PEMUYAN 26:3 - Kenyah New Testament

³ Lapa saheʹ pe tekaʹ keʹ pelaʹa moʹ koʹ tisen laleʹ neng adet ngan tikung tiraʹ Yahudi. Ina ukoʹ keʹ nyat ikoʹ pedenaʹ tawai ke ngeringa dau heʹ ʹo.

PEMUYAN 26:3 Iomraidhean Croise

PEMUYAN 21:21

Tisen ne ida dau denga hoʹ ban pekatuk mung lepoʹ Yahudi iaʹ mudip kaʹ lepoʹ diaʹ ca, ban cuk ida lepo Katuk Adet Musa, ngan mulen ida nyunat anak de, ngan mulen ida tai bayaʹ Adet Yahudi laʹa.

PEMUYAN 24:10

Uʹo ina, un gebenur ne pekata man ujoʹ o cuk Paulus pisiu. Penco Paulus mipa kuma ha: “Tisen te akeʹ, amai ca diaʹ pebetep tiraʹ neng lepoʹ ini dalem kudaʹ uman pe ban majan ne, ina ukoʹ keʹ ke nyebelang dau ke mipa ikoʹ.

PEMUYAN 24:4

Apan meʹ abeʹ un majan pelelat amai, ameʹ nyat lesau neng amai, ngeringa ne kediʹut de dau tiraʹ meʹ.

PEMUYAN 25:26

Di ie abeʹ keʹ tisen inu iaʹ akeʹ ke nyurat palaʹ laki paren bioʹ ina. Ina ukoʹ keʹ ngkin ia palaʹ ikem pat mung, ading nge palaʹ ikoʹ amai Ageripa, apan buk ke tai tugen puyan ini, senteng te akeʹ ke nyurat ca luʹung tiraʹ ʹo.

PEMUYAN 26:2

“Ahaʹ amai Laja Ageripa, tiga lan ne ini neng akeʹ, moʹ asin tau ini un awang keʹ nyeripa ikoʹ ke badaʹ dau heʹ mipa neng puyan lepoʹ Yahudi diaʹ naʹ akeʹ salaʹ.

PEMUYAN 26:26

Ahaʹ Laja Ageripa, tuman nceʹ tempa pisiu ngan ncoʹ, moʹ malai ne ikoʹ neng mung puyan diaʹ pekina. Atek tisen lete ikoʹ kidi. Moʹ abeʹ puyan ina ca puyan iaʹ suhuk koʹ baʹan inu iaʹ suhuk neng ca tikung are.

PEMUYAN 26:7

Neng puyan dau petuket ini, mung diaʹ puloʹ dua naʹan lepoʹ Yahudi caʹ nebelum lepe kidi, mentung nte lemameʹ palaʹ Allah singket tau ngan singket alem ne. Ban kuʹun tebelum ini sedeʹ, ahaʹ amai iaʹ laja heʹ, idi ukoʹ lepoʹ Yahudi naʹ akeʹ salaʹ.

PEMUYAN 28:17

Lepa ketelu tau ue, kun Paulus mengin mung diaʹ lataʹ Yahudi iaʹ un neng lepoʹ ina, nai pempun. Uʹo kenai re pempun, un dau ue neng ida: “Ahaʹ cenganak keʹ mung, naʹ pe akeʹ abeʹ un uyan ca inu iaʹ jaʹat neng lepoʹ le, pekina pe neng adet tepun le, un sepuʹo dulu nyepin nceʹ kaʹ Yerusalim, sulo re mahung akeʹ me lepoʹ Rum.

PEMUYAN 6:14

Moʹ lepa ne ameʹ kenahan dau Stipanus kuma ban Yesus lepoʹ Nasarit ina, ia ke pemapeʹ Umaʹ Palan ini, ngan ke nyaliu adet iaʹ Musa lepa naʹ palaʹ ilu.”

1 KURINTUS 13:2

Kenuen pe akeʹ un pencai man nceʹ senteng pisiu seluhan isiu Allah, kenuen pe akeʹ un mung penisen, ngan iaʹ lesan neng iaʹ linget pe, kenuen pe pengelan nceʹ sukung pa heʹ senteng paso mudung pe, un sepuʹo buk keʹ abeʹ un malaʹ, abeʹ keʹ ke nuyan ca inu inu pe.