PEMUYAN 26:31 - Kenyah New Testament

³¹ Uʹo ketai re ngerada, kun nte pisiu neng ida selepeʹ, un dau re: “Laki ini abeʹ un ca inu puyan ukoʹ o ke sihoʹ ukum patai, ngan inu iaʹ ukoʹ o ban sihoʹ sepin.”

PEMUYAN 26:31 Iomraidhean Croise

LUKAS 23:4

Tai kun Pilatus pisiu ida detaʹu lataʹ peging mpun dulu kina: “Lepa ne akeʹ nugen laki ini. Abeʹ un tekep le ke mekem salaʹ neng ia.”

PEMUYAN 23:29

Tisen nceʹ ia abeʹ un ca inu puyan iaʹ tekep ukoʹ o ke sihoʹ ukum patai ngan sepin. Un iaʹ ukoʹ de ban ke pesalaʹ ia sihoʹ neng pemuyan adet de tengen.

PEMUYAN 23:9

Tai bioʹ kuʹo ke dau re pesakat neng ahang ida. Un palai diaʹ guru Katuk Adet Musa diaʹ ban sekula Perisi dina, nai re beteʹ, pali dau re mepo diaʹ pesakat dina. Un dau re: “Tegoʹ ameʹ dini, nyahut laki ini un ca puyan iaʹ jaʹat ne. Masaʹ un ca puyan berua, buk are ca melikat pe iaʹ pisiu ia?”

PEMUYAN 25:25

Un tekaʹ penaʹat ceʹ, abeʹ un ca inu ukoʹ o tekep ke sihoʹ ukum patai. Ia tengen pe nyat ketai pebetep pe kata Laja Kaisar, ina ukoʹ keʹ teto tekaʹ ke cuk ia tai.

PEMUYAN 28:18

Kun lepoʹ Rum dina lemutu akeʹ, penco re ubaʹ ke nakau akeʹ, moʹ abeʹ un iaʹ ukoʹ keʹ tekep ke sihoʹ ukum patai, baʹan nte.

1 PETERUS 3:16

Ngan tiga hem mipa ha ngan lemaʹ dau ngan selama dau. Tiga ha lemuto dema tekaʹ kimet dalem penawai hem, apan buk dulu ke pejaʹat ikem moʹ kem mudip bayaʹ Keristus, ketai saʹe re ke pejaʹat ikem moʹ pemuyan ncem tiga.