PEMUYAN 3:21 - Kenyah New Testament

²¹ Un te ia pekena kaʹ surga pa tegoʹ mung inu ke nuyan mading. Pekina dau tiraʹ Allah iaʹ ia ban badaʹ cen naʹaʹ man isiu pegawa ha diaʹ buheʹ didai.

PEMUYAN 3:21 Iomraidhean Croise

LUKAS 1:70

Moʹ pekini dau diaʹ pegawa Allah diaʹ buheʹ, penco dau ue cen naʹaʹ are.

PEMUYAN 1:11

Kun dau re dua: “Ikem lepoʹ Galilia, inu hem nekejeng naʹat kaʹ langit tupe? Un Yesus iaʹ tai pejung kaʹ surga, iaʹ ikem taʹan ini, ke pekina lete kenai ie kentaʹ laʹa ʹo, koʹ baʹan ncem taʹan ketai ie kaʹ surga ne.”

PEMUYAN 10:43

Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

PEMUYAN 3:19

Moʹ ina, nesen ne, ngan nyepuleʹ kimet cem palaʹ Allah, idi ie ke musoʹ sau penyalaʹ kem. Laʹa idi hem ke un ca iaʹ ke nyengim udip kem, iaʹ ban nai cen juma Tuhan.

PEMUYAN 3:20

Ngan laʹa idi Allah ke cuk Yesus nai, iaʹ ngkang pungu udip, iaʹ Allah ban lemileʹ ke naʹ mikem.

RUM 8:21

dalau ketai kebayaʹ a ʹo, mung inu ban pemuyan Allah, ke takau re cen iaʹ jaʹat, iaʹ ban nyalut ida. Ketai re pemung ngan diaʹ anak Allah neng serema peniga udip de iaʹ pejo.

IBERANI 1:1

Dalau udip cen naʹaʹ, un dau Allah pisiu tepun le man diaʹ pegawa ha. Un pe puto liwai, ngan un pe kadoʹ naʹan janan isiu ue lete.

2 PETERUS 1:21

Moʹ abeʹ un tiraʹ iaʹ badaʹ kimet Allah iaʹ nai cen pengubaʹ kimet kelunan tuaʹ le, di lareʹ nai ie kuʹun Berua Buheʹ iaʹ mesun neng kelunan jinan nte penco tiraʹ cen Allah.

2 PETERUS 3:2

apan ncem ngetawai dau tiraʹ pegawa diaʹ buheʹ cen naʹaʹ, pekina pe neng katuk ukum Tuhan iaʹ Keniga Udip le, iaʹ nai palaʹ ikem kuʹun diaʹ lawa Injil hem.

PUYAN LUHA’ 18:20

Ikem lepoʹ surga tai bangen ne tawai hem uban lepoʹ ina salai. Tai bangen ne tawai hem, e ikem diaʹ anun Allah, ikem diaʹ lawa Injil ngan diaʹ pegawa Tuhan, moʹ Allah lepa pebetep ukum me lepoʹ ina suaʹ ban puyan ne neng ikem.

PUYAN LUHA’ 22:6

Dau melikat ina neng akeʹ: “Ini tiraʹ iaʹ teneng ngan iaʹ tekep ilu semamet ngelan. Moʹ Tuhan Allah iaʹ naʹ Berua ha me pegawa dina, lepa ne ia cuk melikat te nai peluhaʹ me diaʹ pegayeng mia inu puyan iaʹ atek kenai palup laho ʹo.”