PEMUYAN 26:16 - Kenyah New Testament

¹⁶ Beteʹ ne, ngan nekejeng telit le. Tuman nceʹ nai peluhaʹ palaʹ ikoʹ, moʹ keʹ ke uyan ngan nyalet ikoʹ ulaʹ keʹ iaʹ ke badaʹ tugen neng akeʹ, idi hoʹ ketai badaʹ me kelunan neng puyan ncoʹ ban taʹan akeʹ tau ini, pekina pe neng puyan iaʹ akeʹ ke peluhaʹ palaʹ ikoʹ bayaʹ ʹo.

PEMUYAN 26:16 Iomraidhean Croise

LUKAS 1:2

Lepa ne ida nyurat te koʹ baʹan dau iaʹ dulu nai badaʹ milu are. Moʹ diaʹ badaʹ a dina, lepa ne ida taʹan puyan Yesus man mata re tengen, dina, lepa ne ida taʹan puyan Yesus man mata re tengen, cen penading nge. Ida lete diaʹ ban penco katuk ina.

PEMUYAN 1:17

Yudas lepa sihoʹ cap ngan le uban Tuhan lepa lemileʹ ia alaʹ tulat neng gayeng le.”

PEMUYAN 1:25

iaʹ ke nyeliwa nuyan lawa hoʹ neng gayeng iaʹ ban Yudas mahung ini, moʹ Yudas tai kaʹ ukoʹ tekep ketai ie.”

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 21:19

Kun Paulus badaʹ saheʹ tawai ie palaʹ ida, penco ho nepuʹun badaʹ tahaʹ ca tahaʹ ca, mung puyan iaʹ Allah uyan cen ban gayeng nge neng ahang dulu diaʹ tahaʹ awang Yahudi.

PEMUYAN 22:10

Un dau heʹ: ‘Ahaʹ Tuhan, inu iaʹ tekep ke puyan nceʹ tupe?’ Un dau Tuhan neng akeʹ: ‘Beteʹ ne ikoʹ. Tai ne kaʹ lepoʹ Damsik. Kina heʹ ke badaʹ mikoʹ mung naʹan puyan iaʹ Allah ban peteneng utung ikoʹ.’

PEMUYAN 23:11

Neng alem iaʹ uʹo ina, nai kun Tuhan nekejeng dudo Paulus, kun dau ue: “Bawaʹ ne ading Paulus, moʹ lepa ne ikoʹ badaʹ ban ncoʹ tugen neng akeʹ kaʹ lepoʹ Yerusalim, pekina pelaʹa atek koʹ ke tai lete badaʹ ban ncoʹ tugen neng akeʹ kaʹ lepoʹ Rum laʹa ʹo.”

PEMUYAN 26:15

Un dau heʹ: ‘Aheʹ koʹ, Tuhan?’ Un dau Tuhan ne: ‘Akeʹ lete Yesus iaʹ ikoʹ nyakit ini.

PEMUYAN 6:4

Tuman ina ameʹ dini diaʹ ke pekutat ke lemameʹ Tuhan ngan ke menco gayeng pedenga tiraʹ a.”

RUM 1:5

Moʹ kuʹun Yesus, bioʹ ban pengelesau Allah naʹ gayeng makeʹ ketai ca diaʹ lawa Injil ban tuman Keristus ne. Ina ukoʹ keʹ ke payo kelunan singket lepoʹ ne, ke ngelan Tuhan ngan tudep bayaʹ a.

RUM 15:16

Akeʹ iaʹ petubo gayeng Keristus Yesus me lepoʹ diaʹ tahaʹ awang Yahudi. Koʹ baʹan iaʹ detaʹu iaʹ ngkang liwa, pekina kenai heʹ badaʹ Denga Injil Allah, apan dulu diaʹ tahaʹ awang Yahudi ketai nuyan koʹ baʹan ca liwa iaʹ akeʹ mencai me Allah. Pengencai ina sihoʹ neng pengubaʹ Allah kuʹun Berua Buheʹ iaʹ nengen ida neng iaʹ buheʹ.

