PEMUYAN 4:29 - Kenyah New Testament

²⁹ Naʹkini Tuhan, diseʹ de ngeretaʹ ameʹ. Tiga hoʹ naʹ tempa mameʹ diaʹ ulaʹ koʹ ne, idi meʹ senteng penco tiraʹ koʹ ʹo.

PEMUYAN 4:29 Iomraidhean Croise

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 14:3

Majan diaʹ lawa Injil dina ngelineʹ kaʹ Ikunium ne, ngan tempa dau re badaʹ tiraʹ Tuhan. Tuhan iaʹ peluhaʹ ban lan dau katuk de neng pengelesau ue, ina ukoʹ Tuhan naʹ penyukat man nte uyan puyan nyingan ngan tedanaʹ bulen.

PEMUYAN 19:8

Un Paulus, tai kun ne kaʹ amin sebayang Yahudi, mentung nge pisiu ngan tempa dau ue. Telu bulan majan ne pata petiraʹ ngan petisen ida neng puyan pengaren Allah ngaren kelunan.

PEMUYAN 26:26

Ahaʹ Laja Ageripa, tuman nceʹ tempa pisiu ngan ncoʹ, moʹ malai ne ikoʹ neng mung puyan diaʹ pekina. Atek tisen lete ikoʹ kidi. Moʹ abeʹ puyan ina ca puyan iaʹ suhuk koʹ baʹan inu iaʹ suhuk neng ca tikung are.

PEMUYAN 28:31

Kun ne badaʹ denga neng puyan pengaren Allah ngaren ilu kelunan, ngan badaʹ katuk neng Tuhan Yesus Keristus. Kun ne pisiu ngan tempa dau ue, ngan abeʹ un aheʹ iaʹ penceng ia. 109

PEMUYAN 4:13

Tai salam diseʹ diaʹ lataʹ diaʹ pempun kina, uban tempa ne dau Peterus ngan Yaya, moʹ de tisen ida dua pengalai kelunan tuaʹ le, abeʹ de sekula. Ina le tai re tisen ida dua iaʹ malai ban kejahi ngan Yesus cen kena.

PEMUYAN 4:21

Pali kuʹo ke Mpun diaʹ Lataʹ dina mulen ida dua laʹa, penco re pawang ida dua tai uleʹ. Abeʹ un penading ukoʹ de senteng ke nyakit ida dua, moʹ mung dulu pempau Allah kuʹun puyan iaʹ lepa ban nuyan ina.

PEMUYAN 4:31

Lepa re lemameʹ, un amin iaʹ ukoʹ de pempun tai tekicuk. Mung nte sangan kuʹun Berua Buheʹ pa re senteng penco tiraʹ Allah ngan iaʹ tempa dau.

PEMUYAN 9:27

Sulo Barnabas mepo ia, ngan tai ngkin ia palaʹ diaʹ lawa Injil dina. Barnabas badaʹ diseʹ Saul lepa taʹan Tuhan kaʹ janan Damsik, ngan badaʹ diseʹ puyan Tuhan pisiu ia. Kun Barnabas badaʹ diseʹ Saul pedenga ngadan Yesus kaʹ lepoʹ Damsik ngan tempa lan pe dau ue.

PEMUYAN 9:28

Ngan ina ukoʹ Saul tai ngelineʹ ngan nte kina. Ketai ie masat neng lepoʹ Yerusalim pa libut, mentung nge badaʹ tiraʹ dalem ngadan Tuhan ngan tempa dau ue.

1 KURINTUS 14:13

Tuman ina, kelunan iaʹ pisiu ngan isiu bulen, tekep pe lemameʹ Tuhan apan ne ke un pencai man ne senteng badaʹ sen isiu ina.

2 KURINTUS 3:12

Ilu un tebelum ina, ina ukoʹ tempa lan dau meʹ.

PILIPI 1:14

Kadoʹ cenganak le dalem Tuhan tai bioʹ tebelum nte palaʹ Tuhan moʹ kuʹun ban sepin nceʹ ini. Ina ukoʹ tai makang kuʹo diseʹ de badaʹ katuk Tuhan, abeʹ un tekaʹ de takut.

1 TESALUNIKA 2:2

Tisen te ikem kumpin puyan dulu nyakit ameʹ ngan panyi ameʹ kaʹ lepoʹ Pilipi, kena kenai meʹ palaʹ ikem kaʹ Tesalunika. Naʹ pe ia pekina, Allah le iaʹ naʹ akang mameʹ, man meʹ badaʹ Denga Injil iaʹ nai cen ia, kenuen pe kadoʹ diaʹ ke nyekang nge.

2 TIMUTIUS 4:17

Naʹ pia pekina, Tuhan iaʹ un ngan nceʹ, ia iaʹ ngepali akeʹ apan nceʹ sukat pedenga Denga Injil kenahan mung dulu diaʹ tahaʹ awang Yahudi, ngan Tuhan iaʹ ban sau akeʹ cen paʹ lencau ina.