PEMUYAN 4:28 - Kenyah New Testament

²⁸ Ina ukoʹ de kelimpun pekina Tuhan, moʹ de bayaʹ iaʹ ikoʹ nekena nyalet dalem penawai hoʹ, iaʹ ban nuyan kuʹun penyukat ngan pengubaʹ koʹ are.

PEMUYAN 4:28 Iomraidhean Croise

MATIUS 26:24

Anak Sio ini ke matai bayaʹ ban dau Kitap, un sepuʹo siʹau pe kelunan iaʹ ke mencai Anak Sio ini ʹo. Pulang tiga kelunan ina abeʹ un nai pempet cen kena are.”

MATIUS 26:54

Un sepuʹo buk ke pekina, kumpin ne isiu Kitap senteng ketai palup, iaʹ kuma ha tekep lete puyan ini ketai nuyan pekini?”

LUKAS 22:22

Moʹ akeʹ iaʹ Anak Sio ini ke matai bayaʹ tengangan tuket ceʹ kuʹun Allah. Un sepuʹo, siʹau pe laki iaʹ tai nyelem pebeli akeʹ ne.”

PEMUYAN 2:23

Ban Yesus lete, Allah ban naʹ palaʹ ikem bayaʹ pengubaʹ kimet te, ngan penisen ne tengen. Lepa ne ikem lematai ia, moʹ ikem iaʹ cuk dulu diaʹ pepuk kuʹun penyalaʹ napek ia neng kayu tecek.

PEMUYAN 3:18

Uban cen naʹaʹ Allah badaʹ isiu ue man mung pegawa ha, kumpin seʹ puyan kenai Laki iaʹ ngkang pungu udip, iaʹ Allah naʹ milu, iaʹ atek ke ke sihoʹ tuyen lete ʹo. Pekina lete ban tai ie palup.

IPESUS 1:11

Mung inu tai nuyan bayaʹ sedep pe iaʹ ia pebetep neng kimet te tengen. Ngan Allah lepa lemileʹ ilu ke tai diaʹ anun ne tengen, moʹ o ke pebeka tawai le dalem Kerisus, bayaʹ ban kimet te cen penading nge.

IBERANI 6:17

Allah ubaʹ ke badaʹ kimet te ngan luhaʹ lan palaʹ kelunan diaʹ ke alaʹ tuket te. Kimet te nyahut abeʹ un ke pekaliu tuman sedep pe. Ina ukoʹ o ngepit dau santet neng tuket te.