PEMUYAN 26:24 - Kenyah New Testament

²⁴ Dalau Paulus pisiu pekina dau, sulo Pistus ngelengap: “Buling ngkoʹ Paulus, moʹ pelapa laleʹ mpau sekula hoʹ, idi iaʹ pebuling ikoʹ ne.”

PEMUYAN 26:24 Iomraidhean Croise

MARKUS 3:21

Dalau diaʹ pengamin Yesus kenahan dau denga puyan ina, tai re ke mulen ia, moʹ un dulu diaʹ pisiu kuma ha: “Seʹ e buling pekele.”

YAYA 7:15

Salam aleʹ tekaʹ diaʹ lataʹ lepoʹ Yahudi dina: “Kumpin ketai laki ini bioʹ aleʹ aleʹ penisen ne, buk ke nyahut te abeʹ un sekula ne?”

YAYA 8:48

Un dau kelunan Yahudi mipa Yesus: “Lan te dau meʹ ading de kuma ikoʹ lepoʹ Samaria iaʹ un bali.”

YAYA 8:52

Un dau kelunan Yahudi neng ia: “Naʹkini ne ameʹ tisen lan, ikoʹ atek un ca bali. Ibrahim pe lepa matai, ngan diaʹ pegawa pe lepa matai. Belekaʹ dau hoʹ kuma ha: ‘Aheʹ diaʹ bayaʹ katuk keʹ nyahut de abeʹ un ke matai ne.’

PEMUYAN 17:32

Dalau re kenahan dau Paulus badaʹ neng puyan kelunan matai ban nai numpak mudip ne, un palai petawa ngetepet ia. Ngan un palai diaʹ ca pelaʹa kuma ha: “Ubaʹ meʹ ke kenahan dau hoʹ badaʹ puyan ini ca liwai laʹa ʹo.”

PEMUYAN 22:1

“Ahaʹ pui, amai, ngan cenganak, ngan tepat mung, ngeringa hem dau heʹ ke mipa ikem ading.”

PEMUYAN 24:25

Dalau Paulus badaʹ neng puyan peneneng, ngan puyan mulen pengubaʹ usa, ngan neng Tau Ukum iaʹ ke nai uʹo, tai takut ne Pilik, un dau ue: “Sukat ne ina Paulus. Naʹkini tai ne ikoʹ uleʹ kaʹ amin sepin te laʹa. Buk un biʹen le laʹa, akeʹ mengin te ikoʹ ʹo.”

PEMUYAN 24:27

Dua uman uʹo ina, sulo Parkius Pistus nyaliu Pilik neng gayeng. Uban Pilik ubaʹ ke alaʹ tawai lepoʹ Yahudi, ina ukoʹ o caʹ meput Paulus dalem amin sepin.

PEMUYAN 26:11

Kudaʹ liwai ne akeʹ nyakit ida kedalem singket amin sebayang Yahudi. Naten kun nceʹ cuk ida pejaʹat pengelan nte neng Keristus. Akeʹ iaʹ pasak buseʹ neng ida, ina ukoʹ o pa abeʹ lepoʹ diaʹ ca te ketai heʹ pabat ida, moʹ keʹ ke nyakit ida.”

1 KURINTUS 1:23

Un sepe ilu dini ke pedenga Keristus iaʹ lepa ngediding neng usun kayu tecek, iaʹ ina ca puyan iaʹ mpeng me kelunan Yahudi, ngan ca apaʹ me kelunan diaʹ ca.

1 KURINTUS 4:10

Ameʹ dini seleket kelunan diaʹ apaʹ ban tuman Keristus, un sepuʹo ikem diaʹ kelunan tudi dalem Keristus. Ameʹ dini iaʹ lemaʹ, ngan ikem iaʹ pali. Muau dulu neng ameʹ, un sepuʹo ikem iaʹ dulu ke nyelama.

2 KURINTUS 5:13

Buk un seʹ buling kimet meʹ, tuman Alah ne ina. Buk kimet meʹ sebelang, tuman ikem ne ina.

2 TIMUTIUS 3:15

Cen dalau iʹut coʹ, lepa tisen ne ikoʹ neng Kitap iaʹ buheʹ, iaʹ ban naʹ penisen mikoʹ iaʹ ngkin ikoʹ palaʹ udip dalem Tuhan kuʹun pengelan dalem Keristus Yesus.