PEMUYAN 28:7 - Kenyah New Testament

⁷ Nyeng kina kadoʹ uma anun Pubelius, tuʹa bioʹ de kaʹ tanaʹ ina. Kun ne alaʹ ameʹ ngan selama, penco lemakan ameʹ ngan lebang seʹ e dalem telu tau majan ne petubo ameʹ.

PEMUYAN 28:7 Iomraidhean Croise

PEMUYAN 13:7

Ia malai ngan Sergius Paulus, laki bioʹ gebenur tanaʹ ina. Ca laki iaʹ mencam pekimet gebenur ina. Ia mengin Barnabas ngan Saul nai palaʹ ia, moʹ o ubaʹ ke kenahan dau tiraʹ Allah.

PEMUYAN 18:12

Dalau Galio tai gebenur ngkang perinta kaʹ tanaʹ Gerika, nai kun lepoʹ Yahudi diaʹ kuaʹ ayo ban peseket ubaʹ ke nyakit Paulus. Penco re dakep ia, ngkin ia kukoʹ diaʹ lataʹ pebetep tiraʹ.

PEMUYAN 23:24

Ngan petenup pe me Paulus ca kuda, ukoʹ o ngedung, ngan tai re ngkin ia tiga le palaʹ Pilik, gebenur ina.”

PEMUYAN 28:2

Un nte lepoʹ ina lesau laleʹ seʹ de neng ameʹ. Kun nte put luten katan le, ngan mengin ameʹ mung mentu, moʹ meʹ jiwen ngan sihoʹ ujan pe.

PEMUYAN 28:6

Un tekaʹ dulu ngihoʹ atek kenai bahaʹ ʹo. Buk ke abeʹ un pekina, abeʹ e majan laʹa masaʹ a tai pengkup ngan matai. Majan ne ida pekena diseʹ e, abeʹ pe ida taʹan ca inu jaʹat diseʹ neng ia. Tai pekaliu pe tekaʹ kimet de laʹa. Un dau re: “Atek ca bali ne ini.”

PEMUYAN 28:8

Un amai ie meken moʹ o dadem, ngan sakit batek pekaliu. Tai kun Paulus kaʹ amin amai Pubelius ne, penco lemameʹ ngan napo ujoʹ o neng ia, paget ia.

1 TIMUTIUS 5:10

Ngan tiga ban baloʹ saheʹ e, ngan mencam ban petubo anak ke, ngan selama alaʹ sakai nyabeʹ amin ne, ngan ban muheʹ taket diaʹ anun Tuhan, ngan mepo dulu dalem taru, ngan tangen neng kadoʹ naʹan puyan tiga.

IBERANI 13:2

Nawai ne nyelama alaʹ sakai kaʹ dalem amin ncem. Cen naʹaʹ un palai diaʹ ti pekina ngan nyelama alaʹ melikat petem nte abeʹ un tisen ida melikat.