PEMUYAN 26:4 - Kenyah New Testament

⁴ “Mung lepoʹ Yahudi tisen ne ida ban puyan udip keʹ cen dalau iʹut ceʹ te. Ida tisen pe ban tading tading keʹ mudip kaʹ tanaʹ meʹ, ngan uʹo ina kenai heʹ kaʹ Yerusalim ne.

PEMUYAN 26:4 Iomraidhean Croise

PEMUYAN 22:3

“Akeʹ ne ca lepoʹ Yahudi iaʹ ban pempet kaʹ lepoʹ Tarsus kaʹ tanaʹ Kelikia. Nai heʹ kaʹ lepoʹ Yerusalim ini pekalai neng Gamalil iaʹ guru heʹ. Lepa ne akeʹ alaʹ katuk iaʹ telit bayaʹ adet tepun le. Sanget ngan temek pe akeʹ lemameʹ palaʹ Allah, koʹ baʹan seʹ kem mung tau ini are.

PEMUYAN 24:14

Un sepuʹo, ini le akeʹ ke ngahaʹ palaʹ amai: Akeʹ lemameʹ palaʹ Allah, iaʹ Allah tepun meʹ, bayaʹ Janan iaʹ ida badaʹ ca adet pebutun iaʹ abeʹ un teneng, baʹan dau re. Akeʹ ngelan lete mung inu iaʹ ban un dalem Kitap Katuk Adet Musa, ngan mung Kitap Pegawa ne.

GALATIA 1:13

Moʹ lepa ne ikem kenahan kumpin denga pengudip keʹ cen naʹaʹ, ca kelunan Yahudi iaʹ sanget dalem adet, ngan kumpin puyan nceʹ tai nyakit diaʹ Mpun diaʹ anun Allah ngan buseʹ, mentung ngkeʹ mita janan ke nasaʹ ida.

PILIPI 3:5

Moʹ lepa ne akeʹ sihoʹ adet sunat neng ke aya tau uʹo nai heʹ pempet. Akeʹ ca lepoʹ Israil cen mela Benyamin, petepuʹun cen Iberani, pelaya lepoʹ Iberani. Neng puyan adet Yahudi, akeʹ ne ca kelunan Perisi lete.

2 TIMUTIUS 3:10

Lepa ne ikoʹ nyituk bayaʹ dau katuk keʹ, ngan seʹ penyaheʹ keʹ, ngan neng iaʹ atek sen pengudip keʹ. Tisen pe ikoʹ neng pengelan nceʹ, ngan seʹ pengedenaʹ tawai heʹ, ngan seʹ pengemalaʹ keʹ, ngan seʹ pengemihen nceʹ,