PEMUYAN 3:20 - Kenyah New Testament

²⁰ Ngan laʹa idi Allah ke cuk Yesus nai, iaʹ ngkang pungu udip, iaʹ Allah ban lemileʹ ke naʹ mikem.

PEMUYAN 3:20 Iomraidhean Croise

MATIUS 16:27

Ban ne nyeng le laʹa Anak Sio ini kenai luhaʹ ngan serema peniga Amai ie, peging ngan melikat te. Dalau ina ha ke nyuaʹ a singket usa kelunan bayaʹ ban pemuyan nte.

MATIUS 24:3

Dalau Yesus madung neng usun Mudung Ampang, sulo kenai diaʹ bayaʹ katuk ke tengen le palaʹ ia, ngan un dau re: “Badaʹ ne mameʹ ading, midan mung puyan ini ketai nuyan ʹo? Ngan inu tedanaʹ iaʹ ke badaʹ kena kenai hoʹ, ngan pekina pe kena ketai kuʹo udip ini ʹo?”

MARKUS 13:26

Lepa ina Anak Sio ini kenai luhaʹ dalau abun. Bioʹ nyingan ne ngan serema peniga ha.

LUKAS 19:11

Ketai nyeng Yesus kaʹ lepoʹ Yerusalim. Un tekaʹ diaʹ kadoʹ dina ngihoʹ kena ke kenai puyan pengaren Allah luhaʹ ke ngaren kelunan tegoʹ ina. Ina ukoʹ Yesus badaʹ ca kata katuk me diaʹ ngeringa didai.

LUKAS 21:27

Tegoʹ ina sulo kelunan ke taʹan Anak Sio kenai luhaʹ dalau abun, peging ngan penyukat iaʹ bioʹ ngan serema peniga ha.

PEMUYAN 17:31

Moʹ lepa ne Allah petuket ca tau kukoʹ o ke pebetep ukum bayaʹ ban peneneng nge neng mung kelunan kusun tanaʹ ini. Allah ke kanan ca kelunan iaʹ lepa ia lemileʹ. Allah peluhaʹ milu mung ban lan ne lepa lemileʹ ia, moʹ o pudip ia cen ban patai ie are.”

PEMUYAN 3:19

Moʹ ina, nesen ne, ngan nyepuleʹ kimet cem palaʹ Allah, idi ie ke musoʹ sau penyalaʹ kem. Laʹa idi hem ke un ca iaʹ ke nyengim udip kem, iaʹ ban nai cen juma Tuhan.

PEMUYAN 3:21

Un te ia pekena kaʹ surga pa tegoʹ mung inu ke nuyan mading. Pekina dau tiraʹ Allah iaʹ ia ban badaʹ cen naʹaʹ man isiu pegawa ha diaʹ buheʹ didai.

2 TESALUNIKA 2:2

ayen ncem luhai tai bingaʹ ngan tai berawen tekaʹ kimet kuʹun tiraʹ iaʹ kuma ha: “Tau ke kenai Tuhan Yesus iaʹ kedua liwai ie lepa abeʹ.” Masaʹ un kelunan diaʹ pisiu pekina dau. Masaʹ un pe kelunan diaʹ pedenga puyan pekina. Ngan masaʹ un pe kelunan diaʹ kuma ha ameʹ lepa nyurat puyan ina dalem surat meʹ.

2 TESALUNIKA 2:8

Lepa ina laki iaʹ ngkang pungu pengejaʹat ina kenai luhaʹ, ngan Tuhan Yesus ke lematai ia man nyingan iaʹ nai cen paʹ a, mentung nge ke nasaʹ ia man serema peniga ha, tegoʹ Tau ke kenai ie ʹo.

IBERANI 9:28

Ngan pekina lete Keristus lepa nuyan pencai liwa ca liwai, apan ne ke mesau penyalaʹ kadoʹ kelunan. Atek kenai ie luhaʹ kedua liwai ʹo, abeʹ e ke ti inu ngan penyalaʹ, un sepuʹo ia ke pudip mung kelunan diaʹ pengaʹ kenai ie.

PUYAN LUHA’ 1:7

Naʹat ne, kenai ie tugung abun. Mung kelunan diaʹ ke taʹan ia uʹo, peging ngan diaʹ ban mesuk ia are. Mung kelunan kusun tanaʹ ke nange ngan bisau kuʹun kenai ie uʹo. Atek pekina lan ʹo. Amin.