PEMUYAN 28:23 - Kenyah New Testament

²³ Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 28:23 Iomraidhean Croise

MARKUS 4:34

Abeʹ e pekatuk dulu buk ke abeʹ un kanan kata katuk. Un sepuʹo dalau ue tengen un ngan ida telu diaʹ bayaʹ katuk ke, ia badaʹ puyan sen katuk ina mida.

LUKAS 16:28

moʹ lema re cenganak keʹ laki kina. Un baʹan le, ia badaʹ tugen le mida, malap ida kenai kaʹ ukoʹ iaʹ tuyen ini tegoʹ de matai ʹo.’

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

YAYA 4:34

Kun Yesus pisiu mida: “Penguman nceʹ ne keti bayaʹ pengubaʹ kimet ia iaʹ cuk akeʹ nai, ngan pedaʹam gayeng iaʹ ia cuk akeʹ ti.

PEMUYAN 1:3

Dalem pat puloʹ tau majan ne cen uʹo ho lepa matai are, un pe kudaʹ kudaʹ liwai kenai ie luhaʹ palaʹ ida. Atek luhaʹ ban ne mudip, moʹ un diaʹ lawa dina taʹan ia, ngan ia pekatuk ida neng puyan pengaren Allah ngaren ilu kelunan.

PEMUYAN 18:28

Moʹ kuʹun penisen Apulus, ina ukoʹ lepoʹ Yahudi supeʹ pesakat ngan ne neng mpun dulu, mentung nge badaʹ cen isiu dalem Kitap Tuhan ban Yesus ina, ia lete iaʹ ngkang pungu udip.

PEMUYAN 18:4

Singket Tau Kelineʹ ne tai Paulus pata petiraʹ dalem amin sebayang Yahudi, moʹ o ubaʹ lepoʹ Yahudi ngan lepoʹ Gerika ke mayo nai ngelan.

PEMUYAN 19:8

Un Paulus, tai kun ne kaʹ amin sebayang Yahudi, mentung nge pisiu ngan tempa dau ue. Telu bulan majan ne pata petiraʹ ngan petisen ida neng puyan pengaren Allah ngaren kelunan.

PEMUYAN 23:11

Neng alem iaʹ uʹo ina, nai kun Tuhan nekejeng dudo Paulus, kun dau ue: “Bawaʹ ne ading Paulus, moʹ lepa ne ikoʹ badaʹ ban ncoʹ tugen neng akeʹ kaʹ lepoʹ Yerusalim, pekina pelaʹa atek koʹ ke tai lete badaʹ ban ncoʹ tugen neng akeʹ kaʹ lepoʹ Rum laʹa ʹo.”

PEMUYAN 24:14

Un sepuʹo, ini le akeʹ ke ngahaʹ palaʹ amai: Akeʹ lemameʹ palaʹ Allah, iaʹ Allah tepun meʹ, bayaʹ Janan iaʹ ida badaʹ ca adet pebutun iaʹ abeʹ un teneng, baʹan dau re. Akeʹ ngelan lete mung inu iaʹ ban un dalem Kitap Katuk Adet Musa, ngan mung Kitap Pegawa ne.

PEMUYAN 26:6

Naʹkini heʹ nekejeng kini, iaʹ ukoʹ dulu mekem salaʹ makeʹ, moʹ keʹ nebelum neng tiraʹ iaʹ Allah lepa petuket me tepun meʹ mung cen naʹaʹ.

PEMUYAN 28:31

Kun ne badaʹ denga neng puyan pengaren Allah ngaren ilu kelunan, ngan badaʹ katuk neng Tuhan Yesus Keristus. Kun ne pisiu ngan tempa dau ue, ngan abeʹ un aheʹ iaʹ penceng ia. 109

PEMUYAN 8:35

Sulo Pilipus badaʹ mia cen tading jo isiu dalem Kitap ina are, kun ne badaʹ Denga Injil neng puyan Yesus.

PILIMUN 1:2

pekina pe palaʹ Mpun diaʹ ngelan Tuhan, iaʹ pempun neng amin ncoʹ, pekina pe palaʹ cenganak leto le Apia, ngan pekina pe palaʹ cenganak le Akipus iaʹ kuaʹ sedadu ngan meʹ dalem pengelan.

PILIMUN 1:22

Dalau ini lete, tiga hoʹ petenup ca tilung makeʹ, ukoʹ kenai heʹ, ban ne tebelum ngkeʹ Allah ke ngeringa dau temameʹ kem mung, ngan ke cuk akeʹ nai ngeliwet palaʹ ikem.