PEMUYAN 28:8 - Kenyah New Testament

⁸ Un amai ie meken moʹ o dadem, ngan sakit batek pekaliu. Tai kun Paulus kaʹ amin amai Pubelius ne, penco lemameʹ ngan napo ujoʹ o neng ia, paget ia.

PEMUYAN 28:8 Iomraidhean Croise

MATIUS 10:1

Yesus mengin ida diaʹ puloʹ dua usa diaʹ bayaʹ katuk ke are. Sulo ho naʹ nyingan mida, man nte pekarap bali ngan paget mung naʹan penyakit ngan penginteʹ usa le kelunan.

MATIUS 10:8

Paget ne kelunan diaʹ sakit, ngan pudip kelunan matai, ngan paget dulu diaʹ sakit bekayen, ngan pekarap bali pe. Lepa ne ikem alaʹ tuaʹ le, pekina pe ikem naʹ me dulu tuaʹ le laʹa.

MATIUS 12:13

Sulo dau Yesus neng laki ina: “Mejo ne ujoʹ koʹ.” Penco laki ina mejo ujoʹ o. Dalau ina lete tiga ne ujoʹ laki ina, koʹ baʹan iaʹ ceng bese are.

MATIUS 9:18

Dalau Yesus pisiu ngan nte, nai ca laki paren Yahudi. Sulo ho sutlep kaʹ juma ia. Un dau ue: “Un anak leto heʹ lepa matai ne ia uʹo re. Nai ne ikoʹ, napoʹ ujoʹ koʹ neng ia, atek ke ke mudip lete.”

MARKUS 16:18

pekina pe buk de ngkang ncung ulai, ngan nisep telang kayat, abeʹ de tai jaʹat kuʹun ne; ida ke napoʹ ujoʹ de neng kelunan sakit, sulo re maget.”

MARKUS 5:23

Sulo ho lemameʹ nyat ngan kelapen dau ue: “Pareng laleʹ le anak keʹ sakit. Ca anak leto iʹut lepe ia. Nai ne ikoʹ naʹat ia ading, ngan napoʹ ujoʹ koʹ neng ia, apan ne nai maget ngan mudip.”

MARKUS 6:5

Abeʹ Yesus ubaʹ ke uyan puyan nyingan kina. Bang kediʹut le diaʹ sakit ia napoʹ ujoʹ o ngan paget ida.

MARKUS 7:32

Sulo nai dulu ngkin ca kelunan iaʹ dengen ngan pekawaʹ ameng palaʹ Yesus, ngan nyat ia napoʹ ujoʹ o neng ia.

LUKAS 13:13

Kun Yesus napoʹ ujoʹ o neng leto ina. Dalau ina lete ia maget ngan telit usa ha, penco ho pempau Tuhan Allah.

LUKAS 4:40

Dalau ketai lenca tau, mung dulu dalem lepoʹ ina diaʹ ban sakit neng pemanak de, kadoʹ naʹan penyakit de, diaʹ dulu nai ngkin kata Yesus. Kun ne napoʹ ujoʹ o neng ida, singket usa re, paget ida mung.

PEMUYAN 28:7

Nyeng kina kadoʹ uma anun Pubelius, tuʹa bioʹ de kaʹ tanaʹ ina. Kun ne alaʹ ameʹ ngan selama, penco lemakan ameʹ ngan lebang seʹ e dalem telu tau majan ne petubo ameʹ.

PEMUYAN 28:9

Lepa puyan ina, mung diaʹ ca diaʹ sakit kaʹ tanaʹ ina, nai re pelaʹa, kun Paulus paget ida.

PEMUYAN 9:40

Kun Peterus cuk ida mung tai ka use. Uʹo ina kun ne sutlep lemameʹ Tuhan. Uʹo ina pelaʹa, penco ho pupa sileʹ tahaʹ patai ina. Un dau ue: “Tabita, beteʹ ne ikoʹ.” Kun Tabita mesik mata ha taʹan Peterus, sulo nai ie madung.

1 KURINTUS 12:28

Pekina lete puyan le dalem Mpun, moʹ Tuhan Allah iaʹ pempun ilu neng ca tuaʹ le, ading nge diaʹ lawa Injil, kedua ha diaʹ pegawa Allah, iaʹ ketelu ue diaʹ guru Injil, uʹo ina diaʹ uyan puyan nyingan, uʹo ina pelaʹa diaʹ un penyukat ke paget kelunan, ngan mepo kelunan, ngan diaʹ senteng peteneng gayeng, ngan diaʹ pisiu isiu bulen.

1 KURINTUS 12:9

Berua Tuhan loʹ lete iaʹ naʹ ca puyan pengelan me ca usa, mentung nge naʹ penyukat ke paget kelunan me diaʹ ca.