PEMUYAN 3:18 - Kenyah New Testament

¹⁸ Uban cen naʹaʹ Allah badaʹ isiu ue man mung pegawa ha, kumpin seʹ puyan kenai Laki iaʹ ngkang pungu udip, iaʹ Allah naʹ milu, iaʹ atek ke ke sihoʹ tuyen lete ʹo. Pekina lete ban tai ie palup.

PEMUYAN 3:18 Iomraidhean Croise

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

PEMUYAN 10:43

Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

PEMUYAN 2:23

Ban Yesus lete, Allah ban naʹ palaʹ ikem bayaʹ pengubaʹ kimet te, ngan penisen ne tengen. Lepa ne ikem lematai ia, moʹ ikem iaʹ cuk dulu diaʹ pepuk kuʹun penyalaʹ napek ia neng kayu tecek.

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

2 PETERUS 1:21

Moʹ abeʹ un tiraʹ iaʹ badaʹ kimet Allah iaʹ nai cen pengubaʹ kimet kelunan tuaʹ le, di lareʹ nai ie kuʹun Berua Buheʹ iaʹ mesun neng kelunan jinan nte penco tiraʹ cen Allah.

PUYAN LUHA’ 19:10

Kun nceʹ muʹup kata taket melikat ina ke lemameʹ palaʹ ia. Un dau ue neng akeʹ: “Ayen ti pekina, akeʹ ne ca ulaʹ Allah pekuaʹ ngan ncoʹ lete, pekuaʹ ngan cenganak koʹ iaʹ mampin katuk telit, iaʹ nai luhaʹ kuʹun Yesus. Bang Allah le ilu lemameʹ.” Kuʹun katuk telit iaʹ Yesus peluhaʹ milu, ina iaʹ petangen pegawa Tuhan ke penco katuk milu.