PEMUYAN 26:23 - Kenyah New Testament

²³ Palup ne dau re badaʹ ban Keristus iaʹ ngkang pungu udip atek ke ke sihoʹ tuyen, ngan ia ading kenai numpak mudip cen patai, ke penco badaʹ udip dema me mung lepoʹ Yahudi ngan diaʹ tahaʹ awang Yahudi pe.”

PEMUYAN 26:23 Iomraidhean Croise

MATIUS 26:24

Anak Sio ini ke matai bayaʹ ban dau Kitap, un sepuʹo siʹau pe kelunan iaʹ ke mencai Anak Sio ini ʹo. Pulang tiga kelunan ina abeʹ un nai pempet cen kena are.”

MATIUS 27:53

Penco re mecin liang nte, ngan uʹo lepa Yesus ngeliwet mudip cen patai ie, sulo kelunan dina tai kaʹ dalem Lepoʹ Buheʹ, kukoʹ kelunan kadoʹ ke taʹan ida.

LUKAS 2:32

ca dema iaʹ ke ngedema janan udip koʹ, palaʹ dulu diaʹ tahaʹ awang lepoʹ Israil. Ngan ia ke naʹ serema peniga hoʹ, palaʹ ida diaʹ anun ncoʹ, lepoʹ Israil.” Pekina ne dau Simiun.

LUKAS 24:26

Moʹ abeʹ tekep lete Keristus iaʹ ngkang pungu udip ke sihoʹ tuyen ina tupe? Ina le ia kenai luhaʹ kedalem serema peniga ha.”

LUKAS 24:46

Kun dau ue neng ida: “Ini le tiraʹ iaʹ un dalem Kitap: Atek ke sihoʹ tuyen lete Keristus iaʹ ngkang pungu udip. Uʹo ina kenai ie numpak mudip cen patai ie neng ketelu tau ue.

YAYA 10:18

Abeʹ un aheʹ iaʹ ke magang pengudip keʹ cen akeʹ, uban nceʹ mencai ie man tekaʹ pengubaʹ kimet ceʹ tengen. Un pe penyukat ceʹ ke naʹ a, ngan un pe penyukat ceʹ ke alaʹ a ngeliwet laʹa. Pekini ne puyan Amai heʹ cuk akeʹ uyan.”

YAYA 11:25

Dau Yesus neng Marta: “Akeʹ iaʹ pudip kelunan diaʹ matai, ngan akeʹ pe ngkin udip mida. Buk aheʹ diaʹ ngelan neng akeʹ, kenuen pe ia matai, atek ke nai mudip lete.

PEMUYAN 13:34

Ngan pekini pe dau tiraʹ Allah neng puyan ne ke pudip Yesus cen patai ie, apan ne abeʹ un tai madam. Kun dau ue: ‘Akeʹ ke naʹ te sio ngan peniga iaʹ buheʹ mikoʹ, iaʹ akeʹ lepa petuket ke naʹ me Daut are.’

PEMUYAN 26:18

Ikoʹ iaʹ ke mesik mata re, ngan pupa ida cen ntem, cuk ida sileʹ tahaʹ dema, pekina pe sau ida cen penyukat gaham Sitan iaʹ tuʹa bali, paso ida kedalem gaham Allah, idi penyalaʹ de pesau moʹ kuʹun pengelan nte neng akeʹ, pekina pe un ukoʹ de nai pebulung ngan kelunan diaʹ Allah ban lemileʹ.’ ” Pekina dau Yesus me Paulus.

PEMUYAN 26:8

Moʹ inu hem lepoʹ Yahudi abeʹ un kimet ke ngelan ban Allah iaʹ pudip kelunan matai?

PEMUYAN 3:18

Uban cen naʹaʹ Allah badaʹ isiu ue man mung pegawa ha, kumpin seʹ puyan kenai Laki iaʹ ngkang pungu udip, iaʹ Allah naʹ milu, iaʹ atek ke ke sihoʹ tuyen lete ʹo. Pekina lete ban tai ie palup.

PEMUYAN 3:24

“Ngan pekina dau diaʹ pegawa Allah mung cen Samuil, peging ngan pegawa diaʹ bayaʹ, ketoʹ diaʹ penco tiraʹ Allah are, mung nte iaʹ ban badaʹ neng sun udip ini.

1 KURINTUS 15:3

Dau iaʹ akeʹ pelawa mikem are, ia ne iaʹ akeʹ lepa alaʹ lete, ca puyan iaʹ atek bioʹ, iaʹ ina Keristus ban matai tuman penyalaʹ le, bayaʹ dau Kitap.

2 KURINTUS 4:4

Abeʹ de ngelan Denga Injil ina, moʹ bali jaʹat iaʹ nyeleket Allah mida kusun tanaʹ ini lepa mapo kimet de dalau ntem. Bali jaʹat ina ban mempeng kimet de apan nte abeʹ un sukat taʹan dema iaʹ ke nai ngedema ida. Moʹ dema iaʹ nai cen Denga Injil ina iaʹ ngedema puyan serema peniga Keristus iaʹ atek kuaʹ layen Allah ne lete.

KULUSE 1:18

Keristus ina atek ulu neng usa ha, iaʹ ina Mpun diaʹ ngelan ia. Ngan puʹun udip usa ina, iaʹ ina Keristus. Ia ne Anak ading iaʹ numpak mudip cen patai, apan ne ia tengen senteng ke alaʹ ukoʹ iaʹ ading ading neng toʹ naʹan inu.

IBERANI 2:10

Allah iaʹ lepa nyelung uyan mung inu, ngan ia iaʹ ngkang mung inu. Tekep lete ia pedaʹam Yesus kuʹun puyan tuyen, apan ne senteng ngkin kadoʹ diaʹ anak ke ke kahum pemung ngan Yesus dalem serema peniga ha. Moʹ Yesus tengen iaʹ ngkin ida palaʹ udip iaʹ pudip ida dalem Tuhan.

PUYAN LUHA’ 1:5

Pekina pe cen Yesus Keristus iaʹ semamet badaʹ tugen ne. Ia iaʹ Anak ading iaʹ lepa nai numpak mudip cen ahang diaʹ matai. Ia pe iaʹ paren neng usun diaʹ laja kusun tanaʹ ini. Yesus iaʹ ban malaʹ ilu, ngan ia nakau ilu cen penyalaʹ le ban kuʹun musa dahaʹ a.