PEMUYAN 3:26 - Kenyah New Testament

²⁶ Pekina ban Allah pudip anak ke Yesus ina neng ca udip iaʹ tumpak, ngan cuk ia nai palaʹ ikem ading, apan ne ke naʹ peniga mikem, iaʹ ukoʹ kem mung ke nyepuleʹ kimet cen pemuyan jaʹat cem.”

PEMUYAN 3:26 Iomraidhean Croise

MATIUS 1:21

Mariam ke nganak ca anak laki, ngan tiga hoʹ uyan ngadan ne Yesus, uban ia ne kenai nakau diaʹ anun ne cen penyalaʹ de.”

MATIUS 15:24

Sulo dau Yesus mipa leto ina: “Amai heʹ iaʹ cuk akeʹ nai bang palaʹ dumba diaʹ lepa lingu dalem lepoʹ Israil.”

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

YAYA 4:22

Abeʹ kem lepoʹ Samaria tisen lan aheʹ iaʹ ikem ke lemameʹ. Ameʹ Yahudi tisen aheʹ iaʹ ameʹ lemameʹ. Uban puyan iaʹ ke pudip kelunan nai cen lepoʹ Yahudi.

PEMUYAN 1:8

Un sepuʹo ke sangan ncem kuʹun penyukat te tegoʹ Berua Buheʹ kenai mesun neng ikem, ngan ikem iaʹ ke tai nuyan kelunan diaʹ ke badaʹ tugen neng akeʹ kaʹ Yerusalim, pekina pe pa tipo tanaʹ Yudia, ngan kaʹ tanaʹ Samaria, pabeʹ libut usun tanaʹ ne.”

PEMUYAN 13:26

Sulo dau Paulus laʹa: “Ahaʹ amai, ngan cenganak, tepat diaʹ kini mung, ikem diaʹ su mela Ibrahim, ngan mung ngkem diaʹ ca diaʹ tunuk palaʹ Allah, ban palaʹ tepat mung kenai denga katuk neng puyan iaʹ ke pudip kelunan dalem Tuhan ne.

PEMUYAN 2:24

Kun Allah pudip Yesus cen patai ie. Allah iaʹ sau ia cen tuyen patai, moʹ naʹ pe ke kumpin kumpin, abeʹ e ketai supeʹ kuʹun patai.

PEMUYAN 2:32

Atek Yesus ina lete iaʹ ban Allah lepa pudip neng ca udip iaʹ tumpak laʹa. Neng puyan ne, mung meʹ dini diaʹ badaʹ tugen kidi.

PEMUYAN 26:20

Ading ketai heʹ badaʹ denga ina palaʹ lepoʹ Damsik, uʹo ina tai heʹ palaʹ lepoʹ Yerusalim, uʹo ina pelaʹa tai heʹ pa tipo tanaʹ Yudia nuʹo. Ngan palaʹ dulu diaʹ tahaʹ awang Yahudi pe ketai heʹ badaʹ a, apan nte nesen ngan nyepuleʹ kimet de, ngan pupa palaʹ Tuhan Allah, ngan uyan puyan tiga iaʹ ke badaʹ diseʹ ban nte nesen ngan nyepuleʹ kimet de.

PEMUYAN 3:13

Ban Allah iaʹ anun Ibrahim ngan Isak ngan Yakup, ina Allaj iaʹ anun tepun le pe, lepa naʹ pengaren me Yesus iaʹ anak ke, iaʹ ikem dini ban naʹ palaʹ perinta. Tegoʹ Pilatus ban pekimet ubaʹ ne nakau Yesus are, ikem iaʹ nyekang ia.

PEMUYAN 3:15

Pekina puyan ncem lematai Yesus iaʹ atek puʹun udip. Un sepuʹo ban Allah iaʹ pudip ia cen patai. Neng puyan ne ina, ameʹ dini ne diaʹ badaʹ tugen kidi.

PEMUYAN 3:20

Ngan laʹa idi Allah ke cuk Yesus nai, iaʹ ngkang pungu udip, iaʹ Allah ban lemileʹ ke naʹ mikem.

PEMUYAN 3:22

“Lan Musa lepa badaʹ a kuma: ‘Un Tuhan Allah hem ne ke cuk nai ca pegawa, nai palaʹ ikem koʹ baʹan Allah cuk akeʹ nai palaʹ ikem are. Cen ahang ikem panak ke nai ie ʹo. Neng ia, tiga hem ngeringa mung inu iaʹ ia badaʹ mikem ʹo.

PEMUYAN 3:25

Moʹ ban mikem Allah lepa naʹ tuket iaʹ ia petuket man pegawa ha are. Ikem diaʹ kahum dalem tuket iaʹ Allah nyalet me tepun le. Koʹ baʹan dau ue neng Ibrahim: ‘Ban kuʹun mela hem dini, akeʹ ke naʹ peniga heʹ me mung lepoʹ kusun tanaʹ ini.’

RUM 1:16

Abeʹ keʹ babak tekaʹ neng Denga Injil ini, uban ina atek penyukat Allah iaʹ ke pudip mung kelunan diaʹ ke ngelan ne. Iaʹ ading kidi lepoʹ Yahudi, un pe lepoʹ diaʹ ca puʹo ngebayaʹ.

RUM 15:29

Dalau kenai heʹ palaʹ ikem ʹo tisen nceʹ akeʹ ke sangan kuʹun peniga Keristus.

RUM 15:8

Dau heʹ mikem: Keristus ban nai petubo lepoʹ Yahudi apan luhaʹ seʹ ban lan Allah kanan tuket te, ngan palup dau tuket te me tepun le are.

IPESUS 1:3

Tiga le mung nyuaʹ tiga saheʹ palaʹ Allah iaʹ Amai Tuhan le Yesus Keristus. Moʹ lepa ne Allah naʹ peniga milu, dalem puyan le pebeka tawai dalem Keristus, mentung nge naʹ mung naʹan pengencai udip berua le kaʹ surga.

1 PETERUS 1:3

Nyuaʹ ne tiga saheʹ palaʹ Allah, Amai Tuhan le Yesus Keristus. Moʹ bioʹ ban pengelesau ue nganak ilu neng ca udip mading, kuʹun puyan ne iaʹ pudip Yesus Keristus cen patai ie. Dalem diaʹ pekina, un tebelum iaʹ mudip neng ilu.

1 PETERUS 3:9

Ayen ncem nyuaʹ iaʹ jaʹat man iaʹ jaʹat, pekina pe nyuaʹ tunoʹ man tunoʹ, di lareʹ nyuaʹ man peniga. Moʹ ca peniga iaʹ Allah petuket ke naʹ mikem, ina ukoʹ o ban mengin ikem.

YAHUDA 1:24

Tuhan Allah iaʹ mencam ke petubo ikem malap ikem ketai laboʹ ʹo. Atek ke mencam ke mencai ikem ca ncai iaʹ buheʹ ngan bangen neng juma serema pengaren ne ʹo.