ne akeʹ ke nai palaʹ ikoʹ. Abeʹ keʹ majan kusun tanaʹ ini laʹa, un sepuʹo ida diaʹ petem kusun tanaʹ ini. Amai iaʹ Buheʹ, petubo ne ida man penyukat ngadan ncoʹ, ina ne ngadan ncoʹ iaʹ ikoʹ lepa naʹ makeʹ are, apan nte ke pebulung neng ca le, kuaʹ baʹan tua pebulung neng ca le.

PEMUYAN 1:14

Mung nte lemuto pempun ke lemameʹ neng ca le penawai re. Un pe kudaʹ usa leto ngan nte. Un pe Mariam ueʹ Yesus, ngan diaʹ sadin laki neng Yesus.

PEMUYAN 2:1

Tegoʹ tau tai sihoʹ neng adet Pentakusta, ketoʹ diaʹ ngelan Tuhan pempun pebulung neng ca le ukoʹ de.

PEMUYAN 5:12

Kadoʹ ne tedanaʹ bulen ngan puyan nyingan diaʹ lawa Injil dina uyan neng ahang dulu. Mung nte diaʹ ngelan Tuhan, tai re kelimpun ngan ca le penawai re kaʹ dalem Use Suliman.

RUM 12:5

Koʹ baʹan ina are lete ilu. Naʹ pe ilu kadoʹ, ca le usa le pebulung dalem Keristus. Singket singket sangat te ida diaʹ nganun ida selepeʹ.

1 KURINTUS 1:10

Ahaʹ cenganak cenganak keʹ, ngan taten dau heʹ ke pisiu ikem man ngadan Tuhan le Yesus Keristus. Mung ngkem alaʹ ne ca le tiraʹ, apan ncem abeʹ un paseʹ neng ahang ikem. Pedaʹam ne puyan ncem pebeka tawai man ca le kimet cem, ngan man ca le jo sedep kem.

2 KURINTUS 13:11

Naʹkini cenganak cenganak keʹ, nyaheʹ ne. Nengayet nengayet ne mita puyan iaʹ daʹam. Ngeringa tiga neng mung dau pengenyat ceʹ. Mayo ne kimet cem selepeʹ. Mudip dalem udip iaʹ tadan. Laʹa Allah, iaʹ atek puʹun puyan malaʹ ngan tadan, ke un ngan ncem.

PILIPI 1:27

Iaʹ tekep laleʹ neng pengudip kem, bayaʹ ne kuaʹ ngan katuk Denga Injil Keristus are. Buk pekina, abe kudaʹ keʹ tepahoʹ nai naʹat ikem, naʹ pe ilu pecoʹ, senteng te akeʹ kenahan denga puyan salet tekejeng ngkem, moʹ ban tengangan ca le ilu dalem Berua Tuhan. Kuaʹ kuaʹ le pepatai ngan bali, nbang ca pengubaʹ le ke pekateng pengelan le neng katuk Injil ini.

1 PETERUS 3:8

Kebayaʹ a: tiga ca le kimet cem, ngan ca le tekaʹ penawai hem, ngan malaʹ ikem selepeʹ dalem ngkem pecenganak ngan tiga saheʹ, ngan libaʹ kimet neng ikem selepeʹ.

1 PETERUS 4:11

Buk aheʹ iaʹ penco tiraʹ, ayen isiu ue sekipaʹ ngan tiraʹ Allah. Aheʹ iaʹ petubo dulu, tiga ha kanan pengali iaʹ Allah ban naʹ mia, apan neng singket singket naʹan ne ilu pempau Allah, ban kuʹun Yesus Keristus iaʹ un mung serema peniga ngan penyukat pa pa majan. Amin.