PEMUYAN 4:13 - Kenyah New Testament

¹³ Tai salam diseʹ diaʹ lataʹ diaʹ pempun kina, uban tempa ne dau Peterus ngan Yaya, moʹ de tisen ida dua pengalai kelunan tuaʹ le, abeʹ de sekula. Ina le tai re tisen ida dua iaʹ malai ban kejahi ngan Yesus cen kena.

PEMUYAN 4:13 Iomraidhean Croise

MATIUS 11:25

Dalau ina, un dau Yesus: “Ahaʹ Amai, Tuhan iaʹ ngkang langit ngan tanaʹ, akeʹ nyuaʹ tiga saheʹ palaʹ ikoʹ ban inu iaʹ ikoʹ nyuhuk neng kelunan diaʹ tudi ngan diaʹ mencam, idi iaʹ ikoʹ ban peluhaʹ me kelunan diaʹ are un pengencam.

MATIUS 26:71

Penco tai ie kata pamen use ina. Sulo ca usa dikiʹit leto diaʹ ca laʹa taʹan Peterus, penco ho badaʹ me dulu diaʹ un kina: “Ia lete ca iaʹ pemung ngan Yesus lepoʹ Nasarit idai.”

MATIUS 26:73

Abeʹ majan ʹo ina, sulo kenai kelunan diaʹ nekejeng kata kina palaʹ Peterus ngan un dau re: “Abeʹ koʹ are senteng ke nyakat ban ncoʹ lan lan ca usa mida telu lete, moʹ isiu hoʹ iaʹ badaʹ a pekele.”

LUKAS 22:8

Kun Yesus cuk Peterus ngan Yaya, un dau ue: “Tai ne ikem dua, petenup penguman Paska le, ukoʹ le pemung uman ʹo.”

YAYA 19:26

Yesus taʹan diseʹ ban ueʹ e ngan iaʹ bayaʹ katuk ke, iaʹ ia malaʹ didai, nekejeng kina, ina ukoʹ o kuma neng iaʹ ueʹ: “Ueʹ, ini ne anak koʹ.”

YAYA 7:15

Salam aleʹ tekaʹ diaʹ lataʹ lepoʹ Yahudi dina: “Kumpin ketai laki ini bioʹ aleʹ aleʹ penisen ne, buk ke nyahut te abeʹ un sekula ne?”

YAYA 7:49

Kelunan kadoʹ dini abeʹ de tisen Katuk Adet Musa, uban nte bang kentaʹ pudoʹ Allah tuaʹ le.”

PEMUYAN 4:14

Abeʹ ne ida diaʹ lataʹ mencam kenyakat ne laʹa, moʹ ida taʹan laki iaʹ lepa maget idai pemung nekejeng ngan Peterus de dua Yaya kina.

PEMUYAN 4:19

Un sepuʹo dau Peterus ngan Yaya mipa ida kuma: “Ikem tengen ten pekimet ading. Iaʹ mpi iaʹ teneng neng Allah baʹan ncem: tekep meʹ bayaʹ dau hem tupe, buk are bayaʹ dau Allah pe?

PEMUYAN 4:29

Naʹkini Tuhan, diseʹ de ngeretaʹ ameʹ. Tiga hoʹ naʹ tempa mameʹ diaʹ ulaʹ koʹ ne, idi meʹ senteng penco tiraʹ koʹ ʹo.

PEMUYAN 4:31

Lepa re lemameʹ, un amin iaʹ ukoʹ de pempun tai tekicuk. Mung nte sangan kuʹun Berua Buheʹ pa re senteng penco tiraʹ Allah ngan iaʹ tempa dau.

PEMUYAN 9:27

Sulo Barnabas mepo ia, ngan tai ngkin ia palaʹ diaʹ lawa Injil dina. Barnabas badaʹ diseʹ Saul lepa taʹan Tuhan kaʹ janan Damsik, ngan badaʹ diseʹ puyan Tuhan pisiu ia. Kun Barnabas badaʹ diseʹ Saul pedenga ngadan Yesus kaʹ lepoʹ Damsik ngan tempa lan pe dau ue.

PEMUYAN 9:28

Ngan ina ukoʹ Saul tai ngelineʹ ngan nte kina. Ketai ie masat neng lepoʹ Yerusalim pa libut, mentung nge badaʹ tiraʹ dalem ngadan Tuhan ngan tempa dau ue.

1 KURINTUS 1:27

Moʹ nengangan ban Allah lemileʹ puyan iaʹ dulu kuma ha apaʹ, apan ne pesaʹe kelunan diaʹ tudi dina. Pekina pe puyan Allah lemileʹ diaʹ lemaʹ kusun tanaʹ ini apan ne pesaʹe diaʹ ngkang penyukat dina.

1 KURINTUS 14:25

Puyan kimet te iaʹ linget cen kena kenai luhaʹ ne, sulo ho ketai muʹup ke nyelama palaʹ Tuhan Allah, mentung nge ke teto ngahaʹ: “Lan lete Allah iaʹ mudip ngan ncem kini.”

2 KURINTUS 3:12

Ilu un tebelum ina, ina ukoʹ tempa lan dau meʹ.