PEMUYAN 28:22 - Kenyah New Testament

²² Inu pia, ubaʹ meʹ ke ngeringa dau hoʹ, kumpin tekaʹ penisen ncoʹ. Bang tisen meʹ dau dulu kempi kempi badaʹ dau uban salaʹ puyan utun adet iaʹ ikoʹ kanan ini.”

PEMUYAN 28:22 Iomraidhean Croise

LUKAS 2:34

Penco Simiun naʹ peniga mida dua. Un dau ue neng Mariam ueʹ anak ina: “Allah iaʹ ban nengangan naʹ anak ini, apan ne ke nasaʹ palai lepoʹ Israil, ngan kadoʹ pe diaʹ ia ke pudip puʹo. Ngan ia ca tedanaʹ cen Allah. Kadoʹ dulu ke nyakat dau ue ʹo,

PEMUYAN 15:5

Un palai diaʹ Perisi diaʹ lepa ngelan, nai beteʹ. Un dau re: “Abeʹ senteng are ke nyunat ida dina, ngan cuk ida bayaʹ Katuk Adet Musa.”

PEMUYAN 24:14

Un sepuʹo, ini le akeʹ ke ngahaʹ palaʹ amai: Akeʹ lemameʹ palaʹ Allah, iaʹ Allah tepun meʹ, bayaʹ Janan iaʹ ida badaʹ ca adet pebutun iaʹ abeʹ un teneng, baʹan dau re. Akeʹ ngelan lete mung inu iaʹ ban un dalem Kitap Katuk Adet Musa, ngan mung Kitap Pegawa ne.

PEMUYAN 26:5

Moʹ tisen ne ida cen kena, buk de ubaʹ, senteng nte peluhaʹ ban lan seʹ keʹ mudip tangen bayaʹ adet iaʹ tuping laleʹ, ina jo adet Perisi.

PEMUYAN 5:17

Kenai Pengebioʹ Detaʹu ina pemung ngan diaʹ ngan ne iaʹ cen mpun kelunan Seduki, moʹ miʹet laleʹ tekaʹ kimet de.

RUM 1:8

Ading ading akeʹ nyuaʹ tiga saheʹ dalem Yesus Keristus palaʹ Tuhan Allah heʹ dalau heʹ petawai ikem mung, moʹ denga pengelan ncem tai pa tipo usun tanaʹ ini.

1 KURINTUS 11:19

(Puyan paseʹ abeʹ senteng are nai luhaʹ neng ahang ikem apan kelunan diaʹ telit ke luhaʹ lan.)

1 PETERUS 2:12

Tekep tiga penyaheʹ kem neng ahang dulu diaʹ abeʹ un ngelan Tuhan, apan tegoʹ de mekem salaʹ mikem, luhaʹ kena seʹ ban atek tiga pemuyan ncem, ina ukoʹ de ke pempau Allah tegoʹ Tau Tuhan kenai ʹo.

1 PETERUS 3:16

Ngan tiga hem mipa ha ngan lemaʹ dau ngan selama dau. Tiga ha lemuto dema tekaʹ kimet dalem penawai hem, apan buk dulu ke pejaʹat ikem moʹ kem mudip bayaʹ Keristus, ketai saʹe re ke pejaʹat ikem moʹ pemuyan ncem tiga.