PEMUYAN 26:18 - Kenyah New Testament

¹⁸ Ikoʹ iaʹ ke mesik mata re, ngan pupa ida cen ntem, cuk ida sileʹ tahaʹ dema, pekina pe sau ida cen penyukat gaham Sitan iaʹ tuʹa bali, paso ida kedalem gaham Allah, idi penyalaʹ de pesau moʹ kuʹun pengelan nte neng akeʹ, pekina pe un ukoʹ de nai pebulung ngan kelunan diaʹ Allah ban lemileʹ.’ ” Pekina dau Yesus me Paulus.

PEMUYAN 26:18 Iomraidhean Croise

MATIUS 4:10

Dau Yesus mipa ia: “E Sitan, tai nikoʹ kelap. Un dau isiu dalem Kitap: ‘Tekep koʹ lemameʹ palaʹ Allah iaʹ Tuhan ncoʹ. Bang tunuk ne palaʹ ia tengen le.’ ”

MATIUS 4:16

Kelunan diaʹ mudip dalau ntem ke taʹan ca serema iaʹ bioʹ. Neng usunida diaʹ mudip dalau ntem neng tanaʹ jaka, serema inaʹ iaʹ ke ngedema ida.”

LUKAS 1:77

mia, ngan badaʹ me dulu diaʹ anun Allah, dau ue ke pudip ida kuʹun puyan ne iaʹ ke sau penyalaʹ de.

LUKAS 1:79

Cen surga ha ngedema mung dulu diaʹ mudip dalau ntem, diaʹ pencit kuʹun patai. Ia ke peteneng jeng taket le bayaʹ janan udip tadan.” Pekina ne dau Sakaria.

LUKAS 2:32

ca dema iaʹ ke ngedema janan udip koʹ, palaʹ dulu diaʹ tahaʹ awang lepoʹ Israil. Ngan ia ke naʹ serema peniga hoʹ, palaʹ ida diaʹ anun ncoʹ, lepoʹ Israil.” Pekina ne dau Simiun.

LUKAS 24:45

Penco ho mesik penisen nte apan nte ke tisen neng isiu Kitap Tuhan.

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

LUKAS 4:18

“Un Berua Tuhan neng akeʹ. Lepa ne ia nedanaʹ akeʹ, cuk akeʹ badaʹ Denga Tiga palaʹ dulu diaʹ taru mudip. Ngan pekina pe cuk akeʹ nai badaʹ denga nakau dulu diaʹ salut, ngan mesik mata diaʹ butaʹ, ngan sau dulu diaʹ ban pencit,

YAYA 17:17

Petengen ne ida mikoʹ, man sen katuk iaʹ telit lan. Isiu hoʹ iaʹ katuk telit.

YAYA 3:19

Pekini ne puyan ukum nuyan: dema lepa nai kusun tanaʹ ini, un sepuʹo kelunan malaʹ aleʹ neng puyan iaʹ mentem cen ʹo iaʹ dema, uban pemuyan nte jaʹat.

YAYA 4:10

Un dau Yesus mipa ia: “Awaʹ pe ikoʹ tisen inu iaʹ Allah naʹ me kelunan, ngan tisen aheʹ keʹ iaʹ nyat tisep neng ikoʹ ne, atek koʹ ke nyat neng ia lete, ngan ia pe naʹ sungai iaʹ mudip mikoʹ.”

YAYA 4:14

Un sepuʹo aheʹ kelunan diaʹ nisep sungai iaʹ akeʹ naʹ ne, abeʹ de ke muhang laʹa. Sungai iaʹ akeʹ ke naʹ me kelunan, ina iaʹ nuyan seleket lubang tebut iaʹ peluput sungai mudip kaʹ dalem penawai ie, ngan naʹ udip saheʹ kelineʹ iaʹ ngeriman mia.”

YAYA 8:12

Kun Yesus pisiu mida laʹa: “Akeʹ ne iaʹ ngedema usun tanaʹ ini. Aheʹ iaʹ bayaʹ akeʹ, ia iaʹ ke un dema iaʹ ngkin udip mia ngan nyahut te abeʹ un ke masat dalau ntem ne laʹa.”

YAYA 9:39

Un dau Yesus: “Akeʹ nai kusun tanaʹ ini ke pasat ukum iaʹ telit apan diaʹ butaʹ ke taʹan, ngan diaʹ taʹan ke tai butaʹ.”

YAYA 9:5

Uban ngajan nceʹ un kusun tanaʹ ini, akeʹ iaʹ ngedema usun tanaʹ ini.”

PEMUYAN 10:43

Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

PEMUYAN 13:47

Ina ban tengangan Tuhan cuk ameʹ, pekini dau ue: ‘Akeʹ naʹ ikem ca dema me dulu diaʹ tahaʹ awang Yahudi, apan ncem tai ngkin puyan iaʹ ke pudip kelunan pa tipo tanaʹ.’ Pekina dau Tuhan.”

