PEMUYAN 25:6 - Kenyah New Testament

⁶ Dalau Pistus ngelineʹ pemung ngan nte kina, masaʹ aya tau buk are puloʹ tau majan ne, uʹo ina tai ie puno kaʹ Kaisaria. Uʹo ho abeʹ, neng kenempam me, madung ne ia neng amin kelayan ukoʹ de pebetep tiraʹ, penco ho cuk dulu nai ngkin Paulus kata ia.

PEMUYAN 25:6 Iomraidhean Croise

MATIUS 27:19

Dalau Pilatus madung neng use kukoʹ dulu pebetep tiraʹ ina, sulo kenai ca denga cen leto ho, un dau ue: “Ayen ncoʹ pemung ngan dulu idaʹ ke ngejaʹat kelunan iaʹ abeʹ un salaʹ ina, ban ne dalem kenupi heʹ tahup de akeʹ tisen tekaʹ tuyen laleʹ ban tuman laki ina.”

YAYA 19:13

Tegoʹ Pilatus kenahan dau isiu ini, kun ne ngkin Yesus kawang, penco madung kempau adan batu iaʹ kukoʹ metep tiraʹ, iaʹ dulu kuma “Lasan Batu.” (Ngadan ne kuʹun Iberani, “Gabata.”)

PEMUYAN 25:1

Telu tau uʹo kenai Pistus abeʹ kaʹ dale ina, tai ie puke cen Kaisaria, penco tai pukat kaʹ Yerusalim.

PEMUYAN 25:10

Un dau Paulus: “Akeʹ ne nekejeng neng amin kelayan kukoʹ diaʹ ngkang perinta Kaisar pebetep tiraʹ. Kini hoʹ tekep ke pebetep pe makeʹ. Abeʹ un penyalaʹ keʹ neng lepoʹ Yahudi. Ikem amai, tisen te ikem kidi.

PEMUYAN 25:17

Uʹo kenai diaʹ lataʹ Yahudi dina abeʹ kini, busek ne akeʹ ke peteneng nge ʹo. Neng kenempam me, penco tai heʹ kaʹ amin kelayan kukoʹ ke pebetep tiraʹ. Kun nceʹ mengin Paulus nai kata akeʹ.

PEMUYAN 25:4

Un dau Pistus mipa ida: “Moʹ caʹ peput lepe Paulus neng sepin kaʹ Kaisaria, ngan abeʹ e majan laʹa ketai heʹ uleʹ kaʹ Kaisaria ʹo.

PEMUYAN 25:5

Buk pekina, tiga palai mikem diaʹ ngkang penyukat dalem lepoʹ nai kaʹ Kaisaria serengan akeʹ ʹo. Kina hem ke mekem salaʹ neng ia, buk un inu iaʹ jaʹat ban ia ti.”

PEMUYAN 8:40

Un Pilipus, nai pe ia luhaʹ laʹa kaʹ lepoʹ Asdut. Tai ie masat uban ke pedenga Denga Injil pa tipo singket lepoʹ, pa ha abeʹ kaʹ lepoʹ Kaisaria.

2 KURINTUS 5:10

Moʹ mung le lete iaʹ atek ke ngejuma Keristus, apan ia ke metep tiraʹ iaʹ marung neng ilu. Singket usa le ke alaʹ suaʹ iaʹ tekep bayaʹ ban pemuyan le ngajan pengudip le neng usa le, mele pemuyan ne tiga, mele pemuyan ne jaʹat pe.

YAKUP 2:6

Un sepuʹo ikem abeʹ un selama seʹ neng kelunan kasip! Aheʹ diaʹ nyemenaʹ ikem ngan menat ikem palaʹ diaʹ pebetep ukum tupe? Kelunan kayaʹ lete.