PEMUYAN 3:17 - Kenyah New Testament

¹⁷ Sulo dau Peterus laʹa: “Ahaʹ cenganak keʹ mung, akeʹ tisen ban puyan ncem ini dalau hem turan are, pekina lete diaʹ tuʹa hem pe.

PEMUYAN 3:17 Iomraidhean Croise

LUKAS 23:13

Kun Pilatus mengin diaʹ detaʹu lataʹ, ngan diaʹ lataʹ lepoʹ, peging ngan dulu diaʹ kadoʹ, nai pempun kina.

LUKAS 23:34

Sulo dau Yesus lemameʹ: “Amai, sau ne penyalaʹ kelunan dini, moʹ abeʹ de tisen inu iaʹ ida uyan. Kun nte pegan petulat gelam Yesus.

YAYA 15:21

Mung puyan ini ida uyan neng ikem uban ncem anun nceʹ, uban abeʹ de tisen ia iaʹ cuk akeʹ nai.

YAYA 16:3

Atek de ke ti puyan ini neng ikem, uban nte abeʹ un tisen Amai Bioʹ, pekina pe akeʹ.

YAYA 7:52

Un dau re mipa ia: “Kumpin, ikoʹ lete ca nai cen Galilia mo? Nugen ne tiraʹ dalem Kitap, idi hoʹ tisen nyahut ca pegawa pe abeʹ un nai cen Galilia.”

PEMUYAN 13:27

Un dulu diaʹ mudip kaʹ Yerusalim peging ngan diaʹ tuʹa re, abeʹ de tisen Yesus iaʹ Keniga Udip Kelunan, ngan abeʹ de tiesn sen tiraʹ dalem surat pegawa Tuhan iaʹ ida malai baca singket Tau Kelineʹ ne. Kenuen pia pekina, ida palup lete tiraʹ pegawa cen ban pemuyan nte ngukum Yesus ne.

PEMUYAN 22:5

Un Pengebioʹ Detaʹu, ia iaʹ atek tugen neng puyan nceʹ, peging ngan mung Mpun diaʹ Lataʹ. Cen ida pe akeʹ alaʹ surat iaʹ ida ke naʹ katu me diaʹ cenganak Yahudi kaʹ lepoʹ Damsik te. Penco tai heʹ kaʹ lepoʹ ina, ubaʹ ketai dakep ngan lemeka ida diaʹ kina, sulo ke ngkin ida kaʹ Yerusalim, moʹ ke ngukum ida.”

PEMUYAN 26:9

“Lan ne cen naʹaʹ akeʹ pekimet tekep tekaʹ keʹ naten ke pebunoʹ ngan dulu diaʹ ngelan neng ngadan Yesus lepoʹ Nasarit ina.

PEMUYAN 28:21

Un dau re neng Paulus: “Abeʹ meʹ alaʹ surat pe cen tanaʹ Yudia neng puyan ncoʹ. Pekina pe neng ahang mung cenganak le diaʹ ban nai cen ina, abeʹ un denga iaʹ jaʹat neng puyan ncoʹ.

PEMUYAN 7:40

Un dau re pisiu neng Harun: ‘Uyan ne ca tepatung mameʹ, iaʹ ke mampin ameʹ, moʹ un Musa iaʹ ban ngkin ameʹ nai kawang cen Masir are, abeʹ meʹ tisen kumpin puyan ne ʹo taʹin.’

RUM 11:2

Abeʹ Allah nyekang ida diaʹ anun ne, iaʹ ban ia lemileʹ cen kena are. Tisen ncem dau Kitap iaʹ badaʹ puyan Ilia, kumpin ne lemameʹ Allah badaʹ penyalaʹ lepoʹ Israil are, kuma ha:

1 KURINTUS 2:8

Neng ahang diaʹ ngaren dulu kusun tanaʹ ini, ca usa pe abeʹ un tisen puyan penudi ini. Buk de ke tisen ia, atek abeʹ de ke ngediding Tuhan iaʹ puʹun serema peniga ina neng usun kayu tecek.

2 KURINTUS 3:14

Lan te kimet lepoʹ Israil pekep cen naʹaʹ are, ngan pa abeʹ tau ini pe seleket apeʹ idai are caʹ mekep kimet te dalau re baca Kitap Tuket Puʹun. Un sepuʹo buk kelunan ketai pebeka tawai ngan Keristus, penco pesau ne apeʹ kep ina.

IPESUS 4:18

ngan mentem ban penawai re. Abeʹ de un alaʹ tulat neng udip iaʹ nai cen Allah, moʹ de turan laleʹ ngan mahing kimet de.

PILIPI 1:22

Buk un lete dadoʹ udip keʹ iaʹ ukoʹ ke pegayeng madut kelunan palaʹ Tuhan, pekawaʹ tekaʹ keʹ iaʹ mpi taʹin? Abeʹ keʹ tisen, matai taʹin, mudip taʹin?

1 TIMUTIUS 1:13

Iaʹ lan ne, naʹ pe cen naʹaʹ are akeʹ iaʹ ban pejaʹat ngadan ne, ngan nyakit ia, ngan miʹi neng ia, un sepuʹo lesau ban Allah neng akeʹ, naʹ pe akeʹ ban uyan pekina, moʹ dalau heʹ turan are, abeʹ keʹ un pengelan lepe.