PEMUYAN 15:9

Abeʹ Allah nekajaʹ ilu ngan nte. Lepa ne ia muheʹ kimet de moʹ kuʹun pengelan nte.

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 20:32

Sulo dau Paulus laʹa: “Naʹkini akeʹ pelek kem me Allah iaʹ sukat ke petubo ikem. Akeʹ pelek kem me katuk tiraʹ pengelesau Allah iaʹ sukat ke pedengkep ikem ngan naʹ mikem tulat sioʹ iaʹ Allah petenup ke naʹ me mung kelunan diaʹ anun ne.

PEMUYAN 26:19

Sulo dau Paulus laʹa: “Ahaʹ amai heʹ Laja Ageripa, abeʹ keʹ muau neng penaʹat ceʹ iaʹ tengangan nai luhaʹ cen surga ina.

PEMUYAN 26:23

Palup ne dau re badaʹ ban Keristus iaʹ ngkang pungu udip atek ke ke sihoʹ tuyen, ngan ia ading kenai numpak mudip cen patai, ke penco badaʹ udip dema me mung lepoʹ Yahudi ngan diaʹ tahaʹ awang Yahudi pe.”

PEMUYAN 3:19

Moʹ ina, nesen ne, ngan nyepuleʹ kimet cem palaʹ Allah, idi ie ke musoʹ sau penyalaʹ kem. Laʹa idi hem ke un ca iaʹ ke nyengim udip kem, iaʹ ban nai cen juma Tuhan.

PEMUYAN 5:31

Ia lete Allah ban ngayang cuk ia tai tahaʹ taʹu ue, moʹ o cuk ia ketai Tuʹa le, ngan Keniga Udip le, iaʹ ke mawang ukoʹ lepoʹ Israil ke nesen, alaʹ nyepuleʹ kimet de, ngan ke sau penyalaʹ de.

RUM 8:17

Moʹ le anak ke, inu iaʹ Allah ban pedemun me diaʹ anun ne, ilu ke un ne. Ngan inu iaʹ Allah pedemun me Keristus, ke pemung pe ilu ke un ne ngan ne pelaʹa. Moʹ buk le pemung penuyen ngan Keristus, ilu lete ke pemung ngan ne dalem serema peniga ha ʹo.

1 KURINTUS 1:2

Palaʹ Mpun iaʹ anun Allah, iaʹ un kaʹ lepoʹ Kurintus. Iaʹ ina palaʹ mung kelunan diaʹ lepa sihoʹ pengin ke tai nuyan kelunan buheʹ iaʹ Allah ke un. Allah iaʹ un ida moʹ kuʹun puyan nte pebeka tawai dalem Keristus Yesus. Ida iaʹ pebulung ngan kelunan diaʹ lemameʹ man ngadan Tuhan le Yesus Keristus ngalang kempi kempi kukoʹ de. Tuhan nte, ia lete Tuhan ne.

1 KURINTUS 1:30

Un sepuʹo Allah iaʹ lepa pebeka tawai le pemung ngan Keristus Yesus. Ban Allah iaʹ lepa uyan Keristus atek penudi milu. Ban kuʹun Keristus lete ilu lepa tai teneng ngan Allah. Pekina lete ilu diaʹ nuyan kelunan buheʹ anun Allah. Kuʹun Keristus lete ilu takau cen beka puyan iaʹ jaʹat.

2 KURINTUS 4:4

Abeʹ de ngelan Denga Injil ina, moʹ bali jaʹat iaʹ nyeleket Allah mida kusun tanaʹ ini lepa mapo kimet de dalau ntem. Bali jaʹat ina ban mempeng kimet de apan nte abeʹ un sukat taʹan dema iaʹ ke nai ngedema ida. Moʹ dema iaʹ nai cen Denga Injil ina iaʹ ngedema puyan serema peniga Keristus iaʹ atek kuaʹ layen Allah ne lete.

2 KURINTUS 4:6

Allah iaʹ pisiu cen naʹaʹ kuma ha: “Cen dalau ntem kenai dema nyerema.” Atek Allah ina lete iaʹ uyan dema ha nai nyerema kaʹ dalem kimet le are, idi kenai palaʹ ilu dema penisen neng puyan peniga Allah, kumpin seʹ e luhaʹ serema ha neng silung Keristus.

2 KURINTUS 6:14

Ayen mita gayeng iaʹ ke pebeka ikem ngan kelunan diaʹ abeʹ un ngelan Tuhan. Puyan iaʹ tekajaʹ pekina abeʹ un senteng ke pemung. Kumpin puyan iaʹ teneng senteng ke pemung ngan puyan iaʹ salaʹ tupe? Kumpin iaʹ dema ke pebulung mudip ngan iaʹ mentem tupe?

GALATIA 2:20

Ina ukoʹ pengudip keʹ naʹkini, abeʹ e akeʹ laʹa, di lareʹ Keristus iaʹ mudip dalem akeʹ. Pengudip keʹ naʹkini, iaʹ ina kuʹun pengelan nceʹ palaʹ Anak Allah, iaʹ malaʹ akeʹ ngan iaʹ lepa mencai pengudip pe tuman akeʹ.

GALATIA 3:14

Keristus uyan diaʹ pekina, apan mung peniga iaʹ Allah lepa petuket ke naʹ me Ibrahim ina senteng ke tai palaʹ kelunan diaʹ tahaʹ awang lepoʹ Yahudi, ban kuʹun Keristus Yesus. Iaʹ ina apan man pengelan le, ilu senteng ke alaʹ Berua iaʹ Allah lepa petuket ke naʹ milu ina.

GALATIA 3:2

Bang ca le pengenyat ceʹ, mipa ne putu heʹ ini: Un ncem alaʹ Berua Tuhan ina moʹ kuʹun pemuyan ncem bayaʹ Katuk Adet mo? Buk ke are, moʹ kem ngeringa mentung ngkem ngelan dau Denga Injil ina?

IPESUS 1:11

Mung inu tai nuyan bayaʹ sedep pe iaʹ ia pebetep neng kimet te tengen. Ngan Allah lepa lemileʹ ilu ke tai diaʹ anun ne tengen, moʹ o ke pebeka tawai le dalem Kerisus, bayaʹ ban kimet te cen penading nge.

IPESUS 1:14

Berua Buheʹ ina iaʹ koʹ baʹan ca kedatung milu, neng iaʹ Allah lepa petuket ke naʹ me kelunan diaʹ anun ne. Idi le un tebelum pa kenai Allah ke pawang toʹ kelunan diaʹ anun ne kelap cen iaʹ jaʹat. Tiga le pempau Allah kuʹun serema peniga ha.

IPESUS 1:18

Akeʹ nyat pelaʹa apan mata penawai hem ketai pesik, idi hem tai taʹan dema ha, apan ncem tai tisen tebelum dalem pengin Allah neng ikem. Pekina pe apan ncem tai tisen kumpin bioʹ puyan peniga iaʹ ia petuket ke naʹ me kelunan diaʹ anun ne.

IPESUS 1:7

Kuʹun musa dahaʹ Keristus, ia pawang ilu tai pesau cen iaʹ jaʹat, moʹ un pebeka tawai le dalem me. Pekina pe penyalaʹ le pesau kuʹun patai ie.

IPESUS 2:8

Moʹ tuman pengelesau ue, Allah pudip ikem kuʹun pengelan ncem neng Keristus. Abeʹ e kuʹun pemuyan ncem tengen, bang ca pengencai cen Allah tuaʹ le.

IPESUS 4:18

ngan mentem ban penawai re. Abeʹ de un alaʹ tulat neng udip iaʹ nai cen Allah, moʹ de turan laleʹ ngan mahing kimet de.

IPESUS 5:11

Ayen ncem tai pemung ngan dulu diaʹ un puyan diaʹ abeʹ un semantet, iaʹ nai cen dalau ntem. Di lareʹ ikem badaʹ dema ina mida tiga le.

IPESUS 5:14

Buk de tai tisen ban salaʹ de moʹ kuʹun dema, ina iaʹ menat ida nai tabin neng dema. Ina ukoʹ pekini dau katuk: “Taga ne ikem diaʹ luntoʹ, beteʹ ne cen ahang diaʹ matai. Ngan Keristus iaʹ ke ngedema ikem.”

IPESUS 5:8

Moʹ cen naʹaʹ, ikem pe caʹ mudip dalau ntem are. Un ne naʹkini ʹo, lepa ne ikem tai nuyan diaʹ anun Tuhan. Ina seʹ kem mudip neng dema. Cen diaʹ pekina, tekep kem mudip koʹ baʹan diaʹ dalem dema.

IPESUS 6:12

Moʹ abeʹ le ke pekutung ngan kelunan. Ilu ke pekutung ngan mung penyukat bali iaʹ uban nai cen beluaʹ awang, iaʹ ina bali diaʹ ngkang usun tanaʹ, ngan diaʹ ngkang penyukat lepoʹ, ngan toʹ penyukat iaʹ ngaren dulu ngajan udip ntem ini.

2 TIMUTIUS 2:26

Pekina ketai re alaʹ ngeliwet kimet neng iaʹ teneng, penco re pesau cen kelabak Bali Jaʹat, iaʹ ban dakep ida ngan cuk ida bayaʹ pengubaʹ a are.

IBERANI 10:10

Uban Yesus Keristus lepa ti puyan iaʹ pedaʹam pengubaʹ Allah, ina ukoʹ ilu mung tai nuyan buheʹ cen penyalaʹ kuʹun pencai usa ha tengen iaʹ ia mencai ca liwai tuaʹ le.

IBERANI 10:14

Ina ukoʹ man ca pencai liwa tuaʹ le Keristus lepa pedaʹam pa majan mung kelunan diaʹ buheʹ cen penyalaʹ.

IBERANI 11:6

Kelunan aheʹ pe abeʹ senteng ke niga kimet Allah buk ke abeʹ un pengelan. Moʹ aheʹ iaʹ nai ngejuma Allah, abeʹ e senteng are ngelan uba Allah iaʹ un, ngan ngelan uban Allah iaʹ naʹ bang me kelunan diaʹ mita ia.

IBERANI 9:15

Ina ukoʹ Keristus iaʹ peteneng ca penyalet tuket iaʹ mading, apan mung kelunan, diaʹ Allah lepa mengin, senteng alaʹ peniga iaʹ ke un pa majan, iaʹ Allah lepa petuket ke naʹ milu. Puyan ini senteng nuyan uban lepa un ca patai, iaʹ senteng ke pawang kelunan kelap cen pemuyan salaʹ iaʹ ida ti dalau re mudip neng penyalet tuket iaʹ puʹun are.

YAKUP 2:5

Ahaʹ cenganak cenganak diaʹ akeʹ malaʹ, ngeringa dau heʹ. Allah iaʹ ban lemileʹ kelunan kasip kusun tanaʹ ini tai kayaʹ dalem pengelan, ngan tai un puyan pengaren iaʹ Allah lepa petuket ke naʹ me kelunan diaʹ malaʹ ia.

1 PETERUS 1:4

Idi le ke alaʹ tulat iaʹ Allah petuket ke naʹ me diaʹ anun ne, iaʹ ia pedemun kedalem surga. Kaʹ ina abeʹ e senteng ketai tasaʹ, ngan abeʹ e ketai jaʹat, abeʹ e ketai menyo.

1 PETERUS 2:25

Cen kena ikem daru koʹ baʹan dumba are, un sepuʹo naʹkini, lepa ne ikem ngeliwet nai bayaʹ ia iaʹ Manan ikem, ngan iaʹ Petubo berua hem.

1 PETERUS 2:9

Un sepuʹo ikem dini ca pemanak iaʹ ban Allah lemileʹ, ca mpun detaʹu puhoʹ laja, ca lepoʹ iaʹ buheʹ, ca mpun diaʹ anun Allah tengen. Ia ban lemileʹ ikem apan ncem pedenga puyan peniga Allah. Moʹ o ban mengin ikem kawang cen dalem ntem, ketai kedalem dema ha iaʹ selawan.

1 YAYA 1:9

Un sepuʹo buk le teto ngahaʹ penyalaʹ le palaʹ Allah, ia ke ngkang dau tuket te ngan menco puyan iaʹ teneng, atek ia ke mesau penyalaʹ le lete, ngan muheʹ ilu cen mung pemuyan iaʹ abeʹ un teneng.

1 YAYA 2:12

Akeʹ nyurat palaʹ ikem diaʹ anak keʹ uban penyalaʹ kem lepa pesau kuʹun ngadan Keristus.

1 YAYA 3:8

Aheʹ iaʹ pekutat seʹ uyan penyalaʹ, atek anun Bali Jaʹat ne kelunan ina, uban Bali Jaʹat iaʹ uyan penyalaʹ cen tading tading nge. Ini iaʹ ukoʹ Anak Allah nenganan ban nai luhaʹ are, apan ne nasaʹ pemuyan Bali Jaʹat.

1 YAYA 5:19

Tisen te ilu are, ban ilu diaʹ anun Allah, naʹ pe mung diaʹ kusun tanaʹ ini un kentaʹ pengaren Bali Jaʹat.

YAHUDA 1:1

Cen Yahuda ca ulaʹ Yesus Keristus, ngan cenganak Yakup: Palaʹ mung kelunan diaʹ Allah ban mengin are, diaʹ ban mudip dalem pengemalaʹ Allah iaʹ Amai Bioʹ ngan dalem gaham Yesus Keristus iaʹ petubo ida.

PUYAN LUHA’ 21:27

Un sepuʹo abeʹ senteng inu penginteʹ tai kedalem lepoʹ ina, pekina pe aheʹ kelunan iaʹ uyan puyan jameng ngan lemalo. Bang kelunan diaʹ lepa un ngadan senurat dalem surat mudip iaʹ anun Anak Dumba ina, ida le iaʹ senteng ketai kedalem lepoʹ ina.