PEMUYAN 26:7 - Kenyah New Testament

⁷ Neng puyan dau petuket ini, mung diaʹ puloʹ dua naʹan lepoʹ Yahudi caʹ nebelum lepe kidi, mentung nte lemameʹ palaʹ Allah singket tau ngan singket alem ne. Ban kuʹun tebelum ini sedeʹ, ahaʹ amai iaʹ laja heʹ, idi ukoʹ lepoʹ Yahudi naʹ akeʹ salaʹ.

PEMUYAN 26:7 Iomraidhean Croise

MATIUS 19:28

Sulo dau Yesus neng ida: “Dau heʹ mikem, tegoʹ udip iaʹ kenai mading, dalau ina ne Anak Sio ini ke madung neng usun adan pengaren ne ngan serema peniga ha. Ngan ikem puloʹ dua usa diaʹ bayaʹ katuk keʹ dini ke madung singket adan pengaren ncem tengen, ngan ke pebetep tiraʹ neng diaʹ puloʹ dua puhoʹ Israil.

LUKAS 2:25

Dalem lepoʹ Yerusalim ne, un ca laki ngadan ne Simiun. Ca laki iaʹ teneng ngan temek bayaʹ Adet Allah, mentung nge mengaʹ kenai iaʹ Keniga Udip lepoʹ Israil. Un Berua Buheʹ neng ia.

LUKAS 22:30

apan ncem ke uman ngan nisep ca le bijaʹ ngan nceʹ kedalem puyan pengaren nceʹ. Ngan kina hem ke madung neng adan pengaren, ke pebetep ukum neng diaʹ puloʹ dua lepoʹ Israil ʹo.”

PEMUYAN 20:31

Ina ukoʹ jagaʹ ne. ngan petawai le ʹo: telu uman majan nceʹ ngan ncem, abeʹ keʹ beto pekatuk ikem singket usa hem, naʹ tau ngan ngahu, mentung ngan tange heʹ le tahaʹ palai.”

PEMUYAN 24:15

Akeʹ nebelum neng Allah koʹ baʹan ida are lete nebelum neng ia, idi ie mung kelunan diaʹ teneng puyan, pekina pe diaʹ jaʹat puyan, mung nte ke nai numpak mudip cen patai re.

PEMUYAN 26:2

“Ahaʹ amai Laja Ageripa, tiga lan ne ini neng akeʹ, moʹ asin tau ini un awang keʹ nyeripa ikoʹ ke badaʹ dau heʹ mipa neng puyan lepoʹ Yahudi diaʹ naʹ akeʹ salaʹ.

PEMUYAN 26:3

Lapa saheʹ pe tekaʹ keʹ pelaʹa moʹ koʹ tisen laleʹ neng adet ngan tikung tiraʹ Yahudi. Ina ukoʹ keʹ nyat ikoʹ pedenaʹ tawai ke ngeringa dau heʹ ʹo.

PEMUYAN 28:20

Puʹun nceʹ mengin ikem kini, moʹ keʹ ubaʹ ke taʹan ikem, ngan ke pisiu ngan ncem. Tuman nceʹ sihoʹ beka ampit malat ini ban kuʹun tebelum lepoʹ le Israil neng Laki iaʹ Keniga ilu.”

PILIPI 3:11

Mele pe inu iaʹ ke sihoʹ neng akeʹ, ahaʹ akeʹ ke mudip dalem udip iaʹ tumpak cen ʹo patai.

1 TESALUNIKA 3:10

Naʹ tau ngan ngahu pe ameʹ nyat palaʹ ia, man tekaʹ luʹung kimet meʹ, apan ne ke pawang ameʹ tengen kenai naʹat ikem, sulo ngepit inu iaʹ tepa neng pengelan ncem.

1 TIMUTIUS 5:5

Un pe leto balu, iaʹ balu lan iaʹ luʹung mudip, iaʹ pesente tebelum me neng Allah, ngan tudep pe lemameʹ nyat lesau naʹ tau ngan ngahu.

YAKUP 1:1

Cen Yakup iaʹ ulaʹ Allah, ngan ulaʹ Tuhan Yesus Keristus: Akeʹ badaʹ tiga kimet palaʹ mung kelunan diaʹ anun Allah, diaʹ ban purat tipo kusun tanaʹ ini.