PEMUYAN 26:22 - Kenyah New Testament

²² Naʹ pe pekina, Allah mepo heʹ pa abeʹ tau ini ne. Ina ukoʹ keʹ jeng kini, kebadaʹ ban nceʹ tugen neng Yesus palaʹ mung dulu, diaʹ iʹut ngan pekina pe neng diaʹ bioʹ. Mung dau isiu heʹ ini, abeʹ e tekajaʹ ngan dau isiu diaʹ pegawa cen naʹaʹ, ngan dau isiu Musa pe.

PEMUYAN 26:22 Iomraidhean Croise

MATIUS 26:24

Anak Sio ini ke matai bayaʹ ban dau Kitap, un sepuʹo siʹau pe kelunan iaʹ ke mencai Anak Sio ini ʹo. Pulang tiga kelunan ina abeʹ un nai pempet cen kena are.”

LUKAS 16:28

moʹ lema re cenganak keʹ laki kina. Un baʹan le, ia badaʹ tugen le mida, malap ida kenai kaʹ ukoʹ iaʹ tuyen ini tegoʹ de matai ʹo.’

LUKAS 24:27

Sulo Yesus badaʹ mida dua mung dau katuk iaʹ sihoʹ neng ia tengen dalem isiu Kitap Tuhan. Kun ne nading nge cen Kitap Musa ngan mung surat pegawa ne.

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

LUKAS 24:46

Kun dau ue neng ida: “Ini le tiraʹ iaʹ un dalem Kitap: Atek ke sihoʹ tuyen lete Keristus iaʹ ngkang pungu udip. Uʹo ina kenai ie numpak mudip cen patai ie neng ketelu tau ue.

YAYA 1:17

Cen Musa, Allah lepa naʹ Katuk Adet milu. Un sepuʹo cen Yesus Keristus kenai pengelesau ngan isiu iaʹ telit.

YAYA 1:45

Pelapa Pilipus petegoʹ ngan Natanil, kun ne badaʹ mia: “Un meʹ tegoʹ Laki iaʹ Musa badaʹ milu dalem Kitap Katuk Adet are. Un diaʹ pegawa nyurat neng ia lete. Ia ne Yesus anak Yusup lepoʹ Nasarit.”

YAYA 5:39

Ikem pekalai Kitap uban ncem kuma dalem surat dina hem ke alaʹ udip saheʹ kelineʹ iaʹ ngeriman, ngan surat dina tengen ke badaʹ tugen neng akeʹ.

YAYA 5:46

Buk kimet cem lan ngelan Musa are, seʹ kem ke ngelan akeʹ lete ina, uban ia iaʹ lepa nyurat puyan nceʹ.

PEMUYAN 10:43

Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

PEMUYAN 13:29

Palup ne mung puyan isiu iaʹ un dalem Kitap neng Yesus ne, kuʹun dulu lepoʹ Yerusalim dina. Uʹo ina, kun nte muno patai Yesus cen kayu tecek, naʹ ia kentaʹ, penco re mahung ia kedalem liang.

PEMUYAN 24:14

Un sepuʹo, ini le akeʹ ke ngahaʹ palaʹ amai: Akeʹ lemameʹ palaʹ Allah, iaʹ Allah tepun meʹ, bayaʹ Janan iaʹ ida badaʹ ca adet pebutun iaʹ abeʹ un teneng, baʹan dau re. Akeʹ ngelan lete mung inu iaʹ ban un dalem Kitap Katuk Adet Musa, ngan mung Kitap Pegawa ne.

PEMUYAN 26:17

Akeʹ ke ngelidung ngkoʹ neng puyan lepoʹ Israil, pekina pe neng puyan lepoʹ diaʹ ca pe, moʹ akeʹ iaʹ cuk ikoʹ ketai palaʹ ida.

PEMUYAN 26:6

Naʹkini heʹ nekejeng kini, iaʹ ukoʹ dulu mekem salaʹ makeʹ, moʹ keʹ nebelum neng tiraʹ iaʹ Allah lepa petuket me tepun meʹ mung cen naʹaʹ.

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

RUM 3:21

Naʹkini ban nai luhaʹ ne janan Allah ke peteneng ilu kelunan, tengen pe puyan katuk adet. Naʹ pe ia tengen, lepa ne Katuk Adet Musa ngan tiraʹ diaʹ pegawa Tuhan cen naʹaʹ ban badaʹ tugen neng idi.

1 KURINTUS 15:3

Dau iaʹ akeʹ pelawa mikem are, ia ne iaʹ akeʹ lepa alaʹ lete, ca puyan iaʹ atek bioʹ, iaʹ ina Keristus ban matai tuman penyalaʹ le, bayaʹ dau Kitap.

1 KURINTUS 15:4

Dulu masek ia dalem liang, sulo neng iaʹ ketelu tau ue kenai ie numpak mudip laʹa bayaʹ dau Kitap.

2 TIMUTIUS 3:11

ngan seʹ puyan dulu nyakit akeʹ ngan petuyen akeʹ. Moʹ ikoʹ tengen pe tisen neng puyan iaʹ ban sihoʹ akeʹ kaʹ Antiukia, ngan kaʹ Ikunium, ngan kaʹ Listera are. Tisen pe ikoʹ ban pasak kadoʹ penuyen iaʹ sihoʹ akeʹ. Un sepuʹo neng dina mung, Tuhan iaʹ sau akeʹ kidi.

PUYAN LUHA’ 11:18

Mung lepoʹ dulu diaʹ abeʹ un ngelan lepa buseʹ, uban ini ne jakaʹ kenca hoʹ nai abeʹ. Dalau ini pe ikoʹ ke pebetep ukum neng kelunan matai. Dalau ini pe ikoʹ kenaʹ bang me mung pegawa diaʹ pegayeng mikoʹ, ngan me mung kelunan diaʹ anun ncoʹ, diaʹ lataʹ pekuaʹ ngan diaʹ dumit. ina ne toʹ kelunan diaʹ takut ikoʹ. Uban ini ne jakaʹ koʹ ke nasaʹ kelunan diaʹ nasaʹ tanaʹ ini.”

PUYAN LUHA’ 15:3

Kun nte belian dau belian Musa, iaʹ pegayeng me Allah ina, ngan belian Anak Dumba idai lete. Un dau re: “Ahaʹ Tuhan Allah iaʹ Atek Bioʹ Penyukat, atek bioʹ aleʹ ban pemuyan ncoʹ, ngan salam tekaʹ meʹ kidi. Ahaʹ laja mung lepoʹ, teneng ngan telit janan ncoʹ.

PUYAN LUHA’ 20:12

Ngan akeʹ taʹan pe mung kelunan diaʹ matai, un pe diaʹ lataʹ kuaʹ ngan diaʹ dumit, nekejeng nyeripa padung pengaren ina. Un pe seʹ kudaʹ kudaʹ surat tai pesik. Uʹo ina pesik ne ca naʹan surat laʹa, iaʹ ina anun kelunan diaʹ mudip. Mung kelunan matai ke sihoʹ pebetep ukum bayaʹ ban pemuyan iaʹ idaʹ lepa uyan, kuaʹ ban iaʹ lepa un senurat dalem surat dina.