PEMUYAN 3:23 - Kenyah New Testament

²³ Aheʹ iaʹ abeʹ un ubaʹ ngeringa dau pegawa Allah ina, ia ke pesau tai tahaʹ awang neng kelunan diaʹ anun Allah, pa ha tai tasaʹ ʹo.’ Pekina dau Musa.

PEMUYAN 3:23 Iomraidhean Croise

MARKUS 16:16

Aheʹ iaʹ ngelan, ngan alaʹ batis, ia lete iaʹ atek ke tisen puyan iaʹ ke pudip ia dalem Tuhan. Aheʹ iaʹ abeʹ un ngelan, atek penyalaʹ a iaʹ ke mekem ngkin ia neng penaru.

YAYA 12:48

Aheʹ iaʹ nyekang akeʹ ngan abeʹ un alaʹ dau katuk keʹ, un lete ca iaʹ ke metep ukum neng ia. Isiu iaʹ akeʹ lepa badaʹ, ina iaʹ ke metep ukum neng ia tegoʹ tau iaʹ ke bayaʹ ʹo.

YAYA 8:24

Ina iaʹ ukoʹ keʹ badaʹ mikem, ikem ke matai lenca dalem penyalaʹ kem. Buk kem abeʹ un ngelan ‘Akeʹ Iaʹ Lemuto Un’, ikem lete iaʹ ke matai lenca dalem penyalaʹ kem ʹo.”

PEMUYAN 2:41

Kadoʹ de kina diaʹ ngelan dau katuk ke, sulo re alaʹ batis nuʹo. Tegoʹ tau ina, kadoʹ de, kihoʹ kihoʹ telu ibu usa, iaʹ nai ngepit neng mpun nte.

IBERANI 10:39

Abeʹ le koʹ baʹan kelunan diaʹ ngedut ngan tasaʹ. Un sepuʹo ilu diaʹ ngelan ngan alaʹ udip me berua le.

IBERANI 12:25

Ina ukoʹ pekimet tiga tiga, ngan ayen ncem muau neng ia iaʹ pisiu ilu naʹkini. Kelunan diaʹ lepa muau neng ia iaʹ menco tiraʹ Tuhan kusun tanaʹ ini are, abeʹ de senteng kelap ukum. Menco ne pelaʹa ilu, buk le ke nyelikut ia iaʹ pisiu ilu cen surga, abeʹ le senteng kelap ukum ʹo.

IBERANI 2:3

Ban ne pekina, kumpin ne ilu ketai kelap ukum buk le abeʹ un nyingo puyan bioʹ iaʹ pudip ilu dalem Tuhan tupe? Tuhan tengen iaʹ ading pungkaʹ puyan iaʹ ke pudip kelunan dalem Tuhan, ngan kelunan diaʹ lepa kenahan dau isiu ue ina nugen badaʹ a mameʹ pa meʹ tisen ne lan.

PUYAN LUHA’ 13:8

Mung kelunan kusun tanaʹ ini ke lemameʹ palaʹ ia. Ina ne mung kelunan diaʹ abeʹ ban un ngadan nte dalem surat udip Anak Dumba iaʹ lepa sihoʹ tebek are, surat iaʹ ban un cen kena usun tanaʹ ini ke nuyan.

PUYAN LUHA’ 20:15

Aheʹ kelunan diaʹ abeʹ un ngadan ne senurat dalem surat anun diaʹ mudip dina, ida pe ketai nepet dalem bawang luten ina.