PEMUYAN 3:6 - Kenyah New Testament

⁶ Un dau Peterus: “Abeʹ un ligit neng akeʹ. Un sepuʹo inu iaʹ un neng akeʹ, idi te iaʹ akeʹ kenaʹ mikoʹ ini: kuʹun ngadan Yesus Keristus kelunan Nasarit ina, masat ne ikoʹ.”

PEMUYAN 3:6 Iomraidhean Croise

MATIUS 10:9

Ayen ncem ngkin inu dalem bahan sapai hem, koʹ baʹan ligit, mat, pirak, ngan pekina pe ca sin bala.

MATIUS 7:22

Tegoʹ Tau Bioʹ ʹo, kadoʹ kelunan diaʹ ke pisiu akeʹ: ‘Ahaʹ Tuhan, ahaʹ Tuhan, man ngadan ncoʹ ameʹ lepa badaʹ tiraʹ Allah, ngan man ngadan ncoʹ pe ameʹ lepa pekarap bali jaʹat, ngan uyan kadoʹ tedanaʹ nyingan.’

MARKUS 14:8

Pemuyan iaʹ ia senteng uyan, ia uyan te. Ban ini ne seʹ e nekena petenup usa heʹ man kenyo, kena dulu ke masek akeʹ dalem liang.

MARKUS 16:17

Tuhan ke naʹ kudaʹ tedanaʹ nyingan dini me kelunan diaʹ ngelan: ida ke pekarap bali man ngadan nceʹ; ida ke pisiu man naʹan naʹan isiu iaʹ bulen;

YAYA 19:19

Kun Pilatus nyurat ca surat, pedetem me neng kayu tecek ina. Un dau dalem surat ina: “Yesus lepoʹ Nasarit, paren bioʹ kelunan Yahudi.”

PEMUYAN 10:38

Tisen te ikem ban puyan Yesus lepoʹ Nasarit ina, seʹ ban Allah mubeʹ Berua Buheʹ ngan penyukat bioʹ neng ia. Ngan pekina pe tai ie masat kempi kempi uyan tiga, ngan puhat mung dulu diaʹ taru kuʹun Bali Sitan, moʹ Allah un ngan ne.

PEMUYAN 16:18

Selu kudaʹ tau pe majan ne tesep tesep ke pekina dau ue, pa Paulus tai miat laleʹ tekaʹ. Sulo ho nyileʹ ngan pisiu bali ina, un dau ue: “Man ngadan Yesus Keristus akeʹ cuk ikoʹ nai kawang cen leto ini.” Dalau ina tuaʹ ne tai bali ina kelap.

PEMUYAN 2:22

Sulo dau Peterus laʹa: “Ahaʹ mung cenganak keʹ lepoʹ Israil, kudaʹ pe ikem ngeringa dau isiu heʹ ini. Un ban Yesus, lepoʹ Nasarit idai, ca laki iaʹ Allah atek ban naʹ mikem. Un iaʹ peluhaʹ Yesus, ina puyan penyukat bioʹ, ngan puyan nyingan, ngan tedanaʹ bulen, iaʹ Allah lepa ban uyan kuʹun Yesus ina. Ikem tengen iaʹ tisen kidi, moʹ mung puyan ina lepa luhaʹ neng ahang ikem.

PEMUYAN 2:36

Un dau Peterus metuk isiu ue: “Ban atek Yesus lete ini, iaʹ ikem lepa napek neng kayu tecek are. Yesus lete iaʹ Allah lepa uyan Tuhan, Laki iaʹ ngkang pungu udip. Awaʹ ne mung diaʹ lepoʹ Israil ke tisen lan.”

PEMUYAN 3:16

Ban kuʹun penyukat dalem ngadan Yesus, ina iaʹ lepa puhat laki ini. Puyan laki apet, iaʹ ikem taʹan ngan tisen ini, lepa nuyan ban kuʹun pengelan kedalem ngadan Yesus ne. Ban pengelan neng Yesus iaʹ paget ia lan, kata ikem mung.”

PEMUYAN 3:5

Kun ne naʹat seʹ de dua, mentung nge un tekaʹ nebelum ke alaʹ ca inu cen ida dua.

PEMUYAN 3:7

Sulo Peterus man ujoʹ taʹu ue, cuk ia nekejeng. Tegoʹ ina lete, pali ne taket te ngan buku taket te.

PEMUYAN 4:10

tiga hem mung tisen kidi. Tekep ketoʹ lepoʹ Israil tai tisen, ban laki iaʹ nai nekejeng kata ikem ini, lepa maget lan ne ia kuʹun penyukat dalem Yesus Keristus, lepoʹ Nasarit, iaʹ ikem ban lematai neng kayu tecek idai, ngan Allah iaʹ ban pudip ia cen patai ie.

PEMUYAN 4:7

Kun nte cuk ida dua lawa Injil dina nekejeng neng beluaʹ ida. Kun nte lemutu ida dua. Un dau re: “Kumpin ncem uyan pemuyan ini tupe? Penyukat inu, ngan ngadan aheʹ iaʹ ikem dini kanan tupe?”

PEMUYAN 9:34

Un dau Peterus neng ia: “Ahaʹ Inias, ban Yesus Keristus iaʹ paget ikoʹ. Beteʹ ne, lemelen ne pat coʹ ne.” Dalau ina to kenai ie beteʹ tuaʹ ne.

1 KURINTUS 4:11

Pabeʹ naʹkini ameʹ ne iaʹ laʹu ngan muhang, ngan gelam meʹ jaʹat. Muʹo pincaʹ ne ameʹ ngan abeʹ un tuman ukoʹ meʹ ngelineʹ.

2 KURINTUS 6:10

Naʹ pe dulu pebampa ameʹ, lemuto meʹ un bangen. Un seʹ meʹ kasip, di lareʹ kadoʹ kelunan tai kayaʹ kuʹun meʹ. Un seʹ meʹ abeʹ un mampin ca inu pe, di lareʹ ameʹ diaʹ mampin mung inu ne.

2 KURINTUS 8:12

Buk ke sanget tekaʹ tawai hem ubaʹ ke mencai inu hem, Allah iaʹ tisen inu iaʹ ikem sukat mencai. Tuman ina ia ubaʹ alaʹ pencai hem, abeʹ e tuman inu iaʹ abeʹ un neng ikem.

2 KURINTUS 8:9

Moʹ ikem tisen puyan pengelesau Tuhan le Yesus Keristus, naʹ pe leto pengudip pe, ia nengangan tai kasip tuman ikem, apan ikem ke tai nuyan kelunan iaʹ mudip lento kuʹun pengekasip pe.

YAKUP 2:5

Ahaʹ cenganak cenganak diaʹ akeʹ malaʹ, ngeringa dau heʹ. Allah iaʹ ban lemileʹ kelunan kasip kusun tanaʹ ini tai kayaʹ dalem pengelan, ngan tai un puyan pengaren iaʹ Allah lepa petuket ke naʹ me kelunan diaʹ malaʹ ia.

1 PETERUS 4:10

Singket usa le un pengencai cen Allah. Tiga le kanan ne, ngan pawat bang nge me dulu, koʹ baʹan ca usa iaʹ mencam petubo gayeng Allah, iaʹ kanan naʹan naʹan pengencai ie.