PEMUYAN 4:31 - Kenyah New Testament

³¹ Lepa re lemameʹ, un amin iaʹ ukoʹ de pempun tai tekicuk. Mung nte sangan kuʹun Berua Buheʹ pa re senteng penco tiraʹ Allah ngan iaʹ tempa dau.

PEMUYAN 4:31 Iomraidhean Croise

MATIUS 21:22

Mele inu iaʹ ikem nyat dalem temameʹ kem, buk kem ngelan, atek kem ke alaʹ a lete.”

YAYA 14:12

Lan dau heʹ mikem, aheʹ diaʹ ngelan neng akeʹ, ida ke ti lete pemuyan iaʹ kuaʹ baʹan akeʹ ti. Idi pe areʹ pelapa bioʹ cen ina pe ida ke ti, uban akeʹ iaʹ ke tai palaʹ Amai Bioʹ.

YAYA 15:16

Abeʹ e ikem iaʹ lemileʹ akeʹ, akeʹ iaʹ lemileʹ ikem, ngan peteneng ikem ke un buʹan iaʹ sahu. Ina ne buʹan iaʹ abeʹ un tisen tai jaʹat. Ngan pekina ne puyan Amai Bioʹ ke naʹ mikem, mele inu iaʹ ikem nyat neng ia dalem ngadan nceʹ.

YAYA 15:7

Buk kem detem neng akeʹ, ngan isiu heʹ pe detem neng ikem, ina le ikem ke nyat inu iaʹ ikem ubaʹ, ngan ikem ke un ne lete.

PEMUYAN 14:3

Majan diaʹ lawa Injil dina ngelineʹ kaʹ Ikunium ne, ngan tempa dau re badaʹ tiraʹ Tuhan. Tuhan iaʹ peluhaʹ ban lan dau katuk de neng pengelesau ue, ina ukoʹ Tuhan naʹ penyukat man nte uyan puyan nyingan ngan tedanaʹ bulen.

PEMUYAN 2:1

Tegoʹ tau tai sihoʹ neng adet Pentakusta, ketoʹ diaʹ ngelan Tuhan pempun pebulung neng ca le ukoʹ de.

PEMUYAN 2:2

Belekaʹ nai dau ca liʹu cen langit, koʹ baʹan dau bahiu kasa iaʹ bioʹ dau ue, nai nyangan amin kukoʹ de madung.

PEMUYAN 2:4

Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

PEMUYAN 4:13

Tai salam diseʹ diaʹ lataʹ diaʹ pempun kina, uban tempa ne dau Peterus ngan Yaya, moʹ de tisen ida dua pengalai kelunan tuaʹ le, abeʹ de sekula. Ina le tai re tisen ida dua iaʹ malai ban kejahi ngan Yesus cen kena.

PEMUYAN 4:29

Naʹkini Tuhan, diseʹ de ngeretaʹ ameʹ. Tiga hoʹ naʹ tempa mameʹ diaʹ ulaʹ koʹ ne, idi meʹ senteng penco tiraʹ koʹ ʹo.

PILIPI 1:14

Kadoʹ cenganak le dalem Tuhan tai bioʹ tebelum nte palaʹ Tuhan moʹ kuʹun ban sepin nceʹ ini. Ina ukoʹ tai makang kuʹo diseʹ de badaʹ katuk Tuhan, abeʹ un tekaʹ de takut.

PILIPI 1:20

Kaʹ pengubaʹ ngan tebelum kimet ceʹ, peletoʹ keʹ abeʹ un ke uyan inu iaʹ ke pesaʹe akeʹ. Moʹ tangen tekaʹ keʹ ke penco tiraʹ Tuhan, mele pe midan midan, naʹ pe dalem ngkeʹ sepin naʹkini, ina tempa kimet ceʹ lete. Matai, mudip keʹ, bang Keristus iaʹ akeʹ pempau ngan pebioʹ dalem udip usa heʹ.

YAKUP 1:5

Un sepuʹo buk un ca mikem iaʹ tepet neng penudi kimet te, tekep ia lemameʹ palaʹ Allah iaʹ ke naʹ penudi kimet ina mia. Moʹ Allah iaʹ naʹ milu mung ngan iaʹ lebang ngan lesau kimet.