PEMUYAN 3:22 - Kenyah New Testament

²² “Lan Musa lepa badaʹ a kuma: ‘Un Tuhan Allah hem ne ke cuk nai ca pegawa, nai palaʹ ikem koʹ baʹan Allah cuk akeʹ nai palaʹ ikem are. Cen ahang ikem panak ke nai ie ʹo. Neng ia, tiga hem ngeringa mung inu iaʹ ia badaʹ mikem ʹo.

PEMUYAN 3:22 Iomraidhean Croise

MATIUS 21:11

Un dau kelunan kadoʹ mipa ida: “Ini ne Yesus, pegawa cen lepoʹ Nasarit tanaʹ Galilia.”

LUKAS 13:33

Atek keʹ ke lemejo asat ceʹ dalem tau ini, ngan nempam, ngan uʹo nempam, uban abeʹ un tekep ca usa pegawa dulu ke lematai tahaʹ awang neng lepoʹ Yerusalim.

LUKAS 24:19

Un dau Yesus neng ida: “Puyan inu ne tupe?” Un dau re dua mipa ia: “Puyan neng Yesus lepoʹ Nasarit idai. Ban ca pegawa bioʹ laki ina, ngan bioʹ ban penyukat te neng tiraʹ a, pekina pe neng pemuyan ne, sihoʹ neng penaʹat Allah, ngan pekina pe neng kelunan.

YAYA 1:17

Cen Musa, Allah lepa naʹ Katuk Adet milu. Un sepuʹo cen Yesus Keristus kenai pengelesau ngan isiu iaʹ telit.

YAYA 12:46

Akeʹ nai kusun tanaʹ ini ukoʹ baʹan ca dema, apan singket usa diaʹ ngelan neng akeʹ abeʹ un petem ngelineʹ dalau ntem.

YAYA 5:24

“Lan dau heʹ mikem, aheʹ iaʹ kenahan dau tiraʹ keʹ ngan ngelan ia iaʹ cuk akeʹ nai, kelunan ina ne iaʹ lepa alaʹ udip saheʹ kelineʹ iaʹ ngeriman, ngan abeʹ e ke sihoʹ puyan betep ukum penyalaʹ laʹa, un sepuʹo lepa ne ia lapa cen patai tai palaʹ udip.

YAYA 8:12

Kun Yesus pisiu mida laʹa: “Akeʹ ne iaʹ ngedema usun tanaʹ ini. Aheʹ iaʹ bayaʹ akeʹ, ia iaʹ ke un dema iaʹ ngkin udip mia ngan nyahut te abeʹ un ke masat dalau ntem ne laʹa.”

PEMUYAN 7:37

Musa ina lete iaʹ badaʹ me lepoʹ Israil ne kuma ha: ‘Allah ke cuk ca pegawa nai palaʹ ikem, koʹ baʹan Allah cuk akeʹ nai pala ikem are. Cen ahang ikem panak kenai ie ʹo.’

RUM 8:3

Un pemuyan iaʹ Katuk Adet ina abeʹ un senteng ke uyan moʹ o supeʹ kuʹun penyaheʹ usa kelunan, sukat sepe Allah ban uyan ne. Allah iaʹ ban pebetep ukum neng penyalaʹ iaʹ un dalem penyaheʹ usa kelunan. Pekini ie uyan ne: ia cuk Anak ke tengen nai ngaliu kelunan, iaʹ un penyaheʹ usa koʹ baʹan diseʹ penyaheʹ usa kelunan iaʹ sangan penyalaʹ, nuyan ncai petutung tuman penyalaʹ.

RUM 9:5

Ida Yahudi diaʹ mela cen Israil. Cen ahang ida kenai Keristus luhaʹ ngaliu layen kelunan, iaʹ atek mpau neng mung inu, ngan iaʹ atek Allah iaʹ ilu ke pempau lemuto pa majan. Amin.

GALATIA 4:4

Un sepuʹo tai sihoʹ tau iaʹ marung neng pengubaʹ Allah, sulo ho cuk Anak ke tengen nai pempet cen ca leto. Kun ne mudip kentaʹ Katuk Adet.

IBERANI 2:1

Tuman ina, tekep le pali kuʹo ke ngkang katuk telit iaʹ ilu lepa kenahan are, malap ilu tai duncau.

IBERANI 5:9

Tegoʹ Yesus lepa nuyan daʹam are, ia penco nuyan atek puʹun puyan iaʹ pudip kelunan neng udip saheʹ kelineʹ iaʹ ngeriman, iaʹ ina me kelunan diaʹ tudep bayaʹ dau ue.

PUYAN LUHA’ 1:1

Neng surat ini un kudaʹ naʹan puyan iaʹ luhaʹ kuʹun Yesus Keristus. Allah lepa badaʹ a me Yesus apan ne peluhaʹ a me diaʹ pegayeng mia. Puyan ini iaʹ atek ke nuyan laho ʹo. Keristus iaʹ cuk melikat te nai badaʹ a me ulaʹ a Yaya.