PEMUYAN 26:29 - Kenyah New Testament

²⁹ Kun dau Paulus: “Naʹ pe ia ke nuat, inu pe ia ke majan, akeʹ lemameʹ Allah, abeʹ e bang amai tuaʹ le, di pareʹ mung ngkem diaʹ kenahan dau heʹ tau ini, awaʹ ne ikem ban ngelan koʹ baʹan akeʹ are, bang beka ampit ini le iaʹ are kahum kidi.”

PEMUYAN 26:29 Iomraidhean Croise

YAYA 5:34

Naʹ pe akeʹ pekina dau, abeʹ e uban nceʹ abeʹ un senteng alaʹ tugen cen kelunan. Akeʹ pekina dau ne apan ncem senteng alaʹ udip iaʹ ke pudip ikem dalem Tuhan.

PEMUYAN 12:6

Dalau alem kena ketai ke sihoʹ tau iaʹ Herudis ubaʹ ke tai ngkin ia ngejuma dulu, un Peterus ne luntoʹ neng ahang dua usa sedadu, peging ngan dua re beka malat neng ia. Un pe palai sedadu jagaʹ kaʹ lung pamen amin sepin ina.

PEMUYAN 21:33

Penco kenai mayur sedadu ina ngenyeng ngan dakep Paulus, tai cuk dulu lemeka ia man dua re beka ampit malat. Kun mayur ina lemutu, un dau ue: “Aheʹ laki ini tupe? Inu ban pemuyan ne are?”

PEMUYAN 25:14

Ngajan ne dua ngelineʹ un kudaʹ kudaʹ tau pe ida kina, kun Pistus peluhaʹ puyan tiraʹ Paulus me laja ina. Un dau ue: “Un ca laki dalem sepin kini iaʹ caʹ peput kuʹun Pilik.

RUM 10:1

Ahaʹ cenganak keʹ, mele pe mung tekaʹ kimet ceʹ, akeʹ ubaʹ lepoʹ keʹ ke un udip iaʹ ke pudip ida dalem Tuhan. Ina ukoʹ keʹ ngelapen dau lemameʹ Allah mida lete,

1 KURINTUS 4:8

Lepa beso ne ikem baʹan ncem. Ngan pekina pe ikem lepa kayaʹ baʹan ncem, ngan senteng ke ngkang ikem tengen. Inu baʹin meʹ ke pepo ngan ncem. Ina pengubaʹ keʹ, buk lan ncem ke ngkang pengaren apan meʹ senteng ke ngkang pengaren pemung ngan ncem.

1 KURINTUS 7:7

Pengubaʹ keʹ apan ncem mung ke pekuaʹ koʹ baʹan akeʹ are. Un sepuʹo singket usa un pengencai iaʹ Allah lepa naʹ mia. Ca kelunan pekini puyan pengencai ie, ngan ca kelunan pekina pe.

2 KURINTUS 11:1

Awaʹ pe ikem dadoʹ denaʹ neng akeʹ. Naʹ pe mapaʹ kediʹut ne dau heʹ, dadoʹ denaʹ ading.

IPESUS 6:20

Moʹ kuʹun Denga Injil ini heʹ tai ca lawa Tuhan, naʹ pe naʹkini heʹ sihoʹ sepin. Ina ukoʹ lemameʹ kem makeʹ, apan nceʹ tempa ke badaʹ Denga Injil ngan isiu iaʹ tekep akeʹ ke pisiu.

KULUSE 1:28

Ina tuman meʹ pedenga Keristus palaʹ mung kelunan. Ameʹ pejagaʹ dau me kelunan, ngan pekatuk ida man pa tekaʹ penudi meʹ, apan meʹ sukat ke ngkin ida, singket usa re, ke ngejuma Allah koʹ baʹan kelunan iaʹ sukung bioʹ pengudip berua ha, tuman pebeka tawai ie ngan Keristus.