PEMUYAN 3:15 - Kenyah New Testament

¹⁵ Pekina puyan ncem lematai Yesus iaʹ atek puʹun udip. Un sepuʹo ban Allah iaʹ pudip ia cen patai. Neng puyan ne ina, ameʹ dini ne diaʹ badaʹ tugen kidi.

PEMUYAN 3:15 Iomraidhean Croise

LUKAS 24:48

Ikem ne diaʹ ke badaʹ ban ncem tugen kaʹ neng toʹ puyan dina.

YAYA 1:4

Tiraʹ ini ne iaʹ puʹun udip, ngan udip ini te iaʹ ngkin dema palaʹ kelunan.

YAYA 10:28

ngan akeʹ ke naʹ udip saheʹ kelineʹ iaʹ ngeriman mida. Nyahut de abeʹ un ke matai ne laʹa. Ngan abeʹ un aheʹ iaʹ senteng ke magang ida cen akeʹ.

YAYA 14:6

Dau Yesus mipa ia: “Akeʹ ne iaʹ janan, ngan katuk iaʹ telit, ngan iaʹ atek udip. Abeʹ un aheʹ senteng tai palaʹ Amai Bioʹ buk ke abeʹ un kuʹun nceʹ.”

YAYA 17:2

Ikoʹ iaʹ lepa naʹ penyukat me ia neng usun kelunan mung, apan ne sukat naʹ udip saheʹ kelineʹ iaʹ ngeriman me ketoʹ diaʹ ikoʹ naʹ mia.

YAYA 4:10

Un dau Yesus mipa ia: “Awaʹ pe ikoʹ tisen inu iaʹ Allah naʹ me kelunan, ngan tisen aheʹ keʹ iaʹ nyat tisep neng ikoʹ ne, atek koʹ ke nyat neng ia lete, ngan ia pe naʹ sungai iaʹ mudip mikoʹ.”

YAYA 4:14

Un sepuʹo aheʹ kelunan diaʹ nisep sungai iaʹ akeʹ naʹ ne, abeʹ de ke muhang laʹa. Sungai iaʹ akeʹ ke naʹ me kelunan, ina iaʹ nuyan seleket lubang tebut iaʹ peluput sungai mudip kaʹ dalem penawai ie, ngan naʹ udip saheʹ kelineʹ iaʹ ngeriman mia.”

YAYA 5:26

Ukoʹ baʹan Amai ina tengen iaʹ puʹun udip, kuaʹ ina lete ia uyan Anak ke iaʹ puʹun udip.

PEMUYAN 1:22

cen tading ban Yaya ngebatis Yesus, pabeʹ tau tai Yesus pejung kaʹ surga mecin ameʹ.”

PEMUYAN 2:24

Kun Allah pudip Yesus cen patai ie. Allah iaʹ sau ia cen tuyen patai, moʹ naʹ pe ke kumpin kumpin, abeʹ e ketai supeʹ kuʹun patai.

PEMUYAN 2:32

Atek Yesus ina lete iaʹ ban Allah lepa pudip neng ca udip iaʹ tumpak laʹa. Neng puyan ne, mung meʹ dini diaʹ badaʹ tugen kidi.

PEMUYAN 4:2

Sakit kaʹ saheʹ de moʹ peterus de dua penco katuk me lepoʹ ina neng puyan Yesus ban numpak mudip cen patai, ngan badaʹ kelunan matai ke numpak mudip laʹa.

PEMUYAN 5:31

Ia lete Allah ban ngayang cuk ia tai tahaʹ taʹu ue, moʹ o cuk ia ketai Tuʹa le, ngan Keniga Udip le, iaʹ ke mawang ukoʹ lepoʹ Israil ke nesen, alaʹ nyepuleʹ kimet de, ngan ke sau penyalaʹ de.

1 KURINTUS 15:45

Moʹ un dau Kitap kuma ha: “Kelunan iaʹ ading, iaʹ ina Adem, nuyan ca usa iaʹ mudip.” Di lareʹ Adem iaʹ kebayaʹ lan nuyan atek Berua iaʹ ke pudip.

IPESUS 1:20

Moʹ un penyukat Allah iaʹ un dalem ilu ne, pekuaʹ te ngan pengali penyukat iaʹ Allah kanan tegoʹ o pudip Yesus cen patai are, ngan padung ia tahaʹ taʹu ue kaʹ surga.

IBERANI 12:2

Tiga le nyalet taʹat le palaʹ Yesus, moʹ ia iaʹ ukoʹ tapi pengelan le cen tading nge pa ketai kelepa ha. Abeʹ Yesus luʹap kuʹun puyan tecek are, un sepuʹo penyaʹe puyan ne matai neng usun kayu tecek abeʹ un inu tekaʹ a pekimet puyan ina, uban kuʹun pengebangen iaʹ ngena ia, ngan naʹkini ia madung tahaʹ taʹu padung pengaren Allah.

IBERANI 2:10

Allah iaʹ lepa nyelung uyan mung inu, ngan ia iaʹ ngkang mung inu. Tekep lete ia pedaʹam Yesus kuʹun puyan tuyen, apan ne senteng ngkin kadoʹ diaʹ anak ke ke kahum pemung ngan Yesus dalem serema peniga ha. Moʹ Yesus tengen iaʹ ngkin ida palaʹ udip iaʹ pudip ida dalem Tuhan.

IBERANI 5:9

Tegoʹ Yesus lepa nuyan daʹam are, ia penco nuyan atek puʹun puyan iaʹ pudip kelunan neng udip saheʹ kelineʹ iaʹ ngeriman, iaʹ ina me kelunan diaʹ tudep bayaʹ dau ue.

1 YAYA 5:20

Tisen te ilu are, ban Anak Allah lepa nai ngan naʹ penisen man le ke ngetisen Allah iaʹ ban atek Allah lan. Udip le dini un dalem Allah iaʹ lan, iaʹ ina dalem Anak ke Yesus Keristus. Ini ie iaʹ atek Allah lan, ngan ini iaʹ atek udip saheʹ kelineʹ iaʹ ngeriman.

PUYAN LUHA’ 21:6

Un dau ue: “Lepa palup ne. Akeʹ ini iaʹ Alpa ngan iaʹ Umiga, iaʹ ading ngan iaʹ ngebayaʹ. Mele aheʹ kelunan diaʹ muhang, akeʹ ke naʹ tuaʹ le sungai tisep cen lubang tebut iaʹ ngeriman ina.

PUYAN LUHA’ 22:1

Melikat ina lete peluhaʹ makeʹ pelaʹa alo sungai ngeriman iaʹ ngelilep koʹ baʹan seʹ batu mening are, iaʹ nai cen padung pengaren Allah ngan Anak Dumba ina,

PUYAN LUHA’ 22:17

Un dau Berua Tuhan ngan leto iaʹ ke pepeto ina kuma ha: “Nai ne.” Mung kelunan diaʹ kenahan dau tiraʹ ini, atek de kuma ha lete: “Nai ne.” Nai ne, mele aheʹ ia muhang, aheʹ iaʹ ubaʹ, tiga ha alaʹ sungai iaʹ ngeriman ini, abeʹ un suaʹ a.