2 KURINTUS 4:1

Abeʹ meʹ tai iʹut tawai, moʹ Allah tengen iaʹ lepa naʹ tulat gayeng ini mameʹ, ban kuʹun pengelesau ue.

2 KURINTUS 5:18

Allah iaʹ uyan mung pemuyan ina are. Kanan Keristus ne, Allah uyan udip milu, ina ukoʹ pesau puyan bunoʹ are. Kun ne uyan ilu diaʹ panak ke. Sulo ho naʹ ca tulat gayeng mameʹ, iaʹ ina gayeng uyan kelunan tai pepanak ngan ne lete.

GALATIA 1:12

Ngan abeʹ keʹ alaʹ a cen kelunan. Abeʹ pe un kelunan iaʹ pekalai akeʹ, di lareʹ Yesus Keristus tengen iaʹ peluhaʹ Denga Injil ini makeʹ.

GALATIA 2:2

Akeʹ ban tai kaʹ Yerusalem, moʹ Allah iaʹ cuk akeʹ. Tai sabeʹ meʹ kaʹ Yerusalim, penco heʹ badaʹ puyan Denga Injil, iaʹ akeʹ pedenga palaʹ kelunan diaʹ tahaʹ awang Yahudi, me mung diaʹ lataʹ dina neng ata re tengen. Moʹ keʹ malap gayeng ngkeʹ iaʹ lepa, ngan iaʹ naʹkini, tai abeʹ un tuman.

IPESUS 3:3

Un kaʹ sedep Allah, lepa ne ia peluhaʹ a makeʹ. (Lepa ne akeʹ nyurat kediʹut de neng puyan ina.

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.

KULUSE 1:25

Allah lepa uyan akeʹ ca ulaʹ me Mpun diaʹ ngelan Tuhan, mentung nge naʹ tulat gayeng ini makeʹ, apan ne ke ngkin ca peniga mikem. Ngan tulat gayeng ini ke badaʹ mung sen katuk Allah,

KULUSE 1:7

Ikem kenahan puyan ina cen Ipapras, ca ulaʹ iaʹ ameʹ malaʹ dalem Tuhan, ngan iaʹ kuaʹ pegayeng ngan meʹ. Sereket ia saliu ameʹ. Ipapras ne ca usa iaʹ tudep dalem gayeng Keristus.

1 TESALUNIKA 3:2

ngan cuk cenganak meʹ Timutius tai palaʹ ikem. Timutius iaʹ pemung ngan meʹ pegayeng me Allah ke badaʹ Denga Injil Keristus ina. Ameʹ cuk Timutius nai petangen ikem, ngan nyalet pengelan ncem,

1 TIMUTIUS 1:12

Akeʹ nyuaʹ tiga saheʹ palaʹ Keristus Yesus, Tuhan le iaʹ ban naʹ pengali makeʹ dalem gayeng ngkeʹ. Akeʹ nyuaʹ tiga saheʹ neng ia pelaʹa, moʹ o naʹ penekep makeʹ, sulo ho nyalet akeʹ neng gayeng ini.

1 TIMUTIUS 4:6

Buk koʹ petawai mung cenganak le dalem Tuhan neng katuk ina, atek ikoʹ lete iaʹ nuyan ulaʹ iaʹ tiga neng Keristus Yesus, moʹ luhaʹ seʹ koʹ lemakan berua hoʹ man katuk pengelan, ngan tiraʹ iaʹ tiga, iaʹ ikoʹ tudep bayaʹ cen penading nge.

2 TIMUTIUS 4:5

Un sepuʹo ikoʹ ini, tiga hoʹ peteneng ngan jagaʹ usa hoʹ, mele inu pemuyan iaʹ nantaʹ ikoʹ, ngan ngihen neng tuyen. Pegayeng ne neng gayeng iaʹ ke madut dulu palaʹ katuk Denga Injil, ngan pesukung ne gayeng iaʹ tulat coʹ.