PEMUYAN 4:3 - Kenyah New Testament

³ Sulo re mapo ida dua kina, penco nyepin ida dua pabeʹ neng kenempam me, moʹ dalau ketai tahup.

PEMUYAN 4:3 Iomraidhean Croise

MATIUS 4:12

Tegoʹ Yesus kenahan dau denga dulu nyepin Yaya, penco ketai ie kaʹ tanaʹ Galilia.

LUKAS 22:52

Un dau Yesus neng diaʹ detaʹu lataʹ dina, ngan diaʹ lataʹ jagaʹ Umaʹ Palan Allah, ngan diaʹ pengencam lepoʹ diaʹ nai alaʹ ia. Un dau ue neng ida: “Moʹ adeʹ kem nai ngkin bahing ngan petung koʹ baʹan seʹ neng ca usa iaʹ ban ngebareng lepoʹ are neng akeʹ.

LUKAS 22:54

Kun nte dakep Yesus, penco tai re ngkin ia kaʹ amin laki Pengebioʹ Detaʹu. Ngan tai kun Peterus bayaʹ ia cen coʹ.

YAYA 18:12

Mpun sedadu pemung ngan diaʹ lataʹ de dina ngan pulis lepoʹ Yahudi pe tai mapo Yesus ngan lemeka ia.

PEMUYAN 5:18

Sulo re dakep diaʹ lawa Injil dina, penco naʹ ida dalem amin sepin lepoʹ ina.

PEMUYAN 6:12

Ngan puyan iaʹ pekini ida pebingaʹ dulu, ngan diaʹ lataʹ, ngan diaʹ guru Katuk Adet Musa, penco re nyudup Stipanus, meseng ia, penco re ngkin ia palaʹ Mpun diaʹ Lataʹ dina.

PEMUYAN 8:3

Un Saul ne ubaʹ ke ngasing Mpun diaʹ ngelan Tuhan. Tai ie kaʹ dalem singket amin, mentung nge mihit dulu kawang, toʹ de diaʹ ngelan, inu pia laki, pekina pe leto, penco naʹ ida dalem amin sepin.

PEMUYAN 9:2

Saul ke ngkin surat ina kaʹ lepoʹ Damsik, me mpun sebayang Yahudi kina, idi buk ke taʹan aheʹ dulu diaʹ bayaʹ Janan Tuhan Yesus kina, inu pia laki ngan leto, ia ke dakep de ngan magang ida kaʹ Yerusalim.