PEMUYAN 26:6 - Kenyah New Testament

⁶ Naʹkini heʹ nekejeng kini, iaʹ ukoʹ dulu mekem salaʹ makeʹ, moʹ keʹ nebelum neng tiraʹ iaʹ Allah lepa petuket me tepun meʹ mung cen naʹaʹ.

PEMUYAN 26:6 Iomraidhean Croise

PEMUYAN 23:6

Dau Paulus taʹan palai mida dina diaʹ ban Seduki ngan un pe diaʹ Perisi, bioʹ dau ue pisiu kuma ha: “Ahaʹ amai, ngan cenganak keʹ mung, akeʹ ne ca diaʹ Perisi lete, ca anak ban mela Perisi. Moʹ ban nceʹ un tebelum kelunan matai ke nai numpak mudip laʹa, ina iaʹ ukoʹ dulu kini ke petugen akeʹ.”

PEMUYAN 24:15

Akeʹ nebelum neng Allah koʹ baʹan ida are lete nebelum neng ia, idi ie mung kelunan diaʹ teneng puyan, pekina pe diaʹ jaʹat puyan, mung nte ke nai numpak mudip cen patai re.

PEMUYAN 24:21

Bang ca tiraʹ ini le iaʹ akeʹ ngelengap dalau heʹ nekejeng kata ida dalau idai are, iaʹ pekini dau heʹ: ‘Ikem mekem salaʹ makeʹ tau ini moʹ keʹ ngelan ban kelunan matai ke numpak nai mudip.’ ”

PEMUYAN 26:8

Moʹ inu hem lepoʹ Yahudi abeʹ un kimet ke ngelan ban Allah iaʹ pudip kelunan matai?

PEMUYAN 28:20

Puʹun nceʹ mengin ikem kini, moʹ keʹ ubaʹ ke taʹan ikem, ngan ke pisiu ngan ncem. Tuman nceʹ sihoʹ beka ampit malat ini ban kuʹun tebelum lepoʹ le Israil neng Laki iaʹ Keniga ilu.”

PEMUYAN 3:24

“Ngan pekina dau diaʹ pegawa Allah mung cen Samuil, peging ngan pegawa diaʹ bayaʹ, ketoʹ diaʹ penco tiraʹ Allah are, mung nte iaʹ ban badaʹ neng sun udip ini.

RUM 15:8

Dau heʹ mikem: Keristus ban nai petubo lepoʹ Yahudi apan luhaʹ seʹ ban lan Allah kanan tuket te, ngan palup dau tuket te me tepun le are.

GALATIA 4:4

Un sepuʹo tai sihoʹ tau iaʹ marung neng pengubaʹ Allah, sulo ho cuk Anak ke tengen nai pempet cen ca leto. Kun ne mudip kentaʹ Katuk Adet.

TITUS 2:13

Naʹkini ilu pengaʹ kenai Tau Bioʹ, iaʹ ilu nebelum kenai o. Tegoʹ ina ne, serema peniga Allah iaʹ atek bioʹ, iaʹ Keniga Udip le, kenai luhaʹ, iaʹ ina ne Yesus Keristus.