PEMUYAN 4:27 - Kenyah New Testament

²⁷ Moʹ iaʹ lan ne Tuhan, kedalem lepoʹ ini, Herudis, ngan Puntius Pilatus, pemung ngan lepoʹ Israil, ngan lepoʹ diaʹ ca, lepa kelimpun nai nyudup Yesus, ulaʹ koʹ iaʹ buheʹ, iaʹ ikoʹ atek uyan Laki iaʹ ngkang pungu udip.

PEMUYAN 4:27 Iomraidhean Croise

MATIUS 14:1

Dalau ina te Herudis, iaʹ paren tanaʹ Galilia, kenahan dau denga neng puyan Yesus.

MATIUS 14:3

Lan lete Herudis ina ne iaʹ lepa cuk dulu mapo Yaya ngan lemeka ia, penco meput ia kaʹ dalem amin sepin. Herudis cuk dulu pekina ban tuman Herudias iaʹ leto Pilipus cenganak ke.

MATIUS 14:6

Tegoʹ dulu nawai tau bulan Herudis nai pempet, dalau ina tai anak leto Herudias kancet neng juma mpun dulu, ngan pebangen tawai Herudis.

MATIUS 21:28

“Kumpin baʹan ncem? Un ca kelunan iaʹ un dua re anak laki. Tai kun ne palaʹ anak ke iaʹ seken ina, ngan un dau ue neng ia: ‘Ahaʹ anak, tai nikoʹ pegayeng kaʹ banit anggur le tau ini ʹo.’

MATIUS 23:37

“E Yerusalim, Yerusalim, ikoʹ iaʹ ban lematai diaʹ pegawa, ngan lemulo batu neng diaʹ lawa Allah diaʹ ia cuk nai palaʹ ikem are. Kudaʹ liwai ne akeʹ ubaʹ ke nyekapu mung anak lepoʹ koʹ, koʹ baʹan ca tuʹa iap iaʹ ke ngelidung anak ke neng ntaʹ kapit te are, un sepuʹo abeʹ kem dayo.

MATIUS 27:2

Kun nte lemeka ujoʹ o man ampit, penco tai re ngkin ia palaʹ Pilatus, iaʹ ina Gebenur lepoʹ Rum.

MARKUS 10:33

Un dau ue: “Pekimet tiga le neng isiu heʹ ini. Ini seʹ telu tai kusun kaʹ Yerusalim. Kina dulu ke naʹ Anak Sio ini palaʹ diaʹ detaʹu lataʹ ngan diaʹ guru Adet Yahudi. Ida ke mekem salaʹ mia pa re lematai ia, sulo re ke naʹ ia me dulu diaʹ ca.

MARKUS 15:31

Pekina ne seʹ puyan diaʹ detaʹu lataʹ ngan diaʹ guru Adet ngelunyeʹ Yesus. Un dau re neng ida selepeʹ: “Mencam me pudip dulu diaʹ ca, un sepuʹo abeʹ e mencam pudit usa ha tengen.

LUKAS 1:35

Un dau melikat mipa ia: “Berua Buheʹ iaʹ kenai mesun neng ikoʹ, ngan penyukat Allah ke nyaʹung ngelidung ikoʹ ʹo. Ina ukoʹ anak iaʹ buheʹ ina, dulu ke naʹ Anak Allah ha ʹo.

LUKAS 22:63

Mung nte diaʹ mengau Yesus dina ngelunyeʹ ngan lemeta ia.

LUKAS 23:1

Mung nte neng Mpun diaʹ Lataʹ dina beteʹ, penco tai ngkin Yesus palaʹ Pilatus.

LUKAS 4:18

“Un Berua Tuhan neng akeʹ. Lepa ne ia nedanaʹ akeʹ, cuk akeʹ badaʹ Denga Tiga palaʹ dulu diaʹ taru mudip. Ngan pekina pe cuk akeʹ nai badaʹ denga nakau dulu diaʹ salut, ngan mesik mata diaʹ butaʹ, ngan sau dulu diaʹ ban pencit,

LUKAS 9:22

Kun dau ue pelaʹa: “Atek ke sihoʹ keta bioʹ te Anak Sio ini. Moʹ diaʹ lataʹ lepoʹ, ngan diaʹ detaʹu lataʹ, ngan diaʹ guru Adet Yahudi, mung nte ke nyekang akeʹ ʹo. Dulu ke lematai heʹ ʹo. Uʹo ina kenai heʹ ke ngeliwet mudip neng iaʹ ketelu tau ue ʹo.”

YAYA 1:11

Nai te ia palaʹ tanaʹ a tengen, un sepuʹo kelunan dina diaʹ anun ne tengen lete, abeʹ de ubaʹ alaʹ ia ne.

YAYA 10:36

Ukoʹ baʹan akeʹ ne, Amai Bioʹ iaʹ lemileʹ akeʹ ngan cuk akeʹ nai kusun tanaʹ ini. Buk pekina, adeʹ kem kuma akeʹ pejaʹat Allah uban nceʹ badaʹ akeʹ iaʹ Anak Allah?

YAYA 18:28

Laho laho mempam, kun nte ngkin Yesus cen amin Kayapas, tai palaʹ amin Gebenur ina. Un kelunan Yahudi dina, abeʹ de un tai kaʹ dalem amin Gebenur ina uban nte malap sihoʹ kesa, apan nte senteng tai uman Bunut Paska ina.

YAYA 18:29

Ina ukoʹ Pilauts tai kaʹ awang palaʹ ida, mentung nge lemutu ida: “Inu salaʹ iaʹ ikem mekem me laki ini?”

YAYA 19:34

Penco ca usa me sedadu dina mesuk nyatap pe kaʹ tegahang Yesus. Serengan ina ne kenai dahaʹ ngan sungai musa kawang.

PEMUYAN 10:38

Tisen te ikem ban puyan Yesus lepoʹ Nasarit ina, seʹ ban Allah mubeʹ Berua Buheʹ ngan penyukat bioʹ neng ia. Ngan pekina pe tai ie masat kempi kempi uyan tiga, ngan puhat mung dulu diaʹ taru kuʹun Bali Sitan, moʹ Allah un ngan ne.

PEMUYAN 2:27

Moʹ abeʹ koʹ ke peterai berua heʹ kedalem tanaʹ diaʹ matai, ngan abeʹ koʹ pedayo ulaʹ penyelum koʹ ketai madam.

PEMUYAN 4:30

Ngayang ujoʹ koʹ iaʹ senteng ke paget kelunan, ngan ke uyan tedanaʹ bulen ngan puyan nyingan man ngadan Yesus, ulaʹ koʹ iaʹ buheʹ.”

IBERANI 7:26

Ina ukoʹ Yesus iaʹ Pengebioʹ Detaʹu le iaʹ marung neng inu iaʹ tepet neng ilu. Ia ne iaʹ atek buheʹ. Nyahut abeʹ un penginteʹ buk are penyalaʹ neng ia. Allah lepa nengen ia cen kelunan penyalaʹ, ngan mejung ia pelapa mpau kaʹ surga.