PEMUYAN 3:12 - Kenyah New Testament

¹² Dalau Peterus taʹan seʹ mpun dulu kina, penco ho pisiu ida: Un dau ue: “Ahaʹ cenganak keʹ lepoʹ Israil, inu iaʹ ukoʹ kem tai salam neng seʹ puyan laki ini tupe? Ngan inu adeʹ kem nekeneng naʹat ameʹ tupe? Ayen kuma ban penyukat meʹ ngan pengebuheʹ adet meʹ iaʹ ban cuk laki ini senteng masat.

PEMUYAN 3:12 Iomraidhean Croise

YAYA 7:18

Kelunan aheʹ iaʹ pisiu man pengubaʹ a tengen, seʹ e ubaʹ pada ia loʹ. Un sepuʹo aheʹ iaʹ ubaʹ pada mia iaʹ cuk ia nai, laki ina iaʹ telit kimet, abeʹ un inu iaʹ palo neng ia.

PEMUYAN 13:26

Sulo dau Paulus laʹa: “Ahaʹ amai, ngan cenganak, tepat diaʹ kini mung, ikem diaʹ su mela Ibrahim, ngan mung ngkem diaʹ ca diaʹ tunuk palaʹ Allah, ban palaʹ tepat mung kenai denga katuk neng puyan iaʹ ke pudip kelunan dalem Tuhan ne.

PEMUYAN 2:22

Sulo dau Peterus laʹa: “Ahaʹ mung cenganak keʹ lepoʹ Israil, kudaʹ pe ikem ngeringa dau isiu heʹ ini. Un ban Yesus, lepoʹ Nasarit idai, ca laki iaʹ Allah atek ban naʹ mikem. Un iaʹ peluhaʹ Yesus, ina puyan penyukat bioʹ, ngan puyan nyingan, ngan tedanaʹ bulen, iaʹ Allah lepa ban uyan kuʹun Yesus ina. Ikem tengen iaʹ tisen kidi, moʹ mung puyan ina lepa luhaʹ neng ahang ikem.

PEMUYAN 3:11

Dalau laki ina ngedipet neng Peterus de dua Yaya, nai lepoʹ ina mung ngasa pempun kaʹ use iaʹ ngadan “Use Suliman,” ngan salam laleʹ tekaʹ de.

PEMUYAN 3:13

Ban Allah iaʹ anun Ibrahim ngan Isak ngan Yakup, ina Allaj iaʹ anun tepun le pe, lepa naʹ pengaren me Yesus iaʹ anak ke, iaʹ ikem dini ban naʹ palaʹ perinta. Tegoʹ Pilatus ban pekimet ubaʹ ne nakau Yesus are, ikem iaʹ nyekang ia.

RUM 11:1

Un pe dau heʹ pelaʹa: Lepa ne Allah nyekang lepoʹ diaʹ anun ne tupe? Nyahut te pekina ne. Akeʹ ca lepoʹ Israil lete, cen mela Ibrahim ngan lepoʹ Benyamin pe akeʹ.

RUM 9:4

Lepoʹ Yahudi, ida diaʹ Allah ban lemileʹ ngan mamung. Mida pe Allah naʹ serema peniga ha ne. Kun Allah nyalet tuket te neng ida. Kun ne naʹ Katuk Adet te mida puʹo. Ida pe diaʹ un puyan temameʹ iaʹ lan. Pekina pe ida iaʹ alaʹ dau tuket cen Tuhan Allah ne.

2 KURINTUS 3:5

Neng usa meʹ tengen abeʹ inu iaʹ puko meʹ ke kuma ha ameʹ senteng ngkang gayeng ini. Moʹ penyukat iaʹ un neng ameʹ, bang cen Allah kenai ie.

PUYAN LUHA’ 7:13

Un dau ca diaʹ lataʹ dina lemutu akeʹ: “Aheʹ kelunan diaʹ un gelam sapai puteʹ dadoʹ dini? Cen mpi kenai re tupe